Dagblaðið Vísir - DV - 20.09.2016, Qupperneq 4

Vikublað 20.–22. september 20164 Fréttir
Fiskur er okkar fag
- Staður með alvöru útsýni
Opið allt árið, virka daga,
um helgar og á hátíðisdögum
Kaffi Duus v/ Smábátahöfnina í Keflavík - Aðeins 5 mínútur frá Leifstöð, lítið við í leiðinni • Sími: 421 7080 • duus@duus.is • Opið frá kl. 10:30 - 23:00 alla daga
Allt það besta í íslenskri og indverskri matargerð
Allt fyrir raftækni
Yfir 500.000 vörunúmer
Miðbæjarradíó ehf. - Ármúla 17, Reykjavík - www.mbr.is - S: 552-8636
Sömu kjör á opinberum og almennum vinnumarkaði
Fékk 188 milljónir út af lekunum
Ósafl í Vaðlaheiðargöngum fékk bætur í fyrra
V
erktakafyrirtækið Ósafl
hefur fengið greiddar
188,5 milljónir króna
í bætur vegna tafanna
sem hafa orðið á gerð
Vaðlaheiðarganga. Sáttanefnd
Ósafls og Vaðlaheiðarganga hf. úr­
skurðaði í ársbyrjun 2015 að verk­
kaupanum bæri að bæta verktakan­
um hluta þess kostnaðar sem hann
tók á sig vegna heita vatnsins sem
hafði þá streymt úr sprungum Eyja­
fjarðarmegin í tæpa tólf mánuði.
Nefndin hafnaði aftur á móti annarri
bótakröfu sem Ósafl lagði fram fyrr á
þessu ári.
„Það fór annað mál í sáttanefnd á
þessu ári en niðurstaða hennar var
sú að verktakinn hefði enga kröfu,“
segir Ágúst Torfi Hauksson, stjórnar­
formaður Vaðlaheiðarganga, og vill
ekki tjá sig frekar um bótakröfuna
sem sáttanefndin hafnaði.
Verklok í apríl 2018
Stjórnendur Vaðlaheiðarganga gerðu
verksamning við ÍAV og svissneska
verktakafyrirtækið Marti Contract­
ors um gerð ganganna. Dótturfélag
þeirra, Ósafl sf., hefur séð um fram­
kvæmdirnar. Samningsfjárhæðin
nam 8.853 milljónum króna en fram­
kvæmdir hófust sumarið 2013. Verk­
efnið er líkt og komið hefur fram langt
á eftir áætlun og er gert ráð fyrir verk­
lokum í apríl 2018 en ekki í desem­
ber 2016 líkt og upphaflega stóð til.
Seinkunina má rekja til heitavatns­
sprungna sem fóru að opnast í febr­
úar 2015 og einnig flaums af köldu
vatni Fnjóskadalsmegin sem hefur
tafið verkið.
DV fjallaði um fyrri bótakröfu
Ósafls í mars 2015. Valgeir Bergmann,
framkvæmdastjóri Vaðlaheiðar­
ganga, sagði þá í samtali við blað­
ið að sáttanefndin hefði verið skip­
uð þremur sérfræðingum. Ósafl hefði
tilnefnt einn, verkkaupinn annan,
en þriðji sérfræðingurinn, og for­
maður nefndarinnar, var óháður
deiluaðilum. Valgeir vildi þá hvorki
gefa upp fjárhæð bótakröfunnar né
niðurstöðu nefndarinnar.
Nam 6,4 milljörðum
Samkvæmt nýbirtum ársreikningi
Vaðlaheiðarganga nam fjárfesting fé­
lagsins í göngunum alls 6,4 milljörð­
um í árslok 2015. Íslenska ríkið lofaði
upphaflega 8,7 milljarða króna láni til
verksins en ljóst er að framkvæmd­
in er komin um tvo milljarða fram úr
áætlun. Vaðlaheiðargöng eru í eigu
Vegagerðarinnar og Greiðrar leið­
ar ehf. Síðarnefnda félagið er í eigu
Akureyrarkaupstaðar, KEA og Út­
gerðarfélags Akureyringa ehf.
