Dagblaðið Vísir - DV - 15.03.2016, Blaðsíða 4

4 Fréttir Vikublað 15.–17. mars 2016
Þungbær brott-
vísun vofir yfir
H
jónin Skënder og Nazmie
Dega eru bæði komin með
ráðningarsamning í hend-
urnar og sótt hefur verið
um atvinnuleyfi fyrir þau
en að öllu óbreyttu verða þau og
börn þeirra þrjú sótt á heimili þeirra
í Hafnarfirði á miðvikudag og fjöl-
skyldan send úr landi. Lögmaður,
vinir og velunnarar reyna nú í ör-
væntingu allt sem í þeirra valdi
stendur til að bjarga fjölskyldunni
frá brottvísun úr landi.
Þungbær synjun
DV hefur fjallað ítarlega um mál
Dega-fjölskyldunnar frá Albaníu
á undanförnum vikum en þann
24. febrúar síðastliðinn hafnaði
kærunefnd útlendingamála óskum
lögmanns fjölskyldunnar um frestun
réttaráhrifa á þá ákvörðun Útlendinga-
stofnunar að synja þeim um hæli og
senda úr landi. Sú ákvörðun gerir að
verkum að fjölskyldan fær ekki að
vera áfram hér á landi á meðan mál
sem fjölskyldan hefur höfðað á hend-
ur íslenska ríkinu og Útlendingastofn-
un er fyrir dómstólum. Ákvörðun
kærunefndar útlendingastofnunar
kom, líkt og DV greindi frá, á 11 ára af-
mælisdegi Vikens, yngri sonar Dega-
hjónanna. Tíðindin reyndust fjöl-
skyldunni og fjölmörgum velunnurum
hennar í Hafnarfirði þungbær.
Vona að breyttar
aðstæður geri gæfumun
Síðan þá hefur það vofað yfir fjöl-
skyldunni að hún verði sótt, flutt
upp á Keflavíkurflugvöll í lögreglu-
fylgd og henni flogið úr landi, líkt
og hent hefur svo margar erlendar
fjölskyldur að undanförnu og
fjallað hefur verið um í fjölmiðlum.
Björg Valgeirsdóttir, lögmaður fjöl-
skyldunnar, staðfestir við DV að fjöl-
skyldan verði að óbreyttu send úr
landi á miðvikudag næstkomandi.
Hún kveðst ekki hafa fengið svör
við beiðni sinni um frestun réttar-
áhrifa að þessu sinni, en hún kveðst
vera að reyna að fá frestun á fram-
kvæmd brottvísunar með tilliti til
breyttra aðstæðna. Einn þáttur í
þessum breyttu aðstæðum er að
nú eru hjónin, Skënder og Nazmie,
bæði komin með ráðningarsamning
frá vinnuveitendum í hendurnar og
er umsókn um atvinnuleyfi til handa
hjónunum nú í ferli að sögn Bjargar.
Samkvæmt útlendingalögum
getur kærunefnd útlendingamála
tekið ákvörðun um að fresta fram-
kvæmd brottvísunar ef sýnt er fram
á að „verulega breyttar aðstæður
hafi skapast frá því að ákvörðun var
tekin.“
Björg kveðst ætla sér að reyna
allt sem í hennar valdi stendur til
að koma í veg fyrir að fjölskyldunni
verði vísað úr landi, en ef enn önn-
ur synjun berst frá íslenskum stjórn-
völdum í málinu vilji fjölskyldan fara
sjálfviljug úr landi og á eigin kostnað,
fremur en að fara í lögreglufylgd og á
kostnað ríkisins.
Segir fjölskyldunni ógnað
Eins og fram hefur komið flúði þessi
fimm manna fjölskylda heimaland
sitt vegna pólitískra ofsókna, útskúf-
unar og hótana sem eiga rætur sín-
ar að rekja til stjórnmálaþátttöku
fjölskylduföðurins, Skënders. Hann
hefur lýst því, meðal annars í við-
tali við DV í janúar síðastliðnum,
hvernig honum og fjölskyldu hans
stafi ógn af tilteknum einstakling-
um vegna stjórnmálaþátttöku hans
fyrir Demókrataflokkinn þar í landi
á árum áður. Sökum spillingar telur
hann sig ekki geta treyst á að yfirvöld
í landinu geti veitt honum og fjöl-
skyldu hans skjól fyrir þeim öflum.
