Fréttatíminn - 23.12.2016, Blaðsíða 30

30 | FRÉTTATÍMINN | Föstudagur 23. desember 2016
HUMAR
Humar er nokkuð algengur forréttur
yfir hátíðarnar. Feitur fiskurinn
er gjarnan umlukinn smjöri
eða rjóma og því er gott að
næla sér í kraftmikið hvítvín
með. Hér veljum við gott
Chardonnay-vín frá Ástralíu
en einnig væri vel hægt að
hugsa sér Chardonnay frá
Chile eða Kaliforníu eða
Chablis-vín
Lindemans Chardonnay
Bin 65
Uppruni: Ástralía.
Þrúga: Chardonnay.
Árgangur: 2015.
Verð í Vínbúðunum: 2.150 kr.
RJÚPA
Rjúpurnar eru jólin sjálf í hugum
margra Íslendinga. Eflaust eru færri
með hana á borðum á aðfangadag
en áður var eftir að takmörk voru
sett á veiðar og í ofanálag vill unga
fólkið matreiða hana öðruvísi en eldri
kynslóðir. En það breytir því ekki að
rjúpan stendur fyrir sínu sem jóla-
matur og með honum er rétt
að velja afbragðs vín. Það
fáum við frá norðurhluta
Rhone-dalsins í Frakklandi,
frá framleiðandanum E.
Guigal sem nefndur hefur
verið sá besti á þessum
slóðum. Þetta frábæra
Syrah-vín er eins og
sniðið að íslensku jóla-
rjúpunni.
E. Guigal Cote Rotie
Uppruni: Frakkland.
Þrúga: Syrah.
Árgangur: 2008.
Verð í Vínbúðunum: 6.799 kr.
NAUTAKJÖT
Margir velja nautakjöt þegar þeir vilja
gera vel við sig. Hvort sem steik-
in er klædd í smjördeig eða fær að
malla ein og sér á þetta fantafína
ítalska vín vel við. Allegrini-vínin
komu nýlega aftur á mark-
að hérlendis eftir nokkurt
hlé og La Grola er flottur
fulltrúi fjölskyldunnar. Það
hefur fengið að eldast í 16
mánuði á eikartunnum,
auk tveggja mánaða
blöndunarferils áður en
það fékk að taka á sig
endanlega mynd í flösk-
unni í tíu mánuði. Virkar
vel með nautinu og eins
hreindýrasteik, ef vill.
Allegrini La Grola
Uppruni: Ítalía.
Þrúga: Corvina.
Árgangur: 2013.
Verð í Vínbúðunum: 3.590 kr.
LAMB
Það er einhver óútskýrð taug á milli
íslenska fjallalambsins og Rioja-vína
frá Spáni. Vín þessi hafa auðvitað
fylgt okkur lengi og hvort að það eitt
hafi skilað sér inn í erfðamengi okkar
eða hvort vínin og lambið
passa einfaldlega saman
skal ósagt látið. Hitt er víst
að þetta ágæta vín á fullt
erindi á íslenska hátíðar-
borðið. Ekki er verra að
umhella því seinnipartinn
svo það sýni allar sínar
bestu hliðar klukkan sex.
Ramon Bilbao Edicion
Limitada
Uppruni: Spánn.
Þrúga: Tempranillo.
Árgangur: 2013.
Verð í Vínbúðunum: 2.490 kr.
JÓLAMATUR
GRÆNKERANS
Sífellt fleiri kjósa að sneiða hjá
kjöti og hátíðarmaturinn á borðum
landsmanna er því mun fjölbreyttari
en áður fyrr. Erfitt er að velja eina
tegund af hvítvíni enda get-
ur hátíðarmaturinn úr eld-
húsi grænkerans verið afar
fjölbreyttur. Hér varð fyrir
valinu Sauvignon Blanc frá
Napa dalnum í Kaliforníu
sem stendur vel eitt og
sér en er líka frískt og
passar með ýmsum létt-
ari réttum.
