Kiwanisfréttir - 01.08.1997, Blaðsíða 12
Kiwanisklúbburinn Höfði
fær verðlaun
Kiwanisklúbburinn Höfði í Reykja-
vík, hefur verið sæmdur fjölgunar-
verðlaunum Alþjóðasambands Kiw-
anis, svonefndum „Diamond
GrowthAward, 1996-97,“ verðlaun-
um, vegna félagafjölgunar. Grósku-
mikið starf hefur verið hjá klúbbn-
um á yfirstandandi starfsári. Um
sextíu manns, félagar og makar,
sóttu á vegum klúbbsins hið árlega
Kántrýball Brúarfélaga á Keflavík-
urflugvelli. Fyrirhuguð er á vegum
klúbbsins gönguferð yfir Fimm-
vörðuháls og hafa félagar stundað
gönguæfingar af kappi að undan-
förnu vegna þess. Áður hafa þeir
Höfðafélagar gengið frá Þingvöllum
yfir í Hvalfjarðarbotn. Höfði hefur
veitt dvalarheimilinu að Geldinga-
læk stuðning og nú síðast var fjöl-
mennt þangað til þess að endur-
klæða með pappa og járni gripahús
staðarins. Höfði er einn af örfáum
klúbbum í umdæminu, sem gefur út
fréttabréf. Forseti Kiwanisklúbbsins
Höfða er Hreiðar Þórhallsson.
Félagafjöldi í járnum
- Misjöfn staða klúbba
Félagafjöldi umdæmisins stóð í
1174 í upphafi starfsárs, 1. október,
1996. Samkvæmt skýrslu umdæmis-
ritara voru félagar í umdæminu 31.
mars s.l., nákvæmlega 1174! Ein-
hverjar hreyfingar hafa orðið síðan,
en það ræðst ekki fyrr en í lok sep-
tembermánaðar n.k. hver endanleg
tala verður. Enginn nýr klúbbur hef-
ur verið stofnaður á starfsárinu og
enginn er í aðlögun. Staða Kiwan-
isklúbbsins Korpu, sem stofnaður
var á síðasta starfsári er slæm.
Félagar eru aðeins tíu talsins og
klúbburinn hefur aldrei náð full-
gildingartölunni, sem er 25 og hefur
þar af leiðandi ekki enn verið
vígður. Annar kvennaklúbbur,
Harpa er einnig illa staddur því þar
eru félagar einnig aðeins tíu talsins.
Fimm aðrir klúbbar eru með félaga-
tölu fyrir neðan 15, sem er sú lág-
markstala sem alþjóðasambandið
krefst til þess að klúbbar teljist með
full réttindi („In Good Standing").
Aðra sögu er að segja af Kiwanis-
klúbbnum Þorfinni á Flateyri, sem
var með 9 félaga í byrjun starf-
sársins. Þeim hefur fjölgað um
100% eða úr 9 í 18! Geri aðrir betur.
Kiwanisklúbburinn Höfði í Reykja-
vík hefur einnig náð frábærum ár-
angri í félagafjölgun. Þeim „Höfð-
ingjum“ hefur fjölgað úr 21 í 32 eða
um 11 félaga og hefur enginn annar
klúbbur í umdæminu náð að fjölga
um jafnmarga félaga á starfsárinu,
ef Hekla er undanskilin, en það er
ekki sambærilegt því að hún fékk
heilan klúbb (18 félaga úr Viðey) til
liðs við sig. Það hefur áður verið
bent á það hér í blaðinu að þar sem
möguleiki er á því að litlir klúbbar
sameinist, sé það einn besti kostur-
inn til að halda félögum innan hreyf-
ingarinnar um leið og það skapar
sterkari klúbba.
Kiwanisklúbburinn Súlur
reisir minnismerki
I ár eru liðin 50 ár frá mesta
flugslysi sem orðið hefur á íslandi er
25 manns fórust með Dakotavél
Flugfélags íslands á Hestfjalli í
Héðinsfirði, hinn 29. maí árið 1947.
Af því tilefni hefur Kiwanisklúbb-
urinn Súlur á Ólafsfirði beitt sér
fyrir því í samvinnu við aðra, að
reistur hefur verið minnisvarði um
þá sem fórust á Hestfjalli. Minnis-
varðinn er málmkross í keltneskum
stíl með áletraðri plötu. Meðal gesta
við athöfnina var Davíð Oddsson
forsætisráðherra og fleira stórmenni.
Þyrilsfréttir
Hið árlega Kúttmagakvöld Þyrils-
félaga á Akranesi var haldið 15.
febrúar s.l. Sama dag var haldinn
umdæmisstjórnarfundur á Akranesi
og að honum loknum bauð bæjar-
stjórn Akraness til teitis að
Kirkjuhvoli. Umdæmisstjórnar-
menn og makar voru gestir á Kútt-
magakvöldinu og má segja að þeir
hafi bjargað deginum að þessu sinni,
því mæting Þyrilsfélaga var slök.
Skógrcekt
Eins og áður hefur komið fram í
þessu blaði var Kiwanisklúbbnum
Þyrli úthlutað svæði til gróðursetn-
ingar í landi sem á að verða útivist-
arsvæði Akurnesinga í framtíðinni.
Starfshópur hefur verið að störfum,
en hann skipa þau Guðmundur Vé-
steinsson og Guðlaugur Þórðarson
frá Þyrli og Friðrika Bjarnadóttir og
Jóhanna Einarsdóttir frá Sinawik.
Þessi hópur hefur verið starfssamur,
Heimsforseti og umdœmisstjóri í léttu
skapi í Kiwanislnisiuu á Akranesi.
fundað með garðyrkjustjóra bæjar-
ins, haft umsjón með kaupum á
plöntum og gróðursetningu. Á síð-
asta ári voru gróðursettar 1150
plöntur, þ.e. Alaskavíðir, selja, birki,
sitkagreni, stafafura og loðvíðir. Nú
er búið að plægja land fyrir gróður-
setningu og í vor voru gróðursettar
900 plöntur af Þyrilsfélögum og
Sinawikkonum. Veður var mjög gott
og á eftir var grillað. Samningurinn
sem Þyrill og Sinawik gerðu við bæ-
inn um afnot af Miðvogslandi, er til
25 ára. Þá verður þetta orðinn unaðs-
reitur. Skógrækt með Skeljungi hef-
ur veitt verkefninu styrk og var styrk-
urinn veittur í plöntum frá Skógrækt-
arstöðinni að Hvammi í Skorradal.
Heimsþing
Örnólfur Þorleifsson umdæmisstjóri
og þrír félagar úr Þyrli ásamt
eiginkonum, sóttu heimsþing Kiw-
anis sem haldið var í Nashville,
Tennessee. Að öllum líkindum hafa
þau tekið þar nokkur létt línudans-
spor og síðan flatmagað á þilfari
skemmtiferðarskips á siglingu í
Karabíska hafinu. Vonandi hafa þau
notið þess vel.
/ grœnni laut. Skógrœktarfrömuðirnir
Friðrika Bjarnadóttir og Guðmundur
Vésteinsson.
12
KIWANISFRÉTTIR