Dagblaðið Vísir - DV - 19.01.2016, Blaðsíða 23

Vikublað 19.–21. janúar 2016 Kynningarblað - Íslenskt sjávarfang 9
Matur og drykkur með
séríslenska matargerð
N
ú fyrir nákvæmlega ári var
opnaður nýr veitingastaður
undir nafninu Matur og
drykkur í Alliance húsinu
úti á Granda, sem er gamla
Ellingsen-húsið að Grandagarði
2. Matreiðslumeistari staðarins er
Gísli Matthías Auðunsson sem hef-
ur rekið veitingastaðinn Slippinn í
Vestmannaeyjum undanfarin fjögur
sumur við góðan orðstír ásamt fjöl-
skyldu sinni. Hann er meðal annars
eigandi Matar og drykkjar ásamt
Elmu Backman og Alberts Munoz.
Varðveita íslenska matargerð
Nafn staðarins vísar til ástsælustu
matreiðslubókar Íslendinga, Matar
og drykkjar eftir Helgu Sigurðar-
dóttur. Eins og Helgu var umhugað
að varðveita þekkingu um gamla
íslenska matargerð og auka veg
hennar þá mun matseðill veitinga-
hússins samanstanda af íslenskum
uppskriftum úr íslensku hráefni.
„Með frumleika að leiðarljósi hefur
staðurinn haslað sér völl sem einn
af áhugaverðustu veitingastöðum
í sístækkandi veitingahúsaflóru
Reykjavíkur,“ segir Gísli. Drykkirnir
leika líka stórt hlutverk og er þar
reynt að tengja kokteila staðarins
við nostalgíu fyrri tíma. Drykkir
eins og gin í greip og sjeniver í kók
leika þar stóra rullu.
Íslendingar stoltir af
íslenskum mat
Markmið staðarins er einfalt og
hefur alltaf verið að gera Íslendinga
stolta af íslenskum mat. Samhliða
því bjóða upp á eigin uppskriftir af
klassískum réttum eins og plokk-
fisk, pylsu með öllu og lúðusúpu
í hádeginu, svo dæmi séu nefnd,
þá verða einnig ævintýralegri rétt-
ir á seðlinum. Þar má nefna vin-
sælasta rétt staðarins þorskhaus,
gljáðan í kjúklingasoði með beltis-
þara og hunangi, harðfiskflögur
með brenndu smjöri og sölvum og
brasaðan lambshaus. Auk þess eru
hefðbundnari réttir í boði að sögn
Gísla.
Íslensk matarmenning í
nýju ljósi
„Við höldum stundum að hér á
landi sé engin raunveruleg matar-
hefð en við erum einfaldlega ekki
nógu dugleg að halda henni á
lofti. Gamlar íslenskar uppskriftir
byggja ekki allar á súrum eða sölt-
uðum mat, þvert á það sem margir
halda. Það er af ótrúlega mörgu að
taka enda iðar sjórinn og hagarnir
af lífi og hér vaxa margar bragðgóð-
ar jurtir. Okkar markmið er ekki að
sjokkera fólk heldur fyrst og síðast
að búa til ótrúlega góðan mat sem
byggir á hefðinni og því sem við
höfum úr að spila,“ segir Gísli sem
vann með landsþekktum matgæð-
ingum og sagnfræðingum við að
grafa upp gleymdar íslenskar upp-
skriftir við undirbúning matseðils-
ins. „Draumurinn er að fólk sem
bragðar matinn hjá okkur sjái ís-
lenska matarmenningu í nýju ljósi
og fari í framhaldinu að leika sér
meira að íslenskum hefðum í eld-
húsinu heima,“ segir hann.
Eins árs afmæli fagnað
fimmtudaginn 21. janúar
Á fimmtudaginn næstkomandi, 21.
janúar, er eins árs afmæli Matar og
drykkjar og það er tíminn sem þorr-
inn byrjar á Íslandi.
Boðið verður upp á
sérstakan níu rétta
þorramatseðil á
aðeins 6.990 kr. í
stað 9.990 kr. Auk
þess mun Víking
Ölgerð para réttina
með nýjum bjór
frá þeim, sem er að
koma á markað.
Hugmyndina
að þorramatseðl-
inum segir Gísli
vera einfalda.
„Hún snýst um
að gera klassíska þorrarétti að
skemmtilegum og bragðgóðum
mat með frumleika og fyrsta flokks
hráefni að vopni. Að þorramatur-
inn í raun geti gengið ofan í alla.
Ekkert hefur til að mynda verið
súrsað á matseðlinum!
Harðfiskflögur með
brenndu smjöri og
sölvum. Síld, rauðrófur
og þurrkuð eggjarauða.
Taðreykt hangikjöt og
súpujurtakex. Ósúrsað-
ir hrútspungar og pip-
arrótarkrem.
Lundabaggi og
mysugljái með helling af
jurtum. Blóðmör, blóð-
marengs og sérrígljái.
Heileldaður lambs-
haus, íslenskar pönnu-
kökur og meðlæti.
Skyr með bláberjakrapi og mysu.
Rúgbrauðssúpa með súrmjólkurís
og bitru súkkulaðikrumbli.
Matur og drykkur er opinn alla
daga frá kl. 11.30 til 23.30. Eldhúsi
er lokað kl. 22.00. nMynd Karl PEtErsson 2015
Mynd Karl PEtErsson 2015
Nýir fiskréttir hjá Hafinu