Dagblaðið Vísir - DV - 25.10.2016, Blaðsíða 8

Vikublað 25.–27. október 2016
Hreinsun
á kjólum
1.600 kr.
Opið
Virka daga
08:30-18:00
laugardaga
11:00-13:00
Hringbraut 119 - Einnig móttaka á 3.hæð í Kringlunni
hjá Listasaum - Sími: 562 7740 - Erum á Facebook
8 Fréttir
U
mhverfisstofnun gerði
í haust fjórar nýjar
athugasemdir við starf-
semi málmendurvinnsl-
unnar GMR á Grundar-
tanga en fyrirtækið sætir auknu
eftirliti vegna ítrekaðra vanefnda
við að koma mengunarvörnum
í viðunandi horf. Eftirlitsskoðun
hafði þá leitt í ljós að framleiðslu-
úrgangur var ekki varinn fyrir regni
og að kvartanir vegna starfseminn-
ar hefðu ekki verið skráðar. Stofn-
unin hefur skráð á yfir þriðja tug
frávika frá starfsleyfi GMR síðan
verksmiðja fyrirtækisins var gang-
sett árið 2013 og fór að endurvinna
brotamálma frá íslensku álverun-
um.
„Betur má ef duga skal“
Starfsmenn Umhverfisstofnunar
fóru í eftirlitsskoðun um lóð GMR
um miðjan ágúst síðastliðinn.
Niðurstöður hennar voru birtar í
skýrslu í byrjun október. Samkvæmt
þeim komu ekki fram ný frávik frá
starfsleyfi en þá var unnið að eldri
frávikum sem varða meðal annars
hreinsun lóðar milli GMR og Kratus
ehf. sem er nú að mestu lokið. Bent
var á að ráðstafa þarf framleiðslu-
úrgangi verksmiðjunnar í viður-
kennda förgunarleið eða til endur-
vinnslu en þegar eftirlitið fór fram
var hann fluttur til bráðabirgða í
urðun Sorpu. Þá var ekki búið að
malbika lóðina eða girða hana af en
stefnt var að því í byrjun október.
Athugasemdirnar fjórar sem
voru gerðar teljast ekki frávik held-
ur vekur Umhverfisstofnun athygli
á þeim í þágu heilsuverndar, um-
hverfisverndar og öryggis. Eins og
áður segir var framleiðsluúrgang-
ur ekki varinn fyrir regni og því ekki
hægt að hindra að mengunarefni
bærust í jarðveg og fráveituvatn.
Bæta þurfti skráningar á kvörtunum
í rekstrarhandbók og kom fram að
þær sem bárust símleiðis hefðu ekki
verið skráðar. Þá voru úrgangsolíu-
tankar utan við planið þar sem frá-
rennsli er leitt í olíuskilju og gámur
með flokkuðu efni ranglega merkt-
ur. Samkvæmt upplýsingum frá
fyrir tækinu hafði hann verið tæmd-
ur þegar skýrslan var birt.
Umhverfisstofnun ítrekaði einnig
að gera þurfi betur grein fyrir mögu-
legum áhrifum af bræðslu straum-
teina með kopar á útblástur verk-
smiðjunnar. Fór stofnunin fram á
að vísað yrði í heimildir um að hve
miklu leyti þetta aukna koparmagn
kæmi til með að skila sér í útblæstri
eða að sérstök útblástursmæling yrði
framkvæmd.
„Búið er að hreinsa mikið til um-
hverfis verksmiðjuna en betur má ef
duga skal,“ segir í skýrslunni og bent
á að framleiðsluúrgangur, brotin raf-
skaut úr íslenskum álverum, séu
geymd á lóðinni.
Lóðirnar hlið við hlið
Í eftirlitsskýrslunni kemur einnig
fram að starfsmenn GMR hefðu bætt
skráningar og eftirlit með afsogsbún-
aði og að tvær ábendingar um reyk
frá verksmiðjunni hefðu ekki átt við
rök að styðjast. Rekstraraðili hef-
ur leitað leiða til að flytja síuryk til
endurvinnslu erlendis en áætlað er
að um 128 tonn af síuryki séu geymd
í sekkjum á lóðinni.
DV fjallaði í júní síðastliðnum
um ákvörðun Umhverfisstofnunar
um að gefa forsvarsmönnum Kratus
lengri frest til að koma 530 tonnum
af spilliefnunum síuryki og fínryki,
af lóð fyrirtækisins á Grundartanga.
Kratus vinnur ál úr álgjalli og hefur
verið krafið um fjölmargar úrbætur
síðustu þrjú ár og verið hótað dag-
sektum. Matthías Matthíasson,
framkvæmdastjóri Kratus, lofaði þá
úrbótum í samtali við DV og benti á
að Umhverfisstofnun hefði þá nýver-
ið samþykkt úrbótaáætlun fyrirtæk-
isins og frestað álagningu dagsekta.
Kratus er í eigu Stefáns Arnars
Þórissonar, Eyþórs Arnalds, fjárfestis
og fyrrverandi bæjarfulltrúa Sjálf-
stæðisflokks, og Arthurs Garðars
Guðmundssonar. Þeir eru einnig
hluthafar í GMR Endurvinnslu. Ekki
náðist í Daða Jóhannesson, fram-
kvæmdastjóra GMR, við vinnslu
fréttarinnar. n
Málmbræðsla krafin um
úrbætur á verksmiðjulóð
Fleiri athugasemdir við starfsemi GMR Endurvinnslu
Lóðin Hreinsun lóðar milli GMR Endurvinnslunnar og Kratus ehf. er að mestu lokið af hálfu
GMR. Mynd Sigtryggur Ari
Hluthafi Eyþór Arnalds, fjárfestir og fyrr-
verandi oddviti sjálfstæðismanna í Árborg,
á hlut í bæði Kratus og GMR.
Haraldur guðmundsson
haraldur@dv.is