Fréttablaðið - 09.03.2017, Page 30

Til ráðherra, þingmanna og annarra samningsaðila vinnu-markaðarins!
Stjórnmálamenn landsins hafa
falið Tryggingastofnun að ýmist
jafna, skerða eða bæta kjör fólks sem
annaðhvort er á ákveðnum aldri eða
býr við tilteknar félagslegar aðstæð-
ur. Nú stefnir í að miklum árangri
hafi verið náð. Lítið brot af íbúum
samfélagsins þarf enn um sinn að
vera undir eftirliti TR, meirihlutinn
þarf ekkert á TR að halda! Sá hópur
hefur þegar „nóg“ til hnífs og skeiðar
og þarf ekki að vera með í félagslega
kerfi annarra landsmanna.
Til að allir sitji við sama borð og
njóti jafnréttis mætti taka upp TR-
kerfið um allt samfélagið. Það mætti
best gera þannig:
Launamaður með 400.000 kr.
fastakaup eftir skatt. Viðkomandi
vinnur 25 klst. yfirvinnu +200.000
kr. eftir skatt samtals 600.000 kr. Þá
skerðast föstu launin um 150.000 kr.
þar sem TR mundi sættast á 25.000
kr. nettó frítekjumark yfirvinnu.
Eftir eru 450.000 kr. nettó.
Með samsvarandi hætti skertust
föst laun vegna dagpeninga, auka-
greiðslna, arðgreiðslna og annarra
hlunninda.
Þannig mundi öll yfirvinna
minnka verulega, of miklu vinnu-
álagi linna, dregið yrði úr streitu-
röskun og almennt heilsufar lands-
manna væntanlega batna.
Við hver áramót kæmi svo ýmist
greiðsla frá TR vegna of mikilla
skerðinga eða krafa um aukagreiðslu
til TR vegna ofgreiðslna.
Þannig sætu allir við sama borð
og þeir sem eldri eru, sem nú ganga
með angist og kvíðaköst af ótta við
„glaðninginn“ frá TR um hver jól og
áramót.
Vonandi taka þingmenn á sig rögg
og laga þetta sem fyrst.
TR-væðum
samfélagið allt!
Borgþór S.
Kjærnested
lífeyrisþegi. (þegi
= ölmusuþegi,
styrkþegi)
Við sem erum ósammála Bjarna Ben í pólitík hljótum þó að viðurkenna að enginn
er honum sleipari nú um stundir.
Maðurinn hefur alla hljóma hins
pólitíska tónstiga á valdi sínu, frá
ljúfasta þyt yfir í gjallandi stríðs-
lúðra.
Það er langt síðan við sáum
Bjarna spila á allra fínustu streng-
ina, er hann táraðist í sjónvarpssal
og hélt þannig velli fyrir Hönnu
Birnu. Hneykslismál sem myndu
enda feril flestra stjórnmálamanna
hrindast af honum eins og fitubrák
af teflonpönnu; Milljarða afskriftir,
einkavinavæðing og Panamaskjöl,
ekkert skilur eftir blett á bláu jakka-
fötunum.
Í síðustu kosningum sáum við
bálreiða Bjarna húðskamma frétta-
menn í sjónvarpsumræðum fyrir
að spyrja út í svik hans í stórmáli
síðustu kosninga, ESB þjóðarat-
kvæðagreiðsluna. Augnabliki síðar
var mjúki Bjarni mættur segjandi
mildum rómi að nú væri einmitt
kominn tími á að fátækir og sjúkir
nytu góðærisins. Það breyttist þó
strax á kosninganóttina þegar ljóst
var að Lækjarbrekkuhrærigrautur-
inn náði ekki sínum vísa kosn-
ingasigri. Síðan fengum við að sjá
brosmilda Bjarna á stuttermabol-
num sjarmera Óttarr Proppé inn í
einkavæðingarríkisstjórnina. Það
var reyndar létt verk því einn ekki
síður klókur, Benedikt frændi, kom
ríðandi í hlað með Óttar í taumi.
Nýjustu tóndæmin eru að ljúfi
Bjarni telur mjög miður að stóru
skýrslurnar tvær – sem hann stakk
sjálfur undir stól – hafi ekki komið
fram fyrr!? Þá setur hann í brýrnar
og segir algjörlega fráleitt að það
hefði haft áhrif á kosningarnar ef
fólk hefði vitað að Sjálfstæðisflokk-
urinn greiddi með skipulegum hætti
efnuðu fólki leið til skattaundan-
skota með því að innleiða ekki CFC
og að 86% af skuldaleiðréttingunni
fór til ríkari helmings þjóðarinnar.
