Fréttatíminn - 21.01.2017, Blaðsíða 4

Hjörtur Hjartar-
son sleit sviplega
sambandi sínu við
Íbúðalánasjóð.
4 | FRÉTTATÍMINN | Laugardagur 21. janúar 2017
Leigumarkaður Fyrirtækið
Leiguskjól býðst til þess að lána
leigutökum sjálfsskuldarábyrgð
á tryggingu vegna húsaleigu-
samninga. Framkvæmdastjóri
fyrirtækisins, Vignir Már Lýðsson,
segir mikið hafa verið að gera á
þessu eina ári sem fyrirtækið hefur
verið starfrækt. En hugmyndin sé
tilkomin vegna óeðlilegs ástands á
leigumarkaði.
„Það sem við sáum þegar við fórum
af stað með Leiguskjól fyrir tæpu
ári var að fólk hafði oft ekki efni á
tryggingunni sem margir leigusal-
ar fara fram á. Þetta geta verið háar
upphæðir, en fólk er engu að síður
vel gjaldfært, þó það eigi ekki 400
til 600 þúsund krónur í reiðufé,“ út-
skýrir Vignir Már.
Fyrirtækið er nokkuð líkt vá-
tryggingafélögum, þó það sé ekki
skráð sem slíkt, en það semur fyrir
hönd leigusalans við leigutakann og
reiðir fram ábyrgðina. Leigutakinn
greiðir svo mánaðarlegar afborganir
fyrir þjónustuna, sem eru nokkurs-
konar iðgjöld.
„Segjum sem svo að ábyrgðin sé
um 300 þúsund krónur, þá greið-
ir leigutakinn um 5500 krónur á
mánuði,“ segir Vignir. Ef tjón verð-
ur á íbúðinni og reiða þarf fram
trygginguna, greiðir Leiguskjól skað-
ann og gefur leigutakanum kost á að
dreifa skuldinni yfir ákveðið tímabil.
Hann segir fyrirtækið einnig hafa
lögmann sem fari yfir allar kröfur ef
leigutakinn heldur því fram að skaði
hafi orðið á eigninni
sem viðkomandi leigir
auk þess sem íbúðir
eru teknar út áður
en skrifað er undir
leigusamning.
Spurður hvort
leigutaki greiði ið-
g jö ld u m f r a m
ábyrgðina, svo sem
ef hann leigir það
lengi íbúð, svarar
Vignir því til að það
hafi ekki enn reynt á
það. En það sé ljóst að skil-
vísir geti fengið iðgjöldin
lækkuð í fyllingu tímans.
Spurður hvernig mark-
aðurinn komi þeim fyrir
sjónir svarar Vignir: „Við
finnum að það er rosa-
lega mikill hraði á leigu-
markaðnum. Margir
eru að flýta sér og gera
kannski mistök í leiðinni
og tapa á því. Á margan
hátt er markaðurinn kom-
inn í óefni,“ segir Vignir. | vg
Sérhæfa sig í að lána leigjendum
fyrir sjálfsskuldarábyrgð
Vignir Már Lýðsson
er framkvæmdastjóri
Leiguskjóls.
Hvalveiðar Hvalur hf. veiddi
ekki hval í fyrra og hefur ekki
tekið ákvörðun fyrir árið 2017.
Fyrirtækið hefur leyfi til veiða til
næsta árs.
Ingi F. Vilhjálmsson
ingi@frettatiminn.is
„Veistu það, þetta kemur allt í
ljós. Það er hreinlega ekki ákveðið
ennþá,“ segir Kristján Loftsson,
forstjóri og hluthafi Hvals hf.,
aðspurður um hvort fyrirtækið
muni veiða langreyðar við Íslands-
strendur á vertíð í sumar. Veiðarn-
ar á langreyðunum hafa verið
mjög umdeildar í alþjóðasamfé-
laginu og meðal annars verið eitt
helsta vandamálið í samskiptum
Íslands og Bandaríkjanna gegnum
árin.
Hvalur hf. hefur leyfi til ársins
2018 að veiða langreyðar en í
fyrra ákvað Kristján
að veiða ekki hval um
sumarið 2016. Í viðtöl-
um í fjölmiðlum í fyrra
sagði Kristján að vegna
markaðsástæðna í Japan
ætlaði fyrirtækið ekki að
veiða hval: Erfiðlega
hefur gengið að
koma kjötinu af
langreyðunum í
verð í Japan og á
Hvalur hf. mikið
magn frosinna
hvalaafurða.
