Ráðunautafundur - 12.02.1979, Blaðsíða 75
155
III. Athuganir á notagildi
Athuganir Bútæknideildar beindust einkum að því í fyrstu
að kanna, hvort rafgirðingar af umræddri gerð halda búfé og þá
einkum sauðfé. Girðingarnar voru settar upp alls á fimm .
stöðum.
1. 1 hólf. sem er í tengslum við beitartilraun á ræktuðu landi.
2. Hólfabeit á grænfóðri fyrir lömb.
3. Girt af spilda fyrir túnrollur.
4. Settur rafstrengur á lélega afréttargirðingu.
5. Sett upp 500 m löng girðing inn á hálendi.
1. Girðingin £ beitartilrauninni var sett þvert á miðja lengd
tveggja beitarhólfa. í öðru hólfinu var sauðfé en hinu
kálfar. Þetta var 5 strengja girðing, þar af sá neðsti
jarðtengdur. Til að geta fylgst með því, hvort gripirnir
færu í gegnum girðinguna, voru allir gripirnir hafðir öðru
megin við rafgirðinguna í senn. Reynslan er í stuttu máli
sú, að ekki fór neinn gripur í gegnum girðinguna á þessu
tímabili (um 4 vikur) þó aö þeir leituðu all mikið á hana
fyrstu tvo dagana. Þess má líka geta í þessu sambandi, að
allmiklir erfiðleikar voru á að reka gripina yfir girðingar-
stæðið, þegar búið var að leggja strengina niður.
2. Á grænfóðurspildunni var sett upp fjögurra strengja girðing.
Grænfóðrið var það hávaxið, að það náði neðstu strengjunum
sem rafmagn var á. Þrátt fyrir það virtust þeir halda
lömbunum nema á einum staé, þar sem uppsetningu girðingar-
innar var ábótavant. Þegar flytja átti lömbin milli hólfa
komu fram sömu vandkvæði og áður var rætt um. I þessu sam-
bandi má geta þess, að svo virtist sem gróðurinn visnaði,
þar sem hann náði rafstrengjunum.
3. Til að kanna hvort rafgirðing héldi fé, sem vant er að fara
í gegnum girðingar (túnrollur), var girt af spilda (40x80m)
með fimm strengja rafgirðingu og lambféð haft í því um þrjár
vikur. Reynslan af því er í stuttu máli sú, að ekki slapp
nein kind út úr hólfinu.
4. Fáanlegur er búnaður til að festa rafstreng (einn eða
fleiri) utan á lélegar girðingar af venjulegri gerð,sem