Álit: tímarit löggiltra endurskoðenda - 01.01.1993, Síða 5

Rúnar Bj. Jóhannsson, formaður FLE.
AVARP
Góðir ráðstefnugestir!
í samkomulaginu um Evrópskt efnahagssvæði
felst að margháttaðar reglugerðir Evrópubandalags-
ins á sviði félagaréttar, reikningshalds og endur-
skoðunar munu framvegis gilda á Islandi og í öðr-
um EFTA-löndum. Meðal annars af því tilefni
ákvað stjóm Félags löggiltra endurskoðenda að
halda þessa ráðstefnu um Evrópskt efnahagssvæði
og áhrif þessa markaðssamstarfs á atvinnulíf á Is-
landi og stprf og starfsumhverfi löggiltra endur-
skoðenda. Akveðið var að skipuleggja ráðstefnuna
með þeim hætti að fleiri en endurskoðendur gætu
talið sig eiga hingað erindi, enda varða EES-mál-
efnin að þessu leyti alla sem fást með einhverjum
hætti við stjómun atvinnufyrirtækja og fjármála.
Meginhlutverk löggilts endurskoðanda er að
skapa traust á milli manna í viðskiptum. í þessu
meginhlutverki, að skapa traust, felst í raun tilveru-
réttur endurskoðandans, því þetta hlutverk er ástæða
þess að löggjafinn og framkvæmdavaldið hafa séð
ástæðu til að veita ákveðnum mönnum sérstaka
stöðu, þ.e. löggildingu til endurskoðunarstarfa. Mið-
að við þá samfélagsgerð og viðskiptalíf sem við
búum við hér á landi er ljóst, að miklar kröfur verð-
ur að gera til endurskoðenda að því er varðar hæfni
í starfi. Þar er bæði átt við fræðilega þekkingu og
ekki síður þjálfun og reynslu. Endurskoðandinn
verður að skilja manna best hvað fram fer í við-
skiptum, en þá vitneskju og þann skilning öðlast
hann ekki í eitt skipti fyrir öll.
I áttundu félagatilskipun Evrópubandalagsins,
sem gilda mun hér á landi eftir gildistöku EES-
samningsins, eru gerðar ákveðnar menntunar- og
þjálfunarkröfur til endurskoðanda áður en hann get-
ur fengið löggildingu. Núgildandi kröfur íslenskra
laga til menntunar og þjálfunar þeirra, er hljóta lög-
gildingu sem endurskoðendur, uppfylla þessar evr-
ópsku kröfur og vel það. Það er því framkvæmd
menntunarinnar og endurmenntunin sem við þurfum
fyrst og fremst að huga að.
Endurskoðandi verður ekki faglega hæfur í eitt
skipti fyrir öll. Hann þarf að viðhalda og auka við
þekkingu sína og hæfni frá upphafi til loka starfsfer-
ils síns. Hann má ekki gefast upp og Félag löggiltra
endurskoðenda má heldur ekki slaka á við að stuð’.a
að aukinni starfsmenntun félagsmanna sinna. Þessi
ráðstefna hér er liður í þessari starfsemi félagsins,
enda verður umfjöllunarefnið, - hið nýja markaðs-
samstarf, hin nýja Evrópa, - óhjákvæmilegur hluti af
okkar starfsumhverfi framvegis.
í áðumefndri 8. félagatilskipun Evrópubanda-
lagsins eru ákvæði um skyldu yfirvalda til að
tryggja nauðsynlegt og virkt eftirlit með því að end-
urskoðendur vinni störf sín í samræmi við gildandi
lög, reglur og góða endurskoðunarvenju. Agi og eft-
irlit verða því að vera hluti af starfsumhverfi endur-
skoðenda. Samkvæmt gildandi lögum um löggilta
endurskoðendur hér á landi er fjármálaráðherra eini
formlegi eftirlitsaðilinn með störfum endurskoð-
enda. Þetta eftirlit hefur hins vegar ekki verið virkt,
enda hefur ekki verið nánar skilgreint hvemig ráð-
herra skuli rækja þetta eftirlitshlutverk sitt, í hvaða
formi og hvemig málsmeðferðin skuli vera.
Á vegum Félags löggiltra endurskoðenda starfar
sérstök Álitsnefnd. Hún hefur hins vegar samkvæmt
ákvæðum samþykkta félagsins ekkert agavald gagn-
vart einstökum félagsmanni, nema í þeim tilvikum
sem um er að ræða ágreiningsefni milli félagsmanna
í samræmi við samskiptareglur. Það leiðir jafn-
framt af eðli máls að Álitsnefndin hefur ekkert um
5