Kristján hef-
ur áður sagt
í viðtölum að
hvalveiðarnar
séu stundaðar á
viðskiptalegum
forsendum og að
ef þær gangi ekki
upp peningalega þá muni hann
hætta þeim.
„Nei, það hefur enginn verið
ráðinn á hvalbát í sumar. Þetta
er bara ekkert ákveðið,“ seg-
ir Kristján en einn, ónefndur
maður, birti fyrir nokkrum
dögum mynd af sér á
Facebook með Krist-
jáni þar sem hann
sagðist hafa ráðið
sig á hvalbát hjá
Kristjáni.
170 krónur á 38 mánuðum
Hjörtur Hjartarson segist hafa
fengið samviskubit eftir símtal við
Íbúðalánasjóð. Hann hafi eyði-
lagt fyrir þeim hugvitssamlegt
viðskiptamódel. „Eftirstöðvar láns
voru 170 kr. Þeim skipti sjóðurinn
niður á 38 mánuði,“ segir Hjörtur.
„Afborgunin var um 2 kr. í hvert
sinn og svo var ég rukkaður um 75
kr. tilkynningargjald.“
Hann ákvað að snara út 170
krónum og slíta þar með viðskipt-
um við sjóðinn sem verður því af
tilkynningargjöldum í 40 mánuði.
Óvíst með hvalveiðar í ár
Kristján Loftsson
segir að Hvalur
hf. hafi ekki tekið
ákvörðun um veiðar
á langreyðum í ár.
Skuldir
Fararstjóri: Steingrímur Gunnarsson
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Brasilía & Argentína
Þessi ævintýraferð er blanda af stórfenglegri náttúru og
tveimur af fallegustu borgum veraldar, Buenos Aires og
Rio de Janeiro. Við kynnumst Iguazú þjóðgarðinum, Casa
Rosada og sjáum eitt af sjö undrum veraldar. Ferð sem skilur
eftir sig ljúfar og litskrúðugar minningar.
Allir velkomnir á kynningarfund 23. janúar kl. 20:00
hjá Bændaferðum í Síðumúla 2, 2. hæð.
sp
ör
e
hf
.
8. - 21. október
Dómsmál Björn Guðmundsson
fær erfðarannsókn á því hvort
Sigurður Nordal sé faðir hans.
Móðir Björns var vinnukona á
heimili Sigurðar og konu hans
árið 1925. Hæstiréttur snéri niður-
stöðu Héraðsdóms Reykjavíkur.
Þótti líkur sonum Sigurðar og var
oft tekinn feill á honum og þeim.
Ingi F. Vilhjálmsson
ingi@frettatiminn.is
Björn Guðmundsson, sem fædd-
ur er árið 1926, fær loksins úr því
skorið með mannerfðafræðilegri
rannsókn hvort fræðimaðurinn
landsþekkti Sigurður Nordal sé fað-
ir hans. Þetta er niðurstaðan í dómi
Hæstaréttar Íslands sem féll á mið-
vikudaginn. Málið var höfðað gegn
sonum Sigurðar, Jóhannesi Nordal
og Jóni Nordal, og snéri Hæstiréttur
við dómi Héraðsdóms Reykjavík-
ur í málinu. Til er lífsýni úr Sigurði
Nordal sem hægt er að notast við til
að skera úr um faðerni Björns.
Sambærileg mál hafa áður kom-
ið til kasta íslenskra dómstóla.
Þeirra þekktast er líklega mál
Lúðvíks Gizurarsonar sem fékk úr
því skorið með dómi að það væru
99,9 prósent líkur á því að Her-
mann Jónasson, sem var formaður
Framsóknarflokksins og forsætis-
ráðherra frá 1934 til 1942, væri faðir
hans.
Móðir Björns starfaði sem vinnu-
kona á heimili Sigurðar Nordals
og eiginkonu hans, Ólafar Nor-
dal, um nokkurra mánaða skeið
síðla árs árið 1925. Hún hætti hins
vegar að starfa fyrir þau um ára-
mótin 1925/1926, eins og segir í
dómi Hæstaréttar: „Þegar móðir
sóknaraðila hafi horfið úr vistinni
um áramótin 1925 til 1926 hafi hún
verið barnshafandi og það markað
endi á vist hennar hjá þeim hjón-
um.“ Skömmu eftir þetta kynnt-
ist móðir Björns öðrum manni og
giftist honum um vorið 1926 og var
Björn, sem fæddist í ágúst sama ár,
skráður sem sonur þessa manns en
ekki Sigurðar.
Í dómi Hæstaréttar kemur hins
vegar að Björn heyrði af því frá
móður sinni þegar hann var enn á
barnsaldri að hann væri ekki rétt
feðraður. „Allt frá átta ára aldri
kveðst sóknaraðili hafa heyrt ávæn-
ing af því að F væri ekki faðir sinn,
en hann hafi kynnst móður sóknar-
aðila eftir að hún var orðin barns-
hafandi. Kveðst sóknaraðili hafa
rætt þetta við móður sína og fengið
staðfestingu á að þetta væri sann-
leikanum samkvæmt. Hafi sóknar-
aðili ávallt talið B föður sinn.“
Í dómi Héraðsdóms Reykjavík-
ur í málinu kemur fram að Björn
hafi heyrt það sem ungur maður
að hann væri nauðalíkur sonum
Sigurðar Nordals enda voru þeir
nánast jafnaldrar, Jóhannes er
fæddur árið 1924 og Jón í mars árið
1926. „Aðspurður um það hvenær
sá grunur hafi vaknað hjá honum,
að B gæti verið faðir hans, kvaðst
stefnandi hafa hugsað fyrst út í
það þegar hann var orðinn nokkuð
fullorðinn maður. Ástæðan var sú
að þá hafi ítrekað verið tekinn feill
á honum og stefndu, og hann oft
spurður á seinni árum hvort hann
væri skyldur stefndu.“ Þá segir í
dómi Hæstaréttar Íslands að það
liggi fyrir ljósmyndir sem sýni
hversu líkur Björn sé þeim Jóhann-
esi og Jóni og þar af leiðandi verði
skorið úr um málið með erfðarann-
sókn.
Lögmenn þeirra Björns annars
vegar og Jóhannesar og Jóns hins
vegar vildu ekki ræða um málaferl-
in þegar Fréttatíminn leitaði eftir
því.
Níræður maður fær
að vita hvort Sigurður
Nordal sé pabbi hans
Sigurður Nordal (f. 1886 - d.
1974) var einn þekktasti og
dáðasti fræðimaður Íslands á
20. öld. Hann skrifaði mikið
um Íslendingasögurnar, þýddi
verk Platóns og skrifaði yfir-
litsrit um íslenska menningu.
Lífsýni úr honum verður nú
kannað í barnsfaðernismáli
níræðs manns gegn sonum
hans tveimur en annar þeirra
er Jóhannes Nordal.
Bæjarfulltrúar meirihluta Sjálfstæð-
isflokksins og Bjartrar framtíðar í
Hafnarfirði ákváðu á fimmtudag
að þiggja 45 prósenta launahækk-
un, en henni hafði verið frestað
tímabundið meðan starfshópur
um starfsumhverfi og kjör bæjar-
fulltrúa væri að störfum. Hann var
skipaður í kjölfar úrskurðar kjara-
ráðs um að hækka laun þingmanna
en laun sveitarstjórnarmanna taka
hlutfallslega mið af þeim.
Full laun fyrir störf í bæjarstjórn
eru núna 199 þúsund krónur á
mánuði. Með ákvörðun kjararáðs
verða þau um 286.000 krónur.
Full laun fyrir störf í almennu ráði
hjá bæjarfélaginu eru 90 þúsund
krónur á mánuði. Með ákvörðun
kjararáðs verða laun fyrir setu þar
nú um 129.600 krónur á mánuði.
Fulltrúar Vinstri grænna og Sam-
fylkingarinnar lögðu fram bókun
þar sem lýst er furðu á því að ekki
sé hægt að bíða niðurstöðu starfs-
hópsins en 2 vikur eru þar til hann
á að ljúka störfum. Borgarstjóri og
fulltrúar meirihlutans hafa ítrekað
sagt að ekki eigi að hækka launin
hjá Reykjavíkurborg en ekki iggur
fyrir formleg ákvörðun. | þká
Bæjarstjórn Hafnarfjarðar
vill launahækkun
Rósa Guðbjartsdóttir
er formaður bæj-
arráðs í Hafnarfirði.
Sveitarstjórnarmál