Kiwanisfréttir - 01.08.1997, Blaðsíða 20
yi 1 heimskringlunni
101 eins árs og ennþá
virkur Kiwanisfélagi!
Ray Jackson er ennþá virkur
félagi í Kiwanisklúbbnum
Wilmington í Delaware, í
Bandaríkjunum, þótt hann sé
orðin ÍOI árs gamall. Á með-
fylgjandi mynd er Colleen
McKeown, fyrrverandi
klúbbforseti, að næla merki
60 ára félaga í barm Rays í
tilefni afmælisins. Ray heldur
áfram að sækja fundi klúbb-
sins og taka þátt í verkefnum
hans þrátt fyrir 60 ára starf í
Kiwanis. Geri aðrir betur!
Alþjóðaráðið um aðgerðir
gegn sjúkdómum af völdum
joðskorfs
Eyjólfur Sigurðsson, fráfarandi
Heimsforseti, hefur verið skipaður í
stjórn Alþjóðaráðsins um aðgerðir
gegn sjúkdómum af völdum joð-
skorts, The International Council for
Control of Iodine Deficiency Dis-
orders (ICCIDD).
Alþjóðlegur Joðdagur 2. maí,
1998
Vegna tilmæla frá nokkrum Kiwanis
umdæmum, hefur verið ákveðið að
færa Alþjóðlega Joðdaginn frá októ-
ber til maí. Næsti Joðdagur verður því
2. maí, 1998.
Taiwanar veita Joðverk-
efninu öflugan stuðning
Kiwanisumdæmið á Taiwan (Repu-
plic of China District) hefur keypt 685
Hixon orður til stuðnings Joðverk-
efninu. Þetta þýðir í peningum
685.000 Bandaríkjadalir eða um fjór-
ar milljónir og sjö hundruð þúsund ís-
lenskar krónur! Á Taiwan eru 227 Kiw-
anisklúbbar með samtals 10.650 félaga.
Á sjöundu milljón dollara
veitt til útrýmingar á joðskorti
Alþjóðasamband Kiwanis hefur
miðað við 24. apríl s.l., úthlutað meira
en 6.2 milljónum dollara til Joðverk-
efnisins í 43 löndum.
ítalir verðlauna Kiwanis-
hreyfinguna
Á Sikiley hefur verið starfandi menn-
ingarstofnunin Instituto Sicilia Nuova
(Stofnunin Nýja Sikiley) síðastliðin
20 ár og veitir árlega verðlaun sem
kölluð eru Giara d'argento (Silfur-
skálin), til lands- eða heimsfrægra
manna eða stofnana á sviði menn-
ingar, leiklistar, tónlistar eða starfsemi
sem heldur uppi merki Sikileyjar.
Verðlaunin voru afhent í september
s.l. fyrir þjónustu Kiwanis á heimsví-
su. Nicolo Russo, fyrrverandi forseti
Kiwanisklúbbsins Giarre-Riposto og
jafnframt fyrrverandi umdæmisstjóri
Italíu og fyrrverandi Evrópuforseti, veit-
ti verðlaununum viðtöku fyrir hönd
klúbbsins og Alþjóðasambandsins.
Kiwanisfélagar fá kennitölu
Þegar Alþjóðasamband Kiwanis end-
urnýjaði tölvubúnað sinn, var ákveðið
að allir Kiwanisfélagar skildu fá út-
hlutað sérstakri kennitölu, „Member-
ship ID Number.“ Það má því búast
við því að Kiwanisfélagar verði í
vaxandi mæli beðnir um að framvísa
hinni fjögurrra til sex stafa kennitölu
sinni við útfyllingu ýmiskonar Kiw-
anissskjala. Og hvar er svo að finna
þessa Kiwanis kennitölu? Kennitalan
er skráð aftan við nöfn Kiwanisfélaga
á félagaskrám eins og „Membership
Record Form“ og á „Club Roster,“
sem m.a. fylgir ávallt reikningum fyr-
ir erlendu gjöldin. Klúbbritarar hafa
þessar upplýsingar undir höndum.
Kiwanisklúbbsins Brúar
getið í Kiwanis Magazine
í þættinum Cyber K, sem fjallar um
rafeindamál, er sagt frá Kiwanis-
klúbbnum Brú á Keflavíkurflugvelli
og birt mynd af fána klúbbsins sem er
táknrænn fyrir kjörorð klúbbsins
„Build Richer Understanding" sem
þýða mætti sem „að stuðla að meiri/-
betri gagnkvæmum skilningi - milli
manna/þjóða“. Skýrt er frá fjölþjóð-
legri meðlimaskrá klúbbsins, en fé-
lagarnir eru auk Islendinga og Banda-
ríkjamanna, frá Englandi, Noregi,
Þýskalandi, Portúgal og Kanada. Sagt
er frá síðu klúbbsins á Veraldarvefn-
um (Internet) og styrktarverkefnum
klúbbsins.
Hægir á útbreiðslu Kiwanis
aukning mest í Evrópu og á
Asíu-Kyrrahafssvæðinu
Kiwanisklúbbar eru nú starfandi í 78
löndum og eru félagar um 316.000.
Enn eru flestir félagar í Norður-Ame-
ríku, eða 85%, en þar fer félögum
fækkandi á meðan fjölgun er stöðug í
Evrópu og í Asíu og Ástralíu. Konum
fjölgar stöðugt í hreyfingunni og eru
nú 15% af heildartölunni. Hæst er
hlutfall kvenna í Suður-Ameríku, eða
23%, en lægst í Evrópu, aðeins 6%!
Ef hlutfall Kiwanisfélaga er skoðað í
samanburði við fólksfjölda í ein-
stökum löndum og umdæmum, kemur
í Ijós að hlutfall Íslands-Færeyja er
lang hæst eða um 4500 félagar miðað
við milljón íbúa, á meðan Þýskaland
er með aðeins 26 félaga á hverja
milljón íbúa. I Bandaríkjunum er hlut-
fallið rúmir þúsund félagar, eða
fjórum sinnum lægra en á Islandi og í
Færeyjum. Meðalaldur félaga í
umdæminu Ísland-Færeyjar er einnig
sá lægsti í Evrópu, eða 48,4 ár.
Nú má fullgilda klúbba með
15 félögum!
Á meðal lagabreytinga sem samþykk-
tar voru á heimsþinginu í Nashville í
júní s.l., var sú breyting að nú megi
fullgilda (Charter) Kiwanisklúbba
með minnst 15 félögum. Þetta eru
góðar fréttir fyrir Korpufélaga. Þing-
fulltrúar samþykktu einnig að hækka
alþjóðlegu gjöldin (International
Dues) úr $ 18 í $27.
Góðar hugmyndir fyrir
Joðverkefnið
Það er venja að umdæmisstjórar á
sama starfsári, og makar þeirra, gefi
heimsforsetahjónunum einhveija gjöf
til minningar um árið. í Nashville var
Anitu fært að gjöf bútasaumateppi þar
sem hvert unrdæmi átti sinn fulltrúa
með einhverju táknrænu fyrir um-
dæmið. Konur umdæmisstjóranna
gerðu enn betur því teppin voru tvö og
var seinna teppið boðið upp á heims-
þinginu til ágóða fyrir Joðverkefnið.
Teppið var slegið á $15.000.00! Kon-
urnar gáfu einnig út matreiðslubók
með réttum frá öllunt umdæmum inn-
an Kiwanis. Bókin er seld á tíu dollara
og fara fimm dollarar til Joðverkefnis-
ins af hverri bók. Bókin mun verða til
sölu á umdæmisþinginu.
20
KIWANISFRÉTTIR