Meðferð við geðrofi í hættu
Þá glímir Visar, eldri sonur Dega-
hjónanna, við alvarlegan geðrofs-
sjúkdóm en hann hefur loks svar-
að meðferð við geðsjúkdómi sínum
hér á landi og fullyrða hjónin að
hann hafi ekki notið fullnægjandi
og mannúðlegrar heilbrigðisþjón-
ustu vegna sjúkdóms síns í Albaníu
þar sem hún sé ekki til staðar. Í
beiðni fjölskyldunnar um frestun
réttaráhrifa í málinu sem lögð var
fyrir kærunefnd útlendingamála
á dögunum var meðal annars lagt
fram læknisvottorð núverandi um-
önnunaraðila Visars, þar sem hann
mælir með því að hann verði ekki
fluttur á milli meðferðaraðila, og
hvað þá úr landi, meðan á með-
ferð hans standi. Læknarnir mæli
sömuleiðis gegn því að rof verði á
meðhöndlun sjúkdómsins vegna
flutnings milli landa. Þá sé afar
mikil vægt að Visar njóti fulltingis
fjölskyldu sinnar enda krefjist and-
leg líðan hans þess að hann njóti
verulegs stuðnings frá foreldrum
sínum. Visar hefur, líkt og DV greindi
frá, hlotið inngöngu í tölvunarfræði í
Háskólanum í Reykjavík. Kærunefnd
tók ekkert tillit til þessara aðstæðna
Visars, samkvæmt úrskurðinum.
„Sómi hvaða samfélags“
Yngri systkin hans, Joniada og Viken,
hafa sömuleiðis stundað nám hér
á landi með frábærum árangri.
Joniada í Flensborg þar sem hún
stefnir hraðbyri að því að útskrif-
ast strax í vor, fái hún að vera áfram
á landinu. Hún hefur meðal annars
fengið opinberlega stuðningsyfirlýs-
ingu frá skólameistara Flensborgar.
„Joniada Dega væri sómi hvaða
samfélags sem er og það er hörm-
ung, nú þegar þúsundir Íslendinga
hafa flust úr landi, að þá skuli ís-
lenskt samfélag ekki búa yfir þeirri
skynsemi að fagna vel menntuðu og
vel gerðu fólki sem gæti lagt okkur
lið, heldur vísa því burtu og út í mikla
óvissu. Ég veit að ég tala fyrir hönd
langsamlega flestra nemenda og
starfsmanna skólans, alveg sérlega
þeirra sem hafa verið í námshópum
með henni og kennt henni eða unnið
með hennar mál, að verði af brott-
vísun fjölskyldunnar er Ísland að
tapa miklu,“ sagði skólameistarinn
Magnús Þorkelsson í bréfi sem hann
sendi frá sér 25. febrúar síðastliðinn,
daginn eftir að ljóst varð að ákveðið
hefði verið að synja fjölskyldunni um
að vera áfram á Íslandi meðan mál
þeirra fer fyrir dóm.
Afmælisveisla í skugga höfnunar
Viken litli hefur stundað nám í
Lækjar skóla og blómstrað þar
að sögn vina og velunnara fjöl-
skyldunnar sem birtu átakanlegar
myndir úr afmælisveislu hans sem
haldin var daginn sem ljóst varð að
fjölskyldunni yrði vísað úr landi.
Það voru augljóslega blendnar til-
finningar í veislunni þar sem stór
og myndarleg afmælisterta, skreytt
merki FH, prýddi borðið sem við sat
fríður hópur vina og fjölskyldu. n
n barátta Dega-fjölskyldunnar heldur áfram n Hjónin komin með vinnu en vantar leyfi
Sigurður Mikael Jónsson
mikael@dv.is
„Joniada
Dega væri
sómi hvaða sam-
félags sem er
Bíður svara Björg Valgeirsdóttir, lögmaður
fjölskyldunnar, reynir nú að fá frestun á fram-
kvæmd brottvísunar vegna breyttra aðstæðna
þeirra. Ef það næst ekki segir hún að fjölskyldan
vilji fara sjálfviljug úr landi og á eigin kostnað.
Komin með vinnu Hjónin
eru komin með vinnu og sótt
hefur verið um atvinnuleyfi.
Hafnfirðingar Þessi mynd var tekin af af-mælisbarninu Viken og systur hans Joniödu með FH-afmælistertuna. Þarna voru foreldrar þeirra að fá þau tíðindi að þeim yrði vísað úr landi.