Dagblaðið Vísir - DV - 06.12.2016, Blaðsíða 24

Vikublað 6.–8. desember 201624 Menning
K
vikmyndaheimurinn logar
eftir að áður óbirt viðtal við
einn virtasta kvikmynda­
gerðarmann Ítalíu, Óskars­
verðlaunaleikstjórann
Bernaldo Bertolucci, skaut upp koll­
inum á dögunum, en þar viðurkennir
hann að hafa skipulagt nauðgunar­
atriði í hinni alræmdu kvikmynd
Last Tango in Paris án vitundar
aðalleikkonunnar.
Last Tango in Paris er með um­
deildari kvikmyndum 20. aldarinn­
ar. Þegar hún kom út árið 1972 vakti
hún sérstaka athygli fyrir ofbeldi og
opinská kynlífsatriði, en myndin
fjallar um stormasamt ástarævintýri
bandarísks ekkils og ungrar franskrar
konu.
Atriði þar sem ekkillinn nauðgar
ungu konunni er í handritinu, en í
viðtali sem var tekið á kvikmynda­
hátíðinni La Cinématheque í París
árið 2013 viðurkennir Bertolucci
að hann og aðalleikarinn Marlon
Brando hafi ákveðið í sameiningu að
gera atriðið ógeðfelldara með því að
láta hann nota smjör sem sleypiefni
þegar hann nauðgar ástkonu sinni,
sem var leikin af hinni 19 ára gömlu
Mariu Schneider. Þeir ákváðu hins
vegar að láta Schneider ekki vita af
breytingunni til að ná fram raunveru­
legum óttaviðbrögðum frá henni.
„Að nota smjörið var hugmynd
sem við Marlon fengum morguninn
fyrir tökurnar. En að vissu leyti var
það hræðilega gert að segja ekki
Mariu hvað myndi gerast. Ég vildi
hins vegar að hún sýndi viðbrögð
sem stelpa en ekki sem leikkona,“
segir Bertolucci.
„Ég vildi ekki að Maria léki niður­
læginguna og reiðina. Ég vildi að hún
myndi upplifa hana en ekki leika –
og hún hataði mig eftir það.“ Hann
sagðist vera fullur sektarkenndar
en þó ekki sjá eftir því að hafa fram­
kvæmt atriðið á þennan hátt.
Maria Schneider lést úr krabba­
meini árið 2011 en hún glímdi lengi
við alvarlegt þunglyndi og eiturlyfja­
fíkn. Hún hafði oft talað illa um Ber­
tolucci í viðtölum, sagt það eina sem
hún sæi eftir í lífi sínu væri að hafa
leikið í myndinni hans, hann væri
„glæpamaður og melludólgur“ og að
hanni hafi rænt hana æskunni. Í við­
tali árið 2007 sagði hún að þótt kyn­
lífið í Last Tango in Paris hafi ekki
verið raunverulegt hafi henni fundist
henni hafa verið „pínulítið nauðgað“
við gerð myndarinnar. Hún sagðist
hafa verið gríðarlega reið og hvor­
ugur mannanna hafi huggað hana
eða beðist afsökunar: „Marlon sagði
bara: engar áhyggjur Maria, þetta er
bara bíómynd.“
Meðal leikara sem hafa stigið
fram og fordæmt Bertolucci eru
Jessica Chastain, Anna Kendrick og
Chris Evans. n
Sér ekki eftir neinu
Bertolucci segist
skammast sín fyrir
að hafa ekki sagt
Schneider frá
breytingunum en
segist þó ekki sjá
eftir því. Mynd EPA
Eitt alræmdasta
nauðgunaratriði
kvikmyndasögunnar
verður enn umdeildara
Ógeðfellt atriði
Maria Schneider
sagði að henni hafi
fundist sér hafa ver-
ið pínulítið nauðgað
í Last Tango in Paris
enda hafi Brando og
Bertolucci ákveðið
að gera atriðið
grófara án þess að
láta hana vita.
n Bertolucci viðurkennir að hafa gert atriðið
grófara án þess að láta leikkonuna vita
n Vildi ná fram raunverulegum viðbrögðum
Kristján Guðjónsson
kristjan@dv.is
Vinnum fyrir öll
tryggingafélög
Skútuvogi 12h, Reykjavík
S: 568-9620 - bilaretting.is
Útvegum
bifreið
meðan á
viðgerð
stendur
Okkar kjarnastarfssemi er
greiðslumiðlun og innheimta.
Hver er þín?
515 7900 | alskil@alskil.is | alskil.is
Síðan 2006