Fréttablaðið - 02.06.2017, Blaðsíða 10

FM95BLÖ
ALLA FÖSTUDAGA KL. 16-18
Topp tónlistarstöðin
LoftsLagsmáL Bandaríkin munu
draga sig út úr Parísarsamkomulag­
inu. Þetta tilkynnti Donald Trump,
forseti Bandaríkjanna, á blaða­
mannafundi í Hvíta húsinu í gær.
„Ég vil ekki að neitt haldi aftur af
okkur. Ég berst á hverjum degi fyrir
þessa frábæru þjóð. Þess vegna,
til að uppfylla skyldu mína til að
vernda Bandaríkin og Bandaríkja­
menn, munum við draga okkur út
úr Parísarsamkomulaginu,“ sagði
forsetinn.
Hann sagði þó að Bandaríkin
myndu þegar í stað hefja viðræður
um að koma á ný inn í samkomu­
lagið, eða taka þátt í gerð nýs sam­
komulags, með ákvæðum sem hann
teldi sanngjarnari.
„Frá og með deginum í dag
munum við hætta allri innleiðingu
ákvæða Parísarsamkomulagsins og
létta þannig hinar gífurlegu efna­
hagslegu byrðar sem það leggur
á landið okkar,“ sagði Trump enn
fremur.
Með þessu verða Bandaríkin
þriðja ríki Sameinuðu þjóðanna til
að standa utan samkomulagsins,
hin eru Níkaragva og Sýrland.
Kína og ríki Evrópusambands­
ins ætla ekki að feta sömu slóð.
Að þeirra sögn eru markmið Par­
ísarsamkomulagsins um að draga úr
loftslagsbreytingum mikilvægari en
nokkru sinni fyrr. Þetta segir í sam­
eiginlegri yfirlýsingu sem vænst er
að leiðtogar Kína og Evrópusam­
bandsins sendi frá sér og BBC hefur
komist yfir. Búist er við því að hún
verði formlega birt í dag.
Samkvæmt heimildum BBC
hefur verið unnið að yfirlýsingunni
í rúmt ár. Í henni mun vera að finna
umfjöllun um hættur vegna lofts­
lagsbreytinga og áhrif þeirra á jafn­
vægi í samfélögum heimsins.
„Evrópusambandið og Kína
telja Parísarsamkomulagið sögu­
legt afrek sem hraði samdrætti í
útblæstri gróðurhúsalofttegunda,“
segir í uppkastinu. Enn fremur segir
að Parísarsamkomulagið sé sönnun
á því að með samvinnu og trausti sé
hægt að finna sanngjarnar og áhrifa­
ríkar lausnir á erfiðustu vandamál­
um okkar tíma.
„Evrópusambandið og Kína ítreka
ótvíræða skuldbindingu sína er
varðar öll ákvæði Parísarsamkomu­
lagsins,“ segir þar enn fremur.
Li Keqiang, forsætisráðherra
Kína, var í opinberri heimsókn í
Þýskalandi í gær. Þar sagði hann
baráttuna gegn loftslagsbreyting­
um þjóna hagsmunum Kínverja.
„Kínverjar munu halda áfram að
innleiða ákvæði Parísarsamkomu­
lagsins en auðvitað vonumst við til
þess að geta gert það í samvinnu við
aðra,“ sagði Keqiang, en Kína blæs
út meiri gróðurhúsalofttegundum
en nokkurt annað ríki.
Rússar, sem eru í þriðja sæti á
þeim lista, einungis á eftir Banda­
ríkjunum og Kína, ætla heldur ekki
að víkja frá ákvæðum samkomu­
lagsins. Hins vegar myndi brott­
hvarf Bandaríkjanna hafa áhrif á
samkomulagið. „Það þarf vart að
taka það fram að áhrif þessa sam­
komulags dvína líklega án slíks
lykilríkis,“ segir í yfirlýsingu frá for­
setaembætti Rússlands í gær.
Antonio Guterres, framkvæmda­
stjóri Sameinuðu þjóðanna, tók í
sama streng í gær og sagði stuðning
Bandaríkjanna skipta sköpum. „En
burtséð frá ákvörðun bandarísku
ríkisstjórnarinnar er mikilvægt að
aðrar ríkisstjórnir haldi áfram á
sinni braut,“ sagði Guterres við BBC.
Forsætisráðherrar Norður­
landanna eru á sama máli og Gut­
err es og sendu Trump í gær sameig­
inlegt bréf þar sem hann var hvattur
til að standa við samkomulagið. Í
bréfinu var jafnframt lögð áhersla á
mikilvægi þess að draga úr áhrifum
loftslagsbreytinga.
thorgnyr@frettabladid.is
Halda ótrauð áfram
án Donalds Trump
Bandaríkjaforseti hefur ákveðið að landið segi sig frá Parísarsamkomulaginu. Ber
fyrir sig efnahagslegar byrðar. Evrópa og Kína undirbúa sameiginlega yfirlýsingu.
