Morgunblaðið - 14.01.2017, Blaðsíða 27

UMRÆÐAN 27
MORGUNBLAÐIÐ LAUGARDAGUR 14. JANÚAR 2017
ÁSkákþingi Reykjavíkursem hófst á sunnudaginnog Nóa Síríus-mótinu semhófst í Stúkunni á Kópa-
vogsvelli sl. þriðjudag eru keppendur
samtals um 130 talsins. Ekki verður
annað sagt en að skákárið fari vel af
stað. Eftir tvær umferðir á Skák-
þinginu hafa eftirtaldir skákmenn
unnið báðar skákir sínar: 1.–13. Guð-
mundur Kjartansson, Björn Þor-
finnsson, Guðmundur Gíslason, Dag-
ur Ragnarsson, Örn Leó Jóhannsson,
Lenka Ptacnikova, Benedikt Jón-
asson, Bárður Örn Birkisson, Daði
Ómarsson, Björgvin Víglundsson og
Jóhann Ingvason.
Nóa Síríus-mótið fer fram í tveim
riðlum þar sem teflt er einu sinni í
viku. Þetta er að öllum líkindum best
skipaða innlenda mótið af þessu tagi
sem farið hefur fram hér á landi. Í
fyrstu umferð vakti athygli að Daði
Ómarsson vann Jón L. Árnason og
Mikael Jóhann Karlsson vann Sig-
urbjörn Björnsson. Þá var Guð-
mundur Kjartansson hætt kominn
gegn Jóni Hálfdánarsyni en vann að
lokum. En úrslit voru samt mikið eft-
ir bókinni.
Einn helsti kostur þess móts er sá
að fjölmargir ungir þátttakendur fá
tækifæri til að tefla við þrautreynda
skákmenn; fimm stórmeistarar eru
meðal keppenda. Friðrik Ólafsson
sest að tafli á þriðjudagskvöldið og
mætir þá hinum unga Oliver Aron
Jóhannessyni.
Leikur ársins 2016
Hið virta hollenska skáktímarit
New in Chess hefur nokkrum sinnum
valið „Leik ársins“ og einvalalið þess
komst að þeirri niðurstöðu að sá leik-
ur ársins 2016 hefði komið fyrir í
skák í Evrópukeppni taflfélaga sem
haldin var í Novi Sad í Serbíu sl.
haust. Einn besti skákmaður heims,
Armeninn Levon Aronjan, var fórn-
arlambið. Staðan kom upp eftir 27.
leik hvíts:
Levon Aronjan – Richard Rapport
Tsjígorin-vörn
1. d4 d5 2. c4 Rc6 3. Rc3 Rf6 4.
cxd5 Rxd5 5. Rf3 e5 6. dxe5 Bb4 7.
Bd2 Rxc3 8. bxc3 Ba5 9. e3 O-O 10.
Da4 Bb6 11. Df4 De7 12. h4 f6 13.
exf6 Hxf6 14. Dc4+ Kh8 15. Bd3 Bf5
16. Bxf5 Hxf5 17. Rg5 Re5 18. De4
Dd7 19. O-O He8 20. Dc2 h6 21. Re4
Hh5 22. Rg3 Hxh4 23. Had1 Hf8 24.
Bc1 Dg4 25. Hd5 Dg5 26. De2 c6 27.
Hd4
Hvítur reynir að stugga við hinum
herskáa hrók á h4 og myndi glaður
samþykkja 27. … Bxd4 28. exd4 og
hvítur er með unnið tafl. En Ungverj-
inn hafði séð þetta fyrir og lék…
27. … Hh1+! 28. Kxh1
28. Rxh1 er svarað með 28. …
Rf3+! og svartur vinnur drottn-
inguna.
28. … Bxd4 29. f3
Ekki 29. exd4 Dh4+ 30. Kg1 Rg4
og vinnur.
29. … Bb6 30. Re4 Dh5 31. Kg1
Bc7 32. Kf2 Dh2 33. Ke1 Hd8
Ferðalag kóngsins er misráðið en
hvíta staðan var erfið. Nú er svartur
kominn með unnið tafl.
34. Bd2 Rd3+ 35. Kd1 De5 36. g4
Db5 37. Dg2 Rb2+ 38. Kc2 Rc4 39.
Bc1 Hd5 40. g5 Ra5 41. Bd2 Dd3+
- og hvítur gafst upp, 43. Kc1 er
svarað með 43. …. Hb5.
Magnús Carlsen teflir
í Wijk aan Zee
Um helgina hefst hin árlega
skákhátíð í Wijk aan Zee í Hollandi,
en þar tefla nokkur hundruð manns í
fjölmörgum flokkum. Eins og jafnan
áður beinist athyglin fyrst og fremst
að a-riðli mótins, en þar er heims-
meistarinn og sigurvegarinn frá því í
fyrra, Magnús Carlsen, stigahæstur.
