Fréttablaðið - 09.03.2017, Síða 58

Bíó
Logan
HHHHH
Leikstjóri: James Mangold
Framleiðendur: Hutch Parker,
Lauren Shuler Donner
Handrit: Scott Frank, James Man-
gold, Michael Green
Aðalhlutverk: Hugh Jackman, Pat-
rick Stewart, Dafne Keen
Eftir því sem ofurhetjumyndum
hefur fjölgað í gegnum árin hafa
þær óneitanlega, kannski óhjá-
kvæmilega, dottið í vissar formúlur
sem farnar eru að plaga þær. Borgir
eyðileggjast, tölvubrellur drekkja
nær öllu á skjánum, fræjum er stráð
fyrir komandi kafla og stöðugt verð-
ur erfiðara að bjóða upp á ferskleika
svo áhorfendur þreytist ekki á geir-
anum. Verst er samt hvað oft getur
verið erfitt að trekkja upp spennu
þegar ósigrandi fólk í þröngum
búningum eltist sífellt við það að
koma í veg fyrir heimsenda.
Serían um stökkbreyttu X-menn-
ina hefur bæði átt sína slæmu daga
og góðu á þeim 17 árum sem hún
hefur verið í gangi, en með Logan
er breytt algjörlega um tón og stíl,
hún er frábrugðin allflestu sem
hefur einkennt myndasögumyndir
síðustu áraraða. Þetta setur hana í
ákveðinn sérflokk.
Til að byrja með eru engar stórar
hættur í þessari mynd og er hún
heldur ekki mestmegnis gíruð að
unglingum eða gerð til þess að selja
varning. Öllu heldur er þetta dökk,
mannleg og töluvert lágstemmdari
saga sem á meira sameiginlegt með
vestra af gamla skólanum heldur en
hefðbundinni ofurhetjumynd.
Logan er tæknilega séð tíunda
myndin í stærri seríu og í rauninni
sú þriðja í hinum svokallaða Wolver-
ine-þríleik, en myndin er líka hönn-
uð til þess að standa sjálfstæð. Sagan
gerist árið 2029 og heimurinn er allt
öðruvísi en við höfum áður séð í
X-myndunum. Ofurhetjuteymið er
löngu horfið, titilpersónan starfar
núna sem bílstjóri og lætur lítið fyrir
sér fara. Til að bæta gráu ofan á svart
er maðurinn drykkfelldur og með
takmarkaðan lífsvilja. Dag einn er
honum gefið það verkefni að flytja
dularfulla, mállausa stúlku þvert yfir
landið, en fljótlega kemur í ljós að
það mun ekki reynast áhættulaust
verkefni.
Það sem í fyrstu hljómar eins og
dæmigerð vega(hasar)mynd reynist
á endanum vera merkilega þýðing-
armikil, falleg en ekki síður grimm
saga sem tekur á dauðleika, aflausn
og syndum feðranna. Leikstjórinn
James Mangold sækir innblástur
frá myndum á borð við Unforgiven,
Children of Men og meira að segja
Mad Max: Beyond Thunderdome.
En að þessu frátöldu er það einfald-
lega flugbeitt og áhrifaríkt handrit
sem keyrir þessa sögu. Mangold
gætir þess að leggja áherslu á smá-
atriði hjá persónunum án þess að
útskýra hlutina fullmikið.
Ofbeldi spilar líka stóran hluta og
16 ára aldursstimpillinn er nýttur til
hins ítrasta. Mangold er hins vegar
ekki að leita eftir því að áhorfendur
reki stöðugt hnefann upp í loftið
að gefnu tilefni, þó hetjurnar fái að
sjálfsögðu sín augnablik. Hér kemur
þó eitthvað fram sem ofurhetju-
myndir eru minna fyrir að sýna, sem
er að ofbeldi hefur ljótar afleiðingar
og við finnum fyrir þeim út söguna
og hvernig atburðirnir hemla og
móta karakterana. Tengsl og sam-
bönd þeirra eiga allan forgang. Öfl-
ugur hasar og tilheyrandi brellur
eru í öðru sæti, en koma prýðilega
út engu að síður.
Hugh Jackman er auðvitað þræl-
vanur fígúrunni og fer létt með að
rúlla upp eldri, bugaðri gerðinni
af Wolverine. Handritið býður líka
upp á það að leyfa honum að finna
nýja, dýpri vinkla á þessu hlutverki.