„Við förum yfir þetta mjög reglu­
lega og staðan í dag er þannig að við
erum að sjálfsögðu langt umfram
áætlun eins og hefur ítrekað kom­
ið fram. Hitinn Eyjafjarðarmegin fer
hratt lækkandi og vinnuaðstæður þar
eru fínar. Hrunið í Fnjóskadal er eitt­
hvað sem menn hafa verið að fara í
gegnum og það hefur tekið svolítinn
tíma. Það að þetta hafi hrunið er búið
að tefja okkur mikið. Það hefur verið
góð framvinda undanfarnar vikur og
ekkert sem bendir til þess að áætlanir
muni ekki standast eins og staðan er
núna. Við eigum vel innan við 20 pró­
sent eftir af gangagrefti og óvissan er
alltaf að minnka eftir því sem minna
er eftir. Um leið og það verður gegn­
umslag þá minnkar óvissan gríðar­
lega mikið og verkið breytist úr ganga­
grefti í vegagerð,“ segir Ágúst Torfi. n
Stjórnarformaðurinn Ágúst Torfi
Hauksson segir gangagerð í Eyjafirði hafa
gengið vel síðustu vikur.
Búnir með 83 prósent
Vaðlaheiðargöng eru nú 5.978 metra
löng sem er 83 prósent af heildarlengd.
Samkvæmt Facebook-síðu ganganna
lengdust þau um 63,5 metra í síðustu
viku Eyjafjarðarmegin. Áfram hafi verið
unnið að styrkingum í hrunsvæðinu
Fnjóskadalsmegin en mikið vatn í
lofti hafi valdið töfum og erfiðleikum í
steypusprautun.
Haraldur Guðmundsson
haraldur@dv.is
L
aunakjör á opinberum og al­
mennum vinnumarkaði verða
samræmd og jöfnuð sam­
kvæmt samkomulagi um nýtt
samræmt lífeyriskerfi. Sam­
kvæmt því mun allt launafólk
njóta sambærilegra lífeyris­
réttinda hvort sem það
starfar hjá hinu opin­
bera eða á almennum
vinnumarkaði.
Ríkisstjórnin
hefur samkvæmt
frétt fjármálaráðu­
neytisins þegar sam­
þykkt málið og það hef­
ur að auki verið kynnt
fulltrúum allra flokka á Al­
þingi. Verði frumvarpið að lögum
taka breytingarnar gildi 1. janúar
2017. Samkomulagið var undirrit­
að í Hannesarholti í gær, mánudag,
af Bjarna Benediktssyni fjármála­
ráðherra og fulltrúum lífeyrissjóða
opin berra starfsmanna.
Sjálfbært kerfi
„Samkvæmt samkomulaginu verður
launafólki gert betur kleift að færa
sig milli almenns og opinbers vinnu­
markaðar hvenær sem er starfs­
ævinnar án þess að það hafi telj­
andi áhrif á ávinnslu lífeyrisréttinda.
Sjóðfélögum í lífeyrissjóðum opin­
berra starfsmanna verða tryggð sam­
bærileg réttindi og þeir hafa nú með
120 milljarða króna framlagi hins
opinbera til að mæta ófjármögnuð­
um framtíðarskuldbindingum vegna
þeirra. Lífeyriskerfi opinberra starfs­
manna verður fullfjármagnað og
kerfið sjálfbært. Frumvarp sem
byggir á samkomulaginu
verður lagt fram á Alþingi
í vikunni,“ segir í frétt
fjármálaráðuneytisins.
Tugmilljarða halli
Samkvæmt fréttinni
gera sérstakar aðstæður
í ríkisfjármálum á yfir­
standandi ári, einkum vegna
stöðugleikaframlags frá slita­
búum fallinna fjármálafyrirtækja og
óreglulegra arðgreiðslna, ríkissjóði
kleift að fjármagna breytingarnar.
Horfur séu á að afgangur á rekstri
ríkissjóðs á þessu ári muni þrátt fyrir
þessa ráðstöfun nema um 330 millj­
örðum króna.
„Tugmilljarða halli er á trygginga­
fræðilegri stöðu lífeyrissjóða opin­
berra starfsmanna vegna aldurs­
samsetningar sjóðfélaga en með
þessu samkomulagi verður hann úr
sögunni og þar með verulega dreg­
ið úr óvissu og áhættu um afkomu
sjóðanna. Framtíðarskuldbindingar
sjóðanna teljast með þessari aðgerð
að fullu fjármagnaðar.“ n
Eitt lífeyriskerfi