Aðrir keppendur í stigaröð eru Wes-
ley So, Sergei Karjakin, Levon Ar-
onjan, Anish Giri, Jan Nepomni-
achtchi, Pentala Harikrishna, Pavel
Eljanov, Radoslav Wojtaszek,
Dmitry Andreikin, Yi Wei, Richard
Rapport, Loek Van Wely, Baskaran
Adhiban.
Nafntogaðir kappar
á Nóa Síríus-mótinu
Skák
Helgi Ólafsson
helol@simnet.is
Morgunblaðið/Golli
Handaband Við upphaf umferðar á Nóa Síríus-mótinu.
Sunnudaginn 8. jan-
úar síðastliðinn var
framið hryðjuverk í
Jerúsalem. Ökumaður
vörubifreiðar keyrði
bílinn á fullri ferð inn í
mannþröng á einni vin-
sælustu göngugötu
Jerúsalem. Tókst hon-
um með athæfi sínu að
drepa nokkra og beit
síðan höfuðið af
skömminni með því að
bakka yfir fólkið. Svipar þetta
hryðjuverk til samskonar hryðju-
verka sem framin voru í Frakklandi
og Þýskalandi í fyrra, annars vegar í
Nice í júlí og hins vegar í Berlín í
desember. Í öll skiptin hafa ISIS-
samtökin svokölluðu lýst yfir
ábyrgð. Almenningur hins frjálsa
heims er agndofa og fordæmir
fólskuverkin. En ekki voru það allir
sem fordæmdu ódæðið í Jerúsalem.
Hamas-hryðjuverkasamtökin, sem
ráða yfir Gasa-ströndinni, fögnuðu
athæfinu. Nánar um málið hér á eft-
ir.
Stöð 2 og RÚV fluttu frétt af
ódæðinu. Það var sama fréttin á báð-
um stöðvum, trúlega vegna þess að
erlenda fréttaveitan sem útvegaði
fréttina er sú sama hjá þeim báðum.
Einn munur var þó á milli umfjöll-
unar Stöðvar 2 og RÚV. Stór mun-
ur. Stöð 2 sýndi myndir frá vett-
vangi og eins viðtal við talsmann
Hamas-samtakanna sem glaðbeittur
fagnaði ódæðinu og hvatti til fleiri
slíkra. RÚV sýndi myndir frá vett-
vangi en sleppti viðtalinu við Ham-
as-talsmanninn. Nú er spurt: Voru
það mannleg mistök að öll fréttin
skyldi ekki sýnd hjá RÚV eða var
þessum hluti fréttarinnar viljandi
sleppt?
Aftur að Hamas. Strax í kjölfar
ódæðisins kom talsmaður Hamas
fram á sjónarsviðið geislandi af gleði
yfir athæfinu. Ekki kemur á óvart
hversu snöggir Hamas-menn voru
til viðbragða því það
vita allir að ekkert fer
fram á Vesturbakk-
anum né á Gasa öðru-
vísi en að Hamas viti af
því fyrirfram og hafi
blessað það. Hamas
stjórnar eins og Kim
Jong-un, leiðtogi Norð-
ur-Kóreu. Ekkert fer
fram hjá þeim, ekkert
má nema með þeirra
leyfi, þeir leyfa ekki
frjálsa fjölmiðlun og
þeir leyfa alls ekki
frjáls skoðanaskipti.
Þeir bara kúga, beita hrottaskap og
ofbeldi.
Í stofnskrá Hamas (stjórnarskrá)
sem samin var 1988 segir orðrétt:
„Ísrael mun verða til og mun halda
áfram að vera til þangað til íslam
mun eyða því, á sama máta og það
(íslam) hefur eytt öðrum áður“.
(Yale Law School, Lillian Goldman
Law Library / The Covenant of the
Islamic Resistance Movement).
Svo mikilvæg er þessi setning í
stofnskránni að hún kemur fyrir í
inngangi í línu 7 í texta skjalsins en
skjalið er stórt í sniðum og inniheld-
ur 36 greinar.
Þetta blessaði ríkisstjórn Jóhönnu
og Steingríms þegar þáverandi
utanríkisráðherra fór í víking til
Gasa 2011 og hefur blessunin vænt-
anlega verið gerð fyrir hönd ís-
lensku þjóðarinnar, eða hvað?
Hamas-vörubílar
Eftir Magnús
Magnússon »RÚV sýndi myndir
frá vettvangi en
sleppti viðtalinu við
Hamas-talsmanninn.
Magnús Ægir
Magnússon.
Höfundur er rekstrarhagfræðingur
og friðarsinni.
Sími: 535 1200 | iskraft@iskraft.is | iskraft.is
Hundruð þekktra vörumerkja
sem fagmaðurinn þekkir og treystir
Fáðu ráð hjá fagmönnum
um val á lýsingu
HEILDARLAUSNIR
í lýsingu og ljósabúