Ráðunautafundur - 12.02.1979, Blaðsíða 64

144
RAÐUNAUTAFUNDUR 1979.
INNIFðBRUN SLATURLAMBA
Stefán Aðalsteinsson
°g
Jón Tr. Steingrímsson
Rannsóknastofnun lanJbúnaðarins.
Inngangur.
Hér á landi hefur innifóðrun á sláturlömbum aldrei komið til greina
sem fastur liður í dilkakjötsframleiðslu. Hins vegar hefur allmikið verið
rætt um þörfina á því að hafa tiltækar leiðbeiningar um það, hvernig hag-
kvæmast sé að fóðra sláturlömb, sem taka þarf á gjöf, þegar áföll og hag-
leysu gerir fyrir slátrun að hausti.
Tilraunir á þessu sviði gætu beinst að þremur stigum innifóðrunar.
Fyrsta stigið væri í því fólgið að kanna, hvernig væri best að forða
sláturlömbum á innistöðu frá bráðri aflagningu um stuttan tíma, meðan beðið
er eftir að komast að með þau í sláturhús. Næsta stigið gæti verið fólgið
í því að kanna, hvernig halda mætti holdum á sláturlömbum á innistööu
um nokkurra vikna tíma, og þriðja stigið gæti orðið könnun á því, hvort
hægt væri að ná umtalsverðum vexti á skrokk á sláturlömbum sem væru á
á innistöðu um alllangan tíma. Tilraunir þær, sem hér verður skýrt frá,
hafa verið sambland af öllum ofangreindum stigum.
Rannsóknarefni og aðferðir.
Alls hafa verið gerðar fjórar tilraunir með innifóðrun sláturlamba,
ein haustið 1976, tvær haustið 1977 og ein haustið 1978, eins og sést á
1. töflu. Þrjár þessara tilrauna, nr. 1, 2 og 4 hafa verið gerðar á
tilraunastöðinni á Skriðuklaustri í Fljótsdal og ein þeirra, nr. 3, á
tilraunastöðinni á Möðruvöllum í Hörgárdal. 1 öllum tilraununum hafa ein-
vörðungu verið hrútlömb, flest tvílembingar eða gemlingslömb. Fjöldi flokka í
hverri tilraun hefur verið breytilegur, eða frá 2 upp í 6, og fjöldi lamba
í flokki hefur hlaupið á bilinu 10-18, sjá 1. töflu. Lengd tilrauna-
skeiðs hefur verið nokkuð breytileg, styst 21 dagur og lengst 33 dagar.
M