Bjarni er rétti maðurinn á tímum
sjálfvalins sannleika, háll sem áll og
fréttafólk nær engu taki á honum.
Bestu kostir stjórnmálamanns
eru þó heilindi og að fólk viti hvert
erindi hans er. Bjarni Ben hefur
aldrei minnist einu orði á raunveru-
legt erindi Sjálfstæðisflokksins: Að
verja og efla auð og völd baklands
síns.
Þá eru nú vinstriflokkarnir heið-
arlegri, þeirra erindi liggur alveg
ljóst fyrir:
Að verja og efla auð og völd bak-
lands síns.
Bjarni Ben
stjórnmálasnillingur?
Sverrir
Björnsson
hönnuður
Endómetríósa er krónískur, sársaukafullur móðurlífssjúk-dómur. Sjúkdómurinn getur
haft gríðarleg áhrif á lífsgæði þeirra
kvenna sem sjúkdóminn hafa.
Meðal einkenna geta verið miklir
verkir, vandamál og verkir tengt
meltingunni, ófrjósemi, ógleði og
síþreyta. Konur með endómetríósu
eru einnig líklegri en aðrar konur
til að fá vefjagigt, skjaldkirtils-
óreglu, auk andlegra erfiðleika svo
eitthvað sé nefnt. Sjúkdómurinn
er mjög lúmskur og verkirnir geta
komið fyrirvaralaust sem oft endar
með spítalaferð sjúklings til verkja-
meðhöndlunar.
Rétti læknirinn
Margar konur sem hafa þennan
sjúkdóm hafa gengið á milli lækna
til þess að leita sér aðstoðar án þess
að fá greiningu. Hér er ekki verið
að gera lítið úr þeim læknum sem
ekki hafa greint endómetríósu hjá
sjúklingum sínum heldur verið
að sýna fram á hversu lúmskur og
erfiður sjúkdómurinn getur verið.
Að komast að hjá rétta lækninum
tímanlega getur skipt sköpum fyrir
framtíð sjúklingsins. Fái endómet-
ríósa óáreitt að grassera í kviðar-
holi sjúklings í lengri tíma getur
hún valdið óbætanlegum skaða á
líffærum sjúklings og aukið líkur á
ófrjósemi.
Dóttir okkar hjóna er lýsandi
dæmi um þá erfiðleika sem fjöl-
skyldur lenda í þegar þessi sjúk-
dómur gerir vart við sig. Þegar hún
byrjaði á blæðingum 11 ára gömul
fór fljótlega að bera á miklum
verkjum hjá henni sem höfðu mikil
áhrif á hennar daglega líf og í raun
alla fjölskylduna. Hún missti mikið
úr skóla og eyddi löngum stundum
í rúminu. Verkjalyf voru tekin í
stórum skömmtum með misgóðum
árangri. Oft þurfti að sækja hana í
skólann þar sem hún lá á gólfinu og
engdist um. Hún fór nokkrar ferðir
með sjúkrabíl inn á Barnaspítala
þar sem hún var sprautuð niður.
Nokkrum sinnum leið yfir hana og
hún kastaði upp af verkjum.
Lífsgæðin voru ekki mikil á
þessum tíma. En þegar hún var 18
ára komst hún til rétta læknisins.
Sá læknir skar hana upp og í kviðar-
holsspegluninni var staðfest að hún
væri með endómetríósu. Dóttir mín
fékk í framhaldinu viðeigandi með-
ferð og ráðgjöf sem gjörbylti hennar
lífi. Í dag lifir hún nokkuð eðlilegu lífi
þó sjúkdómurinn minni stundum á
sig en þó í miklu minni mæli en áður.
Göngudeild
Þar með er þessu þó ekki lokið. Þar
sem endómetríósa er krónískur
sjúkdómur verður hann alltaf til
staðar. Að hafa aðgang að sér-
fræðingum í þessum sjúkdómi er
ómetanlegt. Samtök um endómetrí-
ósu hafa átt gott samtal og samstarf
við stjórnendur Kvennadeildar við
Landspítalann. Á fundum okkar var
stofnun göngudeildar fyrir konur
með endómetríósu og króníska
kviðarholsverki á Kvennadeild
Landspítalans meginumræðuefnið.
