Fréttatíminn - 23.12.2016, Blaðsíða 19

| 19FRÉTTATÍMINN | Föstudagur 23. desember 2016
Glenn gleymir aldrei fyrstu jólunum
sínum á Íslandi þegar heyra mátti
saumnál detta á aðfangadagskvöld.
Hann gekk um miðbæinn og gat séð
prúðbúnar fjölskyldur í gegnum
gluggana, í gamaldags og notalegri
stemningu. Hann heldur jólin fyrir
ferðamenn á kaffihúsinu Babalú.
Myndir | Hari
„Ef að það er eitthvað að marka síðustu viku og hvað það
var mikið að gera hjá okkur þá er að minnsta kosti um
25% aukning frá síðustu jólum.“
hans er sú að þessi jól slái enn eitt
metið í fjölda ferðamanna á Íslandi
yfir hátíðarnar.
„Ef að það er eitthvað að marka
síðustu viku og hvað það var mikið
að gera hjá okkur þá er að minnsta
kosti um 25% aukning frá síðustu
jólum.“ Glenn á erfitt með að meta
fjölda fólks sem kemur á Babalú
hver jól en það skiptir hundruðum.
Aðspurður hvort hann fái inn Ís-
lendinga á Babalú yfir jólin svaraði
Glenn: „Ekki á aðfangadagskvöld,
nei, en stöku sinnum fáum við sjó-
menn. Við höfum verið með einn
fastakúnna síðustu jól sem kemur
alltaf og fær sér það sama, hann er
íslenskur og kemur bæði á aðfanga-
dagskvöld og jóladag. Á jóladag
koma gjarnan til okkar Íslendingar
sem eru að fá sér gönguferð um
miðbæinn í rólegheitunum. Veðr-
ið skiptir máli, ef að það er jólalegt
veður, snjór og svona þá vill fólk
gjarnan spóka sig.“
Töfrandi fyrstu jól á Íslandi
Glenn er mjög hrifinn af íslensk-
um jólum. „Maðurinn minn er ís-
lenskur þannig að ég er alltaf með
honum frá klukkan sex á aðfanga-
dagskvöld og virði mikilvægi þeirr-
ar hefðar hérna á Íslandi.“
Hann á mjög góðar minningar
frá sínum fyrstu jólum á Íslandi.
„Ég kem frá New York, sem er mik-
ið fjölmenningarsamfélag, þar sem
mörgum ólíkum hátíðum er fagnað
um svipað leyti.“ Glenn er gyðing-
ur og ólst því upp við að fagna bæði
Hanukkah ljósahátíðinni og jólun-
um. „Fyrstu jólin mín á Íslandi voru
töfrandi. Ég var nýfluttur til Íslands
frá Kaliforníu með hundinn minn,
Honey, og fór út að ganga með hana
rétt eftir sex á aðfangadagskvöld.
Ég man að ég hugsaði að það væri
hægt að heyra saumnál detta, það
var svo hljóðlátt og kyrrt yfir bæn-
um. Kyrrðin var í fullkominni and-
stæðu við lætin kvöldið og dagana
áður. Ég bjó í miðbænum þá, ekki
langt frá Babalú, og ég man að ég
gekk um göturnar og naut þagnar-
innar og snjókomunnar. Þar sem ég
gekk um gat ég séð inn um glugg-
ana prúðbúnar fjölskyldur. Allir
mennirnir með bindi í jakkafötum
og konurnar með svuntur. Þetta
er var svo gamaldags og notalegt,
frostrósir á gluggunum, logandi
kertaljós og fjölskyldurnar sem
komu saman yfir jólamatnum. Ég
fékk tilfinningu fyrir því hvað það
er mikilvægt fyrir fólk að koma
saman yfir jólin. Þetta var svo fal-
legt, ég er þakklátur fyrir að vera
hluti af stórri íslenskri fjölskyldu og
hafa fagnað jólunum með þeim og
Þórhalli, manninum mínum, síð-
ustu tólf ár á Íslandi.”
Fyrir þá sem eru gestkomandi á
Íslandi yfir jólin eða eiga ekki ein-
hverja að, er gott að vita að notalega
kaffihúsið er opið yfir hátíðarnar og
býður upp á ósvikna jólastemningu
fyrir alla.
„Það verður opið hjá
okkur yfir öll jólin. Þetta
er eiginlega ein stór jóla-
veisla hjá okkur, við spil-
um blöndu af íslenskum
og amerískum jólalögum
og allir sem koma hingað
hafa alltaf verið ótrúlega
glaðir og þakklátir fyrir
að það sé einhver staður
opinn.“