Forsætisráðherrar Norðurlandanna skora á Trump að standa við samkomulagið.
Hversu mikið mun
meðalhiti jarðar hafa
hækkað árið 2100?
l Ef haldið er áfram á sömu
braut: 4,2°C
l Ef Parísarsamkomulagi er fylgt
án Bandaríkjanna: 3,6°C
l Ef Bandaríkin eru með í Par-
ísarsamkomulaginu: 3,3°C
l Markmið Sameinuðu
þjóðanna: 1,5°C
Heimild: Climate Interactive
Donald Trump, forseti Bandaríkjanna, dregur land sitt út úr Parísarsamkomulaginu. NorDICPHoTos/AFP
fiLippseyjar Hið vinsæla hótel
Resorts World Manila í filipps­
eysku höfuðborginni Maníla, var
girt af í gærkvöldi eftir að lögreglu
bárust tilkynningar um skothríð og
sprengingar.
Greindi CNN Philippines frá því
að grímuklæddur byssumaður væri
á annarri hæð hótelsins og skyti á
gesti og starfsmenn.
Þegar Fréttablaðið fór í prentun
höfðu ekki borist fregnir af mögu­
legu mannfalli eða hversu margir
hefðu særst.
Rauði kross Filippseyja tísti því
hins vegar að starfsmenn samtak­
anna hefðu flutt þrjá af hótelinu og
á sjúkrahús.
Stephen Reilly, yfirlögregluþjónn
í borginni, staðfesti í samtali við
CNN að skotum hefði verið hleypt
af. Hann gat þó ekki sagt til um
hversu margir árásarmenn hefðu
verið á hótelinu.
Er Donald Trump Bandaríkjafor­
seti tilkynnti að Bandaríkin myndu
draga sig út úr Parísarsamkomu­
laginu í gær sagðist hann fylgjast
náið með framgangi mála í Maníla.
Jafnframt sagði forsetinn að bænir
hans væru helgaðar fórnarlömbum
og aðstandendum þeirra. – þea
Skotárás á fjölsótt hótel á Filippseyjum
Lögregla gerði áhlaup á hótelið.
FréTTABLAðIð/EPA
BaNDarÍKiN Hópur Demókrata
hefur kallað eftir því að hæsta­
réttardómarinn Anthony Kennedy
dragi það í lengstu lög að setjast í
helgan stein. Heimildir ytra herma
að Kennedy íhugi alvarlega að láta
af embætti.
Kennedy settist í Hæstarétt í árs­
byrjun 1988 en þá var hann rétt
rúmlega fimmtugur. Bandarískir
hæstaréttardómarar geta setið út
ævina, kjósi þeir svo, en fólk í kring­
um hinn áttræða Kennedy segir að
hann velti því fyrir sér að hætta fyrr.
Þrátt fyrir að Kennedy hafi verið
skipaður af Repúblíkana, og þyki
hallast til hægri, vilja Demókratar
halda honum meðan honum endist
ævin. Eða að minnsta kosti þangað
til að forsetatíð Donalds Trump
rennur sitt skeið. Óttast þeir að ef
Kennedy hættir muni Trump skipa
einhvern enn íhaldssamari sem
myndi hafa gífurleg áhrif á réttinn.
Í apríl síðastliðnum var meirihlut­
inn, til að öldungadeildin geti fallist
á tilnefningu hæstaréttardómara,
minnkaður. Áður þurfti sextíu
atkvæði, af hundrað þingmönnum,
til að komast í gegn en sú tala hefur
nú verið lækkuð niður í 51.
„Akkúrat núna er Kennedy mikil­
vægasti maðurinn í Bandaríkjunum.
Hann hefur oddaatkvæðið í hönd­
um sér í málum þar sem dómara
greinir á,“ segir Elizabeth Wydra,
einn af forsvarsmönnum þeirra sem
vilja Kennedy áfram.
Í málefnum sem varða fjármál
og trúarbrögð hefur Kennedy verið
með öðrum hægrisinnuðum dóm­
urum við réttinn. Í málum sem
varða fóstureyðingar og réttindi
samkynhneigðra hefur hann hins
vegar snúist á sveif með frjálslyndari
dómurum. – jóe
Demókratar vilja halda
íhaldssömum dómara
Anthony
Kennedy ásamt
ruth Bader
Ginsberg sem
einnig er dómari
við Hæstarétt
Bandaríkjanna.
NorDICPHoTos/
AFP
2 . j ú N Í 2 0 1 7 f Ö s t U D a g U r10 f r é t t i r ∙ f r é t t a B L a ð i ð
0
2
-0
6
-2
0
1
7

0
4
:3
7
F
B
0
4
8
s
_
P
0
4
6
K
.p
1
.p
d
f
F
B
0
4
8
s
_
P
0
3
9
K
.p
1
.p
d
f
F
B
0
4
8
s
_
P
0
0
3
K
.p
1
.p
d
f
F
B
0
4
8
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
F
E
-6
3
7
4
1
C
F
E
-6
2
3
8
1
C
F
E
-6
0
F
C
1
C
F
E
-5
F
C
0
2
7
5
X
4
0
0
.0
0
1
3
A

F
B
0
4
8
s
_
1
_
6
_
2
0
1
7
C
M
Y
K