Svipað má segja um Patrick Stew-
art, leikur hans er áhrifaríkur og
hann sýnir að dáendum seríunnar
átakanlegri hliðar á Charles Xavier
sem ekki hafa áður sést.
Senuþjófur myndarinnar er ann-
ars nýstirnið Dafne Keen í hlutverki
hinnar mállausu Lauru. Myndin
hefði auðveldlega getað molnað í
sundur með rangri leikkonu í þessu
hlutverki en Keen hefur bæði þá
hörku og mýkt sem þarf til þess að
gæða persónuna heilmiklu lífi og
með eftirminnilegum hætti.
Þegar allt kemur til alls er Logan
svo miklu meira en „bara ofurhetju-
mynd“ og gengur sagan alveg upp
þó viðkomandi þekki ekki X-Men
seríuna. Hún er ekki hnökralaus en
gallarnir eru smáir (til að mynda
passar lokalagið með Johnny Cash
ekki alveg við endi myndarinnar)
og draga ekkert úr krafti framvind-
unnar.
Útkoman tekur ekki bara fyrri
Wolverine-myndirnar léttilega í
nefið heldur er þetta albesta mynd-
in í seríunni sem hún tilheyrir. Ef
þetta á að vera síðasta skiptið þar
sem Jackman spreytir sig í hlut-
verkinu er þetta stórglæsilegur og
grípandi svanasöngur hjá kapp-
anum. Tómas Valgeirsson
Niðurstaða: Flott handrit og
spennandi saga tryggir það að Wolver­
ine hefur aldrei verið beittari á hvíta
tjaldinu, eða tilfinningaríkari.
Ofurhetjusaga
með vestrakryddi
Hugh Jackman og Patrick Stewart fara með tvö aðalhlutverkin í myndinni Logan. NORDICPHOTOS/AFP
Heilsársþjónusta
vetur, sumar, vor & haust
554 1989
gardlist.is
Tunguhálsi 7, 110 Reykjavík
gardlist@gardlist.is
Þegar kemur að garðþjónustu erum við hjá Garðlist ávallt til
þjónustu reiðubúin, allan ársins hring. Við leggjum áherslu á að
svara öllum fyrirspurnum og pöntunum samdægurs og höfum
samband eftir að fagmenn okkar hafa lokið verki til að tryggja að
allt sé eins og það á að vera. Garðsláttur, trjáklippingar,
beðahreinsun, stubbatæting, þökulagning ofl.
Járn & Gler hf. • Skútuvogur 1h. Barkarvogsmegin
104 Reykjavík • S. 58 58 900 • www.jarngler.is
Bjóðum upp á sjálfvirkan
hurðaopnunarbúnað,
hringhurðir, hurðir og
gluggakerfi ásamt
uppsetningu og viðhaldi
á búnaði.
Áratuga reynsla.
Bíó
Urðarhvarfi 4 / 203 Kópavogi
Sími 557 4848 / www.nitro.is
FERMINGAGJAFIR
Bensín- og rafmagnsvespur á góðu verði
199.900,-
Svört, rauð eða grá
149.900,-
Svört, rauð eða hvít
KEMUR
1. APRÍL
Þarf ekki próf,
tryggja eða skrá!
9 . m a r s 2 0 1 7 F i m m t u D a G u r46
0
9
-0
3
-2
0
1
7
0
4
:3
5
F
B
0
7
2
s
_
P
0
6
7
K
.p
1
.p
d
f
F
B
0
7
2
s
_
P
0
5
8
K
.p
1
.p
d
f
F
B
0
7
2
s
_
P
0
0
6
K
.p
1
.p
d
f
F
B
0
7
2
s
_
P
0
1
5
K
_
N
Ý.p
1
.p
d
f
A
u
to
m
a
tio
n
P
la
te
re
m
a
k
e
: 1
C
6
9
-A
F
5
4
1
C
6
9
-A
E
1
8
1
C
6
9
-A
C
D
C
1
C
6
9
-A
B
A
0
2
7
5
X
4
0
0
.0
0
1
5
B

F
B
0
7
2
s
_
8
_
3
_
2
0
1
7
C
M
Y
K