Er það von okkar að samstarfið skili
árangri.
Dagana 4. til 10. mars er vika endó-
metríósu.
Frekari upplýsingar um endómet-
ríósu er að finna á www.endo.is.
Staða kvenna með endómet-
ríósu innan heilbrigðiskerfisins:
Lífsgæði og meðferðarúrræði
h t t p s : / /w w w. f a c e b o o k .c o m /
events/816152245205837/
Dóttir mín á möguleika
á eðlilegu lífi
Einar Hjaltason
kerfisfræðingur,
eiginmaður og
aðstandandi
endómetríósu-
sjúklinga
Til allrar lukku er Kristinn H. Gunnarsson ekki húsasmið-ur því þá myndi hann lesa
sentimetra og tommur til skiptis
af mælistokknum sínum, allt eftir
því hvað honum þætti henta hverju
sinni í sama verkinu. Hætt er við
að húsin hans yrðu fyrir vikið ekki
endilega hornrétt og innréttingar
myndu hvergi passa í ætluð rými.
Mælikvarðar eru nauðsynlegir en
það verður að kunna að brúka þá.
Í Fréttablaðinu 2. mars víkur
Kristinn að skrifum mínum í sama
blaði 28. febrúar og ruglar saman
framlegð (EBITDA), framlegðar-
hlutfalli og rekstrarafgangi í skatta-
spori KPMG.
Í fyrsta lagi er Kristinn H. í
málflutningi sínum á svipuðum
slóðum og til dæmis Jóhanna Sig-
urðardóttir, fyrrverandi forsætis-
ráðherra, sem aldrei skildi mun á
hagnaði og framlegð frekar en svo
margir stjórnmálamenn. Frá fram-
legð dragast fjármagnskostnaður,
skattar og gjaldfærðar afskriftir og
þar kemur hagnaðurinn sem fellur í
hlut hluthafa og nýtist til afborgana
lána, nýfjárfestinga eða útgreiðslu
arðs. Þetta ætti maður með mikla
reynslu í stjórnmálum og störfum
Alþingis og stjórnsýslu að vita. Á
vefjum DV og BB má sjá að Kristinn
hafi numið hagfræði og stjórnmála-
fræði að þingmennsku lokinni, auk
BS-náms í stærðfræði í HÍ á yngri
árum. Þess vegna verður að ætlast
til þess að hann skilji lykilhugtök
og beri saman sambærilegar tölur!
Hvort Vinnslustöðin er vel eða
illa rekin skiptir engu máli í þess-
ari umræðu en að gefnu tilefni má
nefna að á dögunum lýsti Credit-
info hana fyrirmyndartæki, þriðja
árið í röð. Árið 2016 var Vinnslu-
stöðin í 35. sæti best rekinna fyrir-
tækja landsins af alls 35.000 fyrir-
tækjum sem Creditinfo kannaði.
Creditinfo gerir strangar kröfur í
mati sínu og færir rök fyrir niður-
stöðum en Kristinn H. veður elginn
í eigin orðaleppum.
Í öðru lagi nýtir Kristinn hlut-
fallstölur frá Hagstofu Íslands um
uppsjávarveiðar og vinnslu sem
honum þykir sér henta. Upplýs-
ingar Hagstofu Íslands byggjast á
úrtakstölum um sjávarútveg, þar
á meðal frá Vinnslustöðinni. Hann
talar annars vegar um hreinan
hagnað, sem er reiknuð stærð hjá
Hagstofunni, og hins vegar um
framlegð sem byggist á upplýs-
ingum frá hluta sjávarútvegsfyrir-
tækjanna eftir því hvað á við hverju
sinni. Á þessu tvennu er mjög
mikill munur. Hann nefnir árið
2015 sem dæmi um góða afkomu
uppsjávarveiða þar sem framlegð
var 21,5% en lætur hjá líða að geta
um að þá var hreint tap 0,2%, sam-
kvæmt upplýsingum Hagstofunnar.
Gögn Hagstofunnar eru sem slík
góð til síns brúks en sjálf hefur hún
reyndar lýst efasemdum um að
eigin gögn geti verið grundvöllur
skattlagningar í sjávarútvegi.
