Dagblaðið Vísir - DV - 01.07.2016, Qupperneq 35

Allir eiga að hafa
ráð á lögfræðingi
kynning
Laga er í eigu Sigþrúðar Þorfinnsdóttur lögfræðings sem er cand.jur frá Háskóla Íslands árið 1994. Hún hefur víðtæka reynslu af vinnumarkaðinum og þekkir alla ranghala kerfisins. Sigþrúður, eða Dúa eins og hún er oftast kölluð, hefur nú hafið eigin rekstur
undir merkjum Laga þar sem boðið er upp á hagkvæmar lausnir í öllu sem
viðkemur skjalagerð og skattamálum auk þess sem hún veitir ráðgjöf í öllu
sem tengist lagalegum gjörningum.
Áhersla á persónulega þjónustu
Dúa ákvað að læra lögfræði á sínum tíma því hana langaði til þess að hjálpa
fólki. Hún er á þeirri skoðun að aðgangur að réttlátri málsmeðferð innan kerf-
isins eigi að vera aðgengilegur öllum. „Ég hef 20 ára starfsreynslu innan lög-
fræðinnar og hef m.a. unnið hjá ríkisskattstjóra og yfirskattanefnd. Auk þess
er ég þaulvön hvers kyns skjalagerð. Ég rek mitt litla fyrirtæki að heiman og
hef engin áform um að verða eitthvert risafyrirtæki eða bákn,“ segir hún. „Ég
legg áherslu á að veita persónulega þjónustu; hér á bæ er engin færibanda-
vinna og hverjum og einum er veittur sá tími sem hann þarf.“
Sérstakur afsláttur fyrir aldraða og öryrkja
Dúa hefur ríka réttlætiskennd og vill bjóða þjónustu lögfræðings á verði
sem fólk almennt ræður við. „Ég er einnig með sérstakan afslátt fyrir
öryrkja og aldraða en í samanburði við aðra sambærilega þjónustu er ég
ábyggilega með lægri gjaldskrá en gengur og gerist.
Mér er kleift að bjóða upp á hagstætt verð þar sem þjónusta mín ein-
skorðast við þrjá málaflokka: Skjalagerð, stjórnsýslumál og skattamál.
Flestir þurfa einhvern tíma á lífsleiðinni
að gera einhver lögformleg skjöl, eins
og t.d. erfðaskrá, kaupmála og annað
slíkt. Laga tekur einnig að sér erindi
og kærur til stjórnvalda og umboðs-
manns Alþingis. Um þessar mundir
eru það skattamálin sem brenna á
mörgum þar sem álagning ríkisskatt-
stjóra er nýbirt og margir þurfa að-
stoð varðandi álagninguna og hvort
þurfi að kæra hana til yfir skattanefndar. Ég tek ég að mér framtalsgerð
og raunar öll samskipti við skattyfirvöld,“ segir hún.
Einstök meðmæli
„Sigþrúður er lögfræðingur sem frábært er að geta snúið sér til; hún er
eldklár; fljót að greina kjarnann frá hisminu. Hún finnur lausnina. Allra best
er þó að hún er einmitt manneskja – lætur sér annt um þann sem leitar
til hennar og það er ekki minna mikilvægt en öll heimsins lagaþekking.“*
Markús Þórhallsson, útvarpsmaður og sagnfræðingur.
„Sigþrúður veitti mér framúrskarandi, skjóta og ódýra þjónustu. Kona sem
kann sitt fag.“ Guðmundur Steinsson, áfengis- og vímuefnaráðgjafi.
„Á síðunni laga.is má finna einfalda verðskrá en einnig er unnið eftir
tímakaupi. Ef einhverjar spurningar vakna, ekki hika við að senda línu eða
slá á þráðinn,“ segir Dúa að lokum.
Laga: sími: 511-0444, veffang: www.laga.is