Dagblaðið Vísir - DV - 19.01.2016, Blaðsíða 38

26 Fólk Vikublað 19.–21. janúar 2016
HamraHlíð 17, 105 reykjavík / Hús Blindrafélagsins / sími 552-2002
Vönduð
lesgleraugu
frá 3.900 kr.
Lady Gaga er mætt aftur
n Fór krókaleiðir til baka n Ótrúlegur ferill óvenjulegs listamanns
M
ig dreymdi um að verða
leikkona áður en mig
dreymdi um að semja tón-
list,“ sagði Lady Gaga með
tár í augum þegar hún tók
á móti Golden Globes-verðlaunun-
um sínum fyrir leik sinn í American
Horror Story: Hotel fyrr í mánuðinum
og bætti við: „En tónlistin gekk fyrst
upp.“
Ekkert húðflúr
Lady Gaga minnti helst á nútíma
Marilyn Monroe þar sem hún stóð á
sviðinu í klassískum svörtum kjól; ekk-
ert glingur, skraut né búningur skyggði
á fágað og glæsilegt útlitið. Meira að
segja húðflúrið var horfið. Það eina
óvænta í þessu fínlega fatavali var
kannski hversu fyrirsjáanlegt það var.
Krókaleið til baka
Tónlistarblaðamaðurinn Jason Lips-
hutz, sem skrifar fyrir The Fuse og Bill-
board, minnir á að engum hafi dottið
í hug að Lady Gaga ætti nokkurn
tímann eftir að taka á móti verðlaun-
um fyrir leiklist þegar hún var borin
inn í stóru eggi, eins og á Grammy-
verðlaununum 2011, né þegar hún
kom fram sem karlkyns hliðarsjálf
sitt á MTV-verðlaununum sama ár.
Lipshutz segir að eftir áralanga ferð á
móti straumnum hafi Lady Gaga þurft
krókaleið aftur inn í eðlileikann. „Hún
vildi verða leikkona áður en hún vildi
verða söngkona en hún varð að verða
leikkona og djasssöngkona áður en
hún hélt áfram í poppbransanum. Og
fyrir vikið er ferill hennar mun stöð-
ugri,“ skrifar Lipshutz á Fuse.
Gervin burt
Lady Gaga sló í gegn árið 2008 með
plötunni Fame. Born This Way kom
út 2011 og fór beint á toppinn í yfir 20
löndum. Þriðja stóra platan, Artpop,
kom út 2013 seldist vel en ekkert í lík-
indum við tvær fyrstu plöturnar svo
stjörnur á borð við Beyoncé, Miley
Cyrus og Lorde þustu fram úr Lady
Gaga. Botninum var náð þegar hún lét
æla yfir sig á tónlistarhátíðinni South
By Southwest árið 2014. Eitthvað varð
að breytast og hún breytti svo sannar-
lega um gír. Hún fjarlægði það sem
hafði náð athygli okkar til að byrja
með og minnti svo um munaði á að
hún getur virkilega sungið. Frammi-
staða hennar á Óskarsverðlauna-
hátíðinni 2015 gleymist seint en þar
söng hún lög úr söngleiknum Sound
of Music og uppskar mikið lófatak.
Ný plata væntanleg
Lady Gaga var auðmýktin ein þegar
hún steig á svið á Golden Globe-verð-
launahátíðinni og tók á móti verð-
launum fyrir leik sinn í American
Horror Story: Hotel og nýtti tækifær-
ið til að þakka sínu fólki fyrir. Á hátíð-
inni staðfesti hún einnig að ný plata
væri væntanlega á árinu – eitthvað
sem aðdáendur hennar bíða spenntir
eftir. Árið 2015 notaði Lady Gaga til að
sanna sig. Næsta ár mun verða henn-
ar. Sama hvaða leið hún fer getum
við ávallt verið viss um að Lady Gaga
verður alltaf hún sjálf, hrein og bein
– hún er komin aftur og við erum öll
komin í liðið hennar að nýju. n
Endurkoma Lady Gaga
Árið 2015 kom Lady Gaga til baka. Árið 2016 verður árið hennar.
n 8. febrúar 2015 Lady Gaga hóf
árið 2015 með hvelli þegar hún tók við
sjöttu Grammy-verðlaunum sínum.
Verðlaunin fékk hún fyrir lagið Cheek to
Cheek sem hún gerði í samvinnu við Tony
Bennett og sýndi stjórstjarnan og sannaði
fjölbreytileika sinn.
n 22. febrúar 2015 Lady Gaga gerir
meira að segja Julie Andrews orðlausa
með flutningi sínum á tónlist úr Sound of
Music. Lagið tók hún á Óskarsverðlauna-
hátíðinni og var klappað lof í lófa fyrir.
n 25. febrúar 2015 Lady Gaga
tilkynnir að hún muni verða hluti af
sjónvarpsseríunni American Horror Story:
Hotel. Hún er ekki aðeins poppstjarna!
Hún er ekki aðeins djasssöngkona! Hún er
líka leikkona!
n 18. júní 2015 Lady Gaga kemst í
Hall of Fame og flytur lagið What's Up er
hún tekur við viðurkenningunni.
n 17. september 2015 Lady Gaga
gefur út lagið Til It Happens to You með
áhrifaríku myndbandi. Þetta er hennar
fyrsta lag síðan Artpop kom út 2013 en
þótt aðdáendur hafi elskað Artpop fékk
það slæma gagnrýni. Skilaboðin í Til It
Happens to You eru áhrifarík og talin mik-
ilvæg í tónlistarlífinu. Hluti af ágóðanum
verður gefinn til samtaka sem hjálpa
fórnarlömbum kynferðisbrota.
n 10. desember 2015 Lady Gaga
steig inn í nýjan heim þegar hún hlaut
Golden Globe-tilnefningu fyrir leik sinn í
American Horror Story: Hotel.
Kjötstykki Söngkonan mætti í kjól úr kjöti
á MTV-hátíðina 2010.
Lady Gaga
Tónlistarkonan er
komin aftur með
krafti.
Þakklát Var auðmýktin
uppmáluð þegar hún tók við
fyrstu verðlaununum sínum
fyrir leiklist. MyNd Epa„Mig dreymdi
um að verða
leikkona áður en mig
dreymdi um að semja
tónlist