Skilja ekki mikilvægi loðnuleitar
Í þriðja lagi greinir Kristinn ekki
þann kjarna í grein minni að hvorki
framkvæmdarvaldið né Alþingi, og
augljóslega ekki Kristinn H. Gunn-
arsson sjálfur, skilja mikilvægi
loðnuleitar og grunnrannsókna
á sjávarauðlindinni. Ég benti á
að loðnuleitin var fjárhagslega á
ábyrgð loðnuútgerðanna af því að
ríkisvaldið vildi ekki verja 20-40
milljónum króna í verkefnið. Loðn-
an sem fannst skilar ríki og sveitar-
félögum 3,3 milljörðum króna í
beinar tekjur sem sjávarútvegur-
inn stendur skil á, ef miðað er við
„speglun“ skattaspors KPMG fyrir
Vinnslustöðina yfir á loðnuvertíð-
ina, og miklum óbeinum tekjum að
auki. Mér kæmi ekki á óvart að hátt
í 10 milljarðar króna rynnu í ríkis-
kassann af alls 17 milljörðum sem
loðnuvertíðin skilar.
Í fjórða lagi hlýtur Kristinn
að átta sig á að skattaspor félags
fyrir rekstrarár getur ekki átt við
eina vertíð sem stendur yfir í einn
mánuð. Á sama hátt hlýtur hag-
fræðineminn að átta sig á að ef ekki
hefði komið til þessara tekna af
loðnuveiðum í ár hefði skattaspor
Vinnslustöðvarinnar og sjávarút-
vegsins í heild verið mun minna.
Hér liggur líka munur annars vegar
á þeirri hugsun heilbrigðrar skyn-
semi að tekna sé aflað í þjóðarbúið
og kakan stækkuð öllum til hags-
bóta en hins vegar á þeirri fásinnu
og þráhyggju sósíalískrar hugsunar
og þekkingarleysis að tekjur verði
aðallega til með sköttum.
Í fimmta og síðasta lagi þakka
ég Kristni H. fyrir hreinskilnina
í nafni hluthafa, starfsmanna og
viðskiptavina Vinnslustöðvarinnar
og Eyjamanna yfirleitt. Hann hótar
því undir rós að taka af okkur lífs-
björgina, atvinnuna sjálfa. Kjarn-
inn í málflutningi hans og ann-
arra uppboðssinna á opinberum
vettvangi er einmitt sá að bjóða
skuli fólk og fyrirtæki í sjávarút-
vegi reglulega upp líkt og gert var
með niðursetninga í sveitum fyrr
á öldum.
Að vaða elginn og hóta VSV
Sigurgeir B.
Kristgeirsson,
framkvæmda-
stjóri Vinnslu-
stöðvarinnar hf.
Fái endómetríósa óáreitt að
grassera í kviðarholi sjúkl-
ings í lengri tíma getur hún
valdið óbætanlegum skaða á
líffærum sjúklings og aukið
líkur á ófrjósemi.
Hvort Vinnslustöðin er vel
eða illa rekin skiptir engu
máli í þessari umræðu en
að gefnu tilefni má nefna að
á dögunum lýsti Creditinfo
hana fyrirmyndartæki,
þriðja árið í röð.
Lítið brot af íbúum sam-
félagsins þarf enn um sinn að
vera undir eftirliti TR, meiri-
hlutinn þarf ekkert á TR að
halda! Sá hópur hefur þegar
„nóg“ til hnífs og skeiðar og
þarf ekki að vera með í fé-
lagslega kerfi annarra lands-
manna.
Bestu kostir stjórnmála-
manns eru þó heilindi og að
fólk viti hvert erindi hans er.
9 . m a r s 2 0 1 7 F I m m T U D a G U r30 s k o ð U n ∙ F r É T T a B L a ð I ð
0
9
-0
3
-2
0
1
7

0
4
:3
5
F
B
0
7
2
s
_
P
0
4
6
K
.p
1
.p
d
f
F
B
0
7
2
s
_
P
0
4
3
K
.p
1
.p
d
f
F
B
0
7
2
s
_
P
0
2
7
K
.p
1
.p
d
f
F
B
0
7
2
s
_
P
0
3
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
6
9
-D
B
C
4
1
C
6
9
-D
A
8
8
1
C
6
9
-D
9
4
C
1
C
6
9
-D
8
1
0
2
7
5
X
4
0
0
.0
0
1
1
A

F
B
0
7
2
s
_
8
_
3
_
2
0
1
7
C
M
Y
K