SÍBS blaðið - 01.01.2006, Blaðsíða 7

7
lega. Oddur Ólafsson, yfirlæknir á Reykjalundi
var ráðinn yfirlæknir Múlalundar. Haft var eftir
Oddi að stefnt væri að því að Múlalundur yrði
fullkomnasti og besti verndaði vinnustaður
norðan Alpafjalla. Framkvæmdastjóri Múla-
lundar fyrstu missirin var Gísli Friðbjarnarson.
Hann lét af því starfi árið 1960 og við tók Jón
Tómasson. Árið 1963 var að fullu gengið frá
innréttingu þriðju hæðar verksmiðjuhússins á
Múlalundi. Fékkst þar m.a. geymsla á fullunnum
varningi, afgreiðsla og pökkunarsalur. Jafnframt
var sagt upp leiguhúsnæði sem Múlalundur
hafði haft að Hjarðarhaga 24. Árið 1964 tók
Sigurður Hannesson við sem framkvæmdastjóri
Múlalundar og árið 1967 tók Árni Einarsson
framkvæmdastjóri Reykjalundar við yfirstjórn,
með Guðjón Einarsson að aðstoðarmanni.
Flutt í Hátún 10
Um 1970 var þriggja hæða verksmiðjubygging,
sem góð þótti í upphafi, orðin starfseminni fjöt-
ur um fót. Það var því orðið brýnt að leita eftir
stærra og hagkvæmara húsnæði fyrir starfs-
emina. Á stjórnarfundi SÍBS árið 1978 kom
fram sú hugmynd að leita yrði eftir samstarfi
við Öryrkja bandalag Íslands og óskað leyfis til
að vinnustofur fyrir öryrkja yrðu reistar á lóð
bandalagsins við Hátún. Hugmyndinni var
mjög vel tekið. Á 21. þingi SÍBS í septem-
ber 1978 var stjórn sambandsins falið að láta
reisa nýja verksmiðjubyggingu og semja við
ÖBÍ um lóðina. Formlega var gengið frá samn-
ingum milli SÍBS og ÖBÍ um staðsetningu
fyrirhugaðrar verksmiðjubyggingar við Hátún
10 í aprílmánuði 1979. Hafist var handa við
undirbúning byggingarinnar og hófust fram-
kvæmdir í júní 1980. Árið 1981, á ári fatlaðra,
varð byggingin fokheld, en í maí mánuði 1982
var hún fullgerð og tekin í notkun - 1200
fermetrar á einni hæð. Seinna komu fram
hugmyndir um að byggt yrði ofan á húsnæði
Múlalundar og farið var í undirbúning þess
verkefnis. Ekkert varð af þeirri framkvæmd en
teikningar liggja fyrir.
Árið 1974 gerðist Steinar Gunnarsson fram-
kvæmdastjóri að Múlalundi og gegndi því
starfi til 2002 þegar Helgi Kristófersson,
núverandi framkvæmdastjóri Múlalundar tók
við. Enda þótt hin nýju húsakynni í Hátúni
væru bæði bót og aukning frá því sem verið
hafði í Ármúla, kom brátt í ljós að þau full-
nægðu ekki þörfinni. Stöðugt þurfti að bæta
við nýjum vélum og þær þurftu mikið hús-
rými. Því var tekið á leigu 350 fermetra hús-
næði í Skeifunni 3 og var þar opnað eins
konar útibú í ágúst 1988. Þangað fluttist þá
tölvumöppu- og bréfabindaframleiðslan.
Starfsmenn
Fram að flutningi í Hátúnið voru starfsmenn
Múlalundar um 45-50. Eftir flutninginn fjölg-
aði þeim í 75-80 og fjölgaði síðan reglulega og
urðu 115 þegar mest var – en að meðaltali voru
starfsmenn um 90 allt fram undir árið 2000.
Í dag eru engir fyrrverandi berklasjúklingar
starfandi í Múlalundi, en í stað þeirra eru ein-
staklingar með geðræn vandamál stærsti ein-
staki hópurinn, þá hjarta- og æðasjúklingar og
öryrkjar af völdum slysa. Heildarfjöldi starfs-
manna Múlalundar er nú 45. Gert er ráð fyrir að
allir starfsmenn sem koma til vinnuþjálfunar á
Múlalundi komi frá Vinnumiðlun höfuðborgar-
svæðisins.
Rekstrarvandi
Árið 1988 var gerður þjónustusamningur við
félagsmálaráðuneytið, um að ráðuneytið greiði
fyrir 15 stöðugildi ákveðna fjárhæð til styrktar
starfseminni. Nú eru stöðugildin 20. Sá styrkur
nægir þó hvergi nærri til að starfsemin standi
undir sér og hefur Múlalundur verið rekinn með
nokkru tapi flest árin frá stofnun.
Múlabær
Þegar að því kom vorið 1982 að starfsemi Múla-
lundar gæti flutt í ný og vegleg húsakynni við
Hátún, losnaði í Ármúla 34 allmikið húsnæði,