Beringer Napa Valley
Sauvignon Blanc
Uppruni: Bandaríkin.
Þrúga: Sauvignon Blanc.
Árgangur: 2014.
Verð í Vínbúðunum: 3.490 kr.
HANGIKJÖT
Hangikjötið er nokkuð erfitt viður-
eignar enda eru reykur og salt alls-
ráðandi og þá eiga góð vín á hættu
að verða undir. Það er kannski ekki
skrítið að margir kjósi bara Malt og
Appelsín með þessum ágæta rétti.
Það er þó lausn í málinu og hana
finnum við í Alsace-héraðinu
í Frakklandi. Þar leitum við
til Trimbach-fjölskyldunnar
sem færir okkur unaðslegt
Gewürstraminer-vín sem
smellpassar með; hæfilega
sætt og með krydduðu
eftirbragði sem maður
gleymir ekki svo glatt.
Toppvín í góðum félags-
skap.
Trimbach Gewurztraminer
Reserve
Uppruni: Frakkland.
Þrúga: Gewurstraminer.
Árgangur: 2011.
Verð í Vínbúðunum: 3.599 kr.
HAMBORGARHRYGGUR
Það getur verið vandasamt að velja
rétt vín með hamborgarhryggnum
sem er vinsælasti rétturinn á jóla-
borðum landsmanna. Með
hryggnum viljum við vín
með sætu til að vega upp
á móti saltinu í kjötinu
en það þarf líka að ráða
við sykurinn í meðlætinu
sem gjarnan fylgir. Hér
gengur vel að finna sætt
hvítvín, til að mynda
Gewürztraminer eða
Pinot Gris, en við veljum
þó gómsætan Amarone.
Masi Costasera Amarone
Uppruni: Ítalía.
Þrúga: Corvina.
Árgangur: 2011.
Verð í Vínbúðunum: 5.990 kr.
HREINDÝR
Það er fátt sem slær við góðu kjöti
af hreindýri. Hér gæti vel gengið að
drekka með La Grola vínið
frá Allegrini sem nefnt er
til hliðar en við kjósum
þetta fína Sangiovese-
-vín frá Valiano í útjaðri
Toskana. Það heldur í við
hreindýrið og vel það,
kraftmikið og gott vín.
Annað sem gæti geng-
ið eru góð Bordeaux-
-vín eða Cabernet Sau-
vignon.
Valiano Chianti Classico
Riserva
Uppruni: Ítalía.
Þrúga: Sangiovese.
Árgangur: 2010.
Verð í Vínbúðunum:
3.190 kr.
Hvað
passar
með jóla-
matnum?
Það er ekki nóg fyrir alla
að elda hinn fullkomna
jólamat og bera á borð
fyrir sína nánustu.
Punkturinn yfir i-ið er að
finna rétta vínið með.
Höskuldur Daði Magnússon
hdm@frettatiminn.is
ÞUMALPUTTAREGLUR
Umhelling vína
• Vín sem eru yngri en 3 ára er gott
að sprengja upp með því að umhella
þeim í karöflu eða vatnskönnu.
• Vínin verða mýkri við umhellinguna
því þá loftar um þau og sýran fellur
niður.
Röðun vína
• Í góðu lagi er að hafa nokkrar
tegundir vína með sömu máltíð-
inni og smakka hvað fer best með
hverjum rétti.
• Notið fersk hvítvín (til dæmis Sau-
vignon Blanc og Pinot Grigio) á
undan þykkum og rjómakenndum
vínum (t.d. Chardonnay).
• Notið vín úr Pinot Noir og Merlot á
undan rauðvínum úr Cabernet Sau-
vignon og Malbec þrúgum.
• Röðin og hvað passar með hverju
kemur með æfingunni og smekk
hvers og eins.
Munndreifitöflur
250 mg
Pinex®
Smelt
H
V
ÍT
A
H
Ú
S
IÐ
/
A
ct
av
is
5
1
1
0
7
2