Dagblaðið Vísir - DV - 20.09.2016, Síða 6

Vikublað 20.–22. september 20166 Fréttir
Smáralind - S: 578 5075 - www.bjarkarblom.iS
Persónuleg og

fagleg þjónus
ta
einstakar skreytingar
við öll tækifæri
„Þetta eru menn sem þú
vilt ekki skulda peninga“
Fyrrverandi leikmaður Pepsi-deildar er í forsvari fyrir ólöglega veðmálastarfsemi
M
ér finnst skemmtilegra
að veðja á leiki hjá þeim
því þá veit ég hverjir það
eru sem þurfa að punga
út peningum til mín.
Það veitir mér meiri ánægju en að
fá greitt frá einhverju risavöxnu
erlendu fyrirtæki,“ segir heim-
ildarmaður DV sem undanfarna
mánuði hefur stundað veðmál á
fótboltaleiki í gegnum svokallaðan
Oddvitaklúbb. Hann viðurkennir
að í heildina sé hann í tapi en telur
að senn muni hagur hans vænkast.
Klúbburinn er fjármagnaður af
aðilum með tengsl við undirheima
Reykjavíkur en samkvæmt heimild-
um DV er fyrrverandi knattspyrnu-
maður, sem á yfir 100 leiki í efstu
deild að baki, í forsvari fyrir klúbb-
inn. Þegar DV hafði samband við
knattspyrnumanninn fyrrverandi
sagðist hann ekkert kannast við
málið. DV hefur þó rætt við nokkra
menn sem stundað hafa veðmál
hjá Oddvitaklúbbnum og átt sam-
skipti við umræddan mann.
Lán upp að 100 þúsund krónum
Oddvitaklúbburinn stundar
neðanjarðarveðmálastarfsemi sem
gengur út á að íslenskir viðskipta-
vinir geti veðjað á allt milli himins
og jarðar; íþróttakappleiki, menn-
ingarviðburði eða jafnvel stjórn-
mál. Allt það sama og er í boði hjá
sænska veðmálarisanum Betson.
Á vef Betson fara viðskiptavinir
til að skoða hvað sé í boði hverju
sinni. Því næst er lögð inn pöntun
í gegnum Viper-símaforritið á
netinu. „Ég tek skjáskot af þeim leik
sem ég vil veðja á og sendi þeim
myndina auk upphæðarinnar sem
ég vil leggja undir. Þegar ég fæ stað-
festingu frá klúbbnum þá er veð-
málið gilt,“ segir maðurinn um
hvernig þetta fer fram.
Að hans sögn er lágmarksveðmál
10 þúsund krónur á hvern leik og
möguleiki er að fá lán frá klúbbn-
um. „Þeir lána að hámarki 100 þús-
und krónur. Hins vegar er dýrt að
skulda því ef maður veðjar fyrir
lánsfé þá er 10 prósenta álag á veð-
málið. Ef viðkomandi á inneign hjá
þeim þá er enginn slíkur kostnaður,“
segir heimildarmaðurinn.
„Þetta eru menn sem þú vilt
ekki skulda peninga“
Viðmælandi DV er skuldlaus við
klúbbinn í dag og á einhverja tug-
þúsunda inneign sem hann stefnir
á að hækka. „Þegar ég er kominn
í skuld þá borga ég yfirleitt eins
fljótt og auðið er. Ég veit ekki til
þess að gripið hafi verið til harðra
innheimtuaðgerða en get alveg
ímyndað mér það. Þetta eru menn
sem þú vilt ekki skulda peninga,“
segir viðmælandinn.
Hann segir að í örfá skipti hafi
hann þurft að fá peninga greidda
út og þá hafi það gengið hratt
og örugglega fyrir sig. „Það var
bara borgað samdægurs í reiðu-
fé. Ég mælti mér mót við einn sem
tengist klúbbnum og hann borgaði
mér,“ segir maðurinn sem gerir sér
ekki grein fyrir umsvifum klúbbs-
ins en telur þó að þau séu tals-
verð. „ Flestir í kringum mig vita af
þessari starfsemi og ég veit um all-
marga sem veðja hjá þeim af og til.
Þetta er að mörgu leyti þægilegt og
stuðlarnir eru mun betri en þeir
sem eru í boði hjá Lengjunni,“ segir
viðmælandinn. n
Björn Þorfinnsson
bjornth@dv.is
Oddvitaklúbburinn Hér má sjá miða sem notaður hefur verið til að auglýsa starfsemina.
Veðjað DV er ekki kunnugt um umfang starfsemi Oddvitaklúbbsins, en hefur þó rætt við nokkra menn sem stundað hafa þar veðmál.
Fjórir milljarðar í
erlenda spilun á ári
Eftir miklu er að slægjast á íslenskum
veðmálamarkaði. Áætlanir gera ráð fyrir
að um fjórir milljarðar renni úr landi á
hverju ári í erlenda spilun. „Þá er póker-
inn reiknaður inn í þá tölu. Ætli veðmál á
íþróttakappleiki séu ekki um helmingur-
inn af þessum fjórum milljörðum,“ segir
Pétur Hrafn Sigurðsson, deildarstjóri
getrauna hjá Íslenskri getspá.
Að sögn Péturs er velta Íslenskrar
getspár aðeins brot af þessari tölu. „Við
erum aðeins með íþróttakappleiki en
ekki úrslit Eurovision og jafnvel kosn-
ingar. Þá einbeitum við okkur að leikjum
í meistaraflokki en ekki yngri flokkunum
eins og tíðkast á erlendum síðum,“ segir
Pétur Hrafn.
Að hans sögn hefur mikill vöxtur verið
á þessum markaði undanfarin ár. „Það
helgast einna helst af tækniframförum
sem veðmálafyrirtækin hafa verið mjög
dugleg við að nýta sér. Núna er hægt
að tippa á leiki um allan heim í beinni
útsendingu á netinu,“ segir Pétur Hrafn.
Sem dæmi um umfangið nefnir hann
að hægt sé að skjóta á að um einum og
hálfum milljarði sé veðjað á hvern leik í
Pepsi-deildinni að meðaltali.
„Það eru ekki margar sumardeildir í
gangi í heiminum og þess vegna er velt-
an svo mikil. Ef Pepsi-deildin væri spiluð
að vetri til í samkeppni við sterkustu
deildir heims þá væri veltan ekki jafn
mikil. Sérstaklega eru mánudagsleik-
irnir vinsælir því aðrar sumardeildir eru
spilaðar um helgar og því er ekki mikið í
boði annað en íslenska deildin á þessum
dögum,“ segir Pétur Hrafn.