Fréttatíminn - 11.11.2016, Side 8

8 | FRÉTTATÍMINN | Föstudagur 11. nóvember 2016
Samkvæmt skýrslu Rauða krossins
um aðstæður þeirra borgar-
búa sem talið er að hafi fallið í
skuggann með einhverjum hætti,
er mest áberandi hve djúpstæð
félagsleg vandamál eru í Efra-
-Breiðholti. Í hverfinu er um fjórð-
ungur íbúa af erlendum uppruna,
fleiri fatlaðir íbúar, fleiri ungar
einstæðar mæður á fjárhagsstyrk
og fleira fólk með geðraskanir en
í öðrum hverfum borgarinnar.
Þá er fullyrt að menntunarstig sé
lægra en í öðrum hverfum, börn
sæki minna í frístundaheimili,
minnst þátttaka í sumarnámskeið-
um barna og unglinga og vaxandi
fjöldi eldri borgara á varanlegri
framfærslu. Höfundur skýrslunn-
ar, Ómar Valdimarsson, segir mik-
ið verk að vinna í hverfinu. Dagur
B. Eggertsson borgarstjóri hefur
boðað sértækar aðgerðir til að
mæta vandanum.
Fólkið í
Efra-Breiðholti
Borgarstjórinn í Reykjavík boðar sértækar
aðgerðir til að bregðast við fátækt og félagslegum
vandamálum í Efra-Breiðholti. Eins og fram kom í
nýrri skýrslu Rauða krossins, um hagi lakast settu
borgarbúanna, eru vandamálin djúpstæðari í
Efra-Breiðholti en í öðrum hverfum borgarinnar.
Undanfarið ár hefur Fréttatíminn rætt við
fjölmarga sem þekkja málið af eigin raun. Hér eru
brot úr sögum þeirra.
Þóra Tómasdóttir
thora@frettatiminn.is
Alda Lóa Leifsdóttir
aldaloa@frettatiminn.is
Egill Andri Gíslason hafði búið
á götunni í eitt og hálft ár þegar
hann ræddi við Fréttatímann í
apríl. Þá dvaldi hann hjá Rósu,
sem er öryrki og býr í Kríuhólum.
Egill Andri glímir við þunglyndi
og kvíða en hafði verið lyfjalaus og
án meðferðarúrræða síðan BUGL
sleppti af honum hendinni á 18
ára afmælisdeginum í fyrra. Hann
hafði verið á vergangi í langan tíma
og ekki átt neinn fastan samastað.
Vanlíðanin hafði áhrif á líf hans frá
því hann var unglingur og gerði það
verkum að hann átti erfitt með að
sækja skóla og vinnu. Fjölskyldu-
aðstæður hans voru líka þannig að
hann gat ekki búið heima.
„Við f luttum úr Engihjalla í
Smárahverfið þegar ég var tíu
ára. Þá var mamma búin að kynn-
ast manni sem flutti inn til okkar.
Upp frá því fór mér að líða alveg
ömurlega. Ég kláraði samt grunn-
skóla en með lélegum einkunnum.
Ég átti mjög erfitt með einbeitingu
í skóla og allan lestur, en það var
aldrei athugað hvort að ég væri les-
blindur. Ég hélt samt áfram í skóla
og kláraði tvær annir í Iðnskólanum
í Hafnarfirði. Planið var að klára bif-
vélavirkjun. Þar gekk mér vel með
verklega þáttinn en ömurlega með
bóklega námið. En í framhaldsskóla
var ég orðinn mjög veikur. Ég vildi
helst ekki fara út og gat ekki verið
meðal fólks.“
Rósa tók Egil Andra inn á heimili
sitt en hún er öryrki og býr með tvo
drengi á tvítugsaldri í Kríuhólum.
Annar þeirra er Markús, besti vinur
Egils. Rósa bjó um Egil í kompuher-
berginu í íbúðinni þeirra sem hún
er reyndar búin að setja á sölu af því
hún hefur ekki efni á því að búa í
Reykjavík. Hún benti honum á Féló
þar sem hann fékk styrk á meðan
hann beið eftir svari um hvort hann
kæmist að hjá VIRK endurhæfingu.
„Þegar maður er þunglyndur þá
dettur manni ekkert í hug sem er
gott í lífinu. En mig langar í eigið
húsnæði eða stað þar sem ég get
búið og mig langar að læra bifvéla-
virkjun og vinna við það,“ sagði Eg-
ill.
Á vergangi eftir geðdeild
Egill Andri Gíslason bjó hjá Rósu, sem er
öryrki, í Kríuhólum. Mynd | Alda Lóa
Mynd | Hari