Morgunblaðið - 14.01.2017, Page 16

16 FRÉTTIRInnlent
MORGUNBLAÐIÐ LAUGARDAGUR 14. JANÚAR 2017
BAKSVIÐ
Sigtryggur Sigtryggsson
sisi@mbl.is
Hinn nýi samgönguráðherra, Jón
Gunnarsson, hefur boðað að eitt af
hans fyrstu verkum verði að eyða
óvissunni um málefni Reykjavíkur-
flugvallar. „Mikilvægt er að eyða
óvissu um starf-
semi flugvallarins
svo hægt sé að
byggja upp að-
stöðu fyrir far-
þega og starfs-
fólk,“ sagði Jón í
samtali við Morg-
unblaðið.
Flugstöðin í
Reykjavík er
gömul og úr sér
gengin og að auki allt of lítil fyrir
starfsemi Flugfélags Íslands.
„Það hefur ekki fengist leyfi hjá
Reykjavíkurborg til að byggja nýja
flugstöð eða lagfæra þá sem fyrir er.
Við höfum lagt fram ýmsar hug-
myndir og tillögur til borgaryfirvalda
en þær hafa ekki fengið braut-
argengi,“ segir Árni Gunnarsson,
framkvæmdastjóri Flugfélags Ís-
lands.
Að sögn Árna voru síðast lagðar
fram árið 2013 útfærðar hugmyndir
um að byggja nýja flugstöð á núver-
andi athafnasvæði Flugfélagsins
vestan norður/suður brautarinnar.
Gert var ráð fyrir 3.000 fermetra
byggingu sem væri þeirrar gerðar að
hægt væri að nýta hana til annars en
flugstarfsemi. Einnig var sá mögu-
leiki gefinn að hún væri þannig byggð
að taka mætti hana niður og flytja
annað. Þessi áform fengu ekki hljóm-
grunn hjá skipulagsyfirvöldum í
Reykjavík og engar skýringar voru
gefnar á því, að sögn Árna.
Samið um bætta aðstöðu
Hinn 19. apríl 2013 undirrituðu Ög-
mundur Jónasson, þáverandi sam-
gönguráðherra, og Jón Gnarr, þáver-
andi borgarstjóri, samkomulag um
endurbætur á aðstöðu fyrir farþega
og þjónustuaðila á Reykjavík-
urflugvelli. Í samkomulaginu var m.a.
fallið frá fyrri áformum um byggingu
samgöngumiðstöðvar í Vatnsmýri.
Hún átti að standa nálægt Hótel
Loftleiðum og ná yfir svæði þar sem
neyðarbrautin svonefnda er nú. Í
samkomulaginu sagði orðrétt: „Að
deiliskipulagsgerð á svæði flugstöðv-
arinnar verði hraðað sem kostur er
svo unnt verði að hefja áætlaðar end-
urbætur sem fyrst. Hugmyndir að
nýrri flugstöðvarbyggingu hafa verið
kynntar í skipulagsráði Reykjavíkur-
borgar og er stefnt að því að breytt
skipulag liggi fyrir að loknu auglýs-
ingaferli í október nk. Staðfesting
deiliskipulags, útgáfa byggingaleyfis
og afhending lands haldist í hendur.“
Síðan þetta samkomulag var und-
irritað eru liðin tæplega fjögur ár.
Búið er að deiliskipuleggja svæðið,
búið er að loka neyðarbrautinni og
ríkið hefur selt borginni land í
Skerjafirði undir íbúðabyggð.
Samkvæmt þessu ættu öll skilyrði
að vera fyrir hendi til þess að sam-
þykkja áform Flugfélags Íslands og
gefa út byggingaleyfi fyrir nýrri flug-
stöð.
„Vonandi telur borgin að búið sé að
uppfylla nógu mikið af þessu sam-
komulagi frá 2013 svo hún geti upp-
fyllt sinn hlut í samkomulaginu varð-
andi nýja flugstöð. Ef við sjáum fram
á að geta þokað þessi verkefni áfram
munum við klárlega gera það,“ segir
Árni Gunnarsson.
Rúmi 500 farþega í einu
Í tillögu KURTOGPI arkitekta frá
2011 er gert ráð fyrir því að eftir end-
urbætur rúmi flugstöðin 500 farþega í
einu sem er áætlað að fullnægi þörf
Flugfélagsins og einnig annarra flug-
rekstraraðila sem hugsanlega hafa
áhuga á aðstöðu í byggingunni.
„Endurbætt flugstöð verður þann-
ig uppbyggð að hana megi auðveld-
lega fjarlægja og reisa að hluta eða
öllu leyti á öðrum stað auk þess sem
hún getur auðveldlega hýst aðra
starfsemi en nú er starfrækt við
Reykjavíkurflugvöll ef flugvallar-
starfsemin verður flutt annað.
Leitast verður við að nota efni sem
má annað hvort endurnýta sem heila
byggingarhluta eða endurvinna. Er
þar m.a. átt við timbur, og gler sem
verða meginbyggingarefni flugstöðv-
arinnar. Burðarvirki hússins verður
hægt að taka í sundur og setja upp að
nýju á öðrum stað eða endurnýta á
annan hátt.
Útveggir verða að stærstum hluta
úr gluggaeiningum úr timbri og áli og
hefðbundnu gleri ásamt s.k. prófíl-
gleri sem hvort tveggja má taka niður
og nota að nýju. Þannig tryggir sam-
setning byggingarinnar stuttan
byggingartíma og auðveldar rif og
endurnýtingu,“ segir í tillögunni.
Ný flugstöð í biðstöðu hjá borginni
 Flugfélag Íslands óskaði eftir því árið 2013 að fá að byggja nýja flugstöð á Reykjavíkurflugvelli
 Áformin fengu ekki hljómgrunn hjá borginni  Gamla flugstöðin sprungin og úrbætur aðkallandi
Teikning/KURTOGPI
Ný flugstöð Hún verður þannig uppbyggð að hana megi fjarlægja og reisa að hluta eða öllu leyti á öðrum stað.
Árni
Gunnarsson
Flugstöðin gamla á Reykjavíkurflugvelli er 1.200 fer-
metrar að stærð og er orðið aðkallandi fyrir Flugfélag
Íslands að fá stærra rými.
Í tillögu KURTOGPI-arkitekta frá árinu 2011 um
endurbætur og viðbyggingar við flugstöð á Reykjavík-
urflugvelli segir orðrétt:
„Núverandi aðstaða Flugfélagsins er að stórum hluta
í mjög bágbornu ásigkomulagi og umfram allt of lítil
fyrir umsvif fyrirtækisins. Hún samanstendur að mestu
leyti af byggingum sem settar voru upp af hernámsliði
Bandamanna í seinni heimsstyrjöld síðustu aldar ásamt
viðbyggingum sem hugsaðar voru til bráðabirgða, þar
á meðal gámum sem hýsa aðstöðu áhafna og skrif-
stofur. Viðhald mannvirkjanna hefur í gegnum tíðina
reynst bæði tímafrekt og kostnaðarsamt.“
Um 300 þúsund farþegar ferðast í innanlandsflugi ár
hvert eða rétt undir þúsund farþegar daglega að með-
altali. Á háannatíma á sumrin getur farþegafjöldinn
orðið 1.700-1.800. „Þetta eru vel nýttir fermetrar en
þeir setja starfseminni takmörk. Við getum ekki veitt
við- skiptavinum okkar þá þjónustu sem við vildum.
Þrengslin eru sérstaklega bagaleg varðandi flugið til
Grænlands og Færeyja. Utanlandsflugið krefst góðs
rýmis en það er ekki fyrir hendi,“ segir Árni Gunn-
arsson, framkvæmdastjóri Flugfélags Íslands.
Margir hafa í gegnum tíðina kallað eftir bættri að-
stöðu fyrir farþega á Reykjavíkurflugvelli. Í nóvember
1991 var haft eftir Markúsi Erni Antonssyni, þáverandi
borgarstjóra, í Morgunblaðinu: „Brýnt að koma upp
sómasamlegri flugstöð.“ Síðan eru liðin rúmlega 25 ár.
sisi@mbl.is
Morgunblaðið/Árni Sæberg
Flugstöðin Byggð á tímum heimsstyrjaldarinnar síðari.
300 þúsund farþegar í innanlandsflugi
 Gamla flugstöðin var
byggð á stríðsárunum
Styrkir til náms í
hafrétti
Hafréttarstofnun Íslands er rannsókna- og
fræðslustofnun á sviði hafréttar við Háskóla Íslands
og er meginmarkmið stofnunarinnar að treysta
þekkingu á réttarreglum á sviði hafréttar.
Að stofnuninni standa Háskóli Íslands, utanríkis-
ráðuneytið og atvinnuvega- og nýsköpunarráðuneytið.
Hafréttarstofnun auglýsir hér með eftirfarandi styrki til
náms í hafrétti til umsóknar:
1. Styrk til framhaldsnáms í hafrétti
á háskólaárinu 2017-2018.
2. Styrki til þátttöku í sumarnámskeiði
Ródos-akademíunnar í hafrétti 2.- 21. júlí 2017.
Umsóknir sendist Tómasi H. Heiðar, forstöðumanni
stofnunarinnar, með tölvupósti,
tomas.heidar2016@gmail.com, fyrir 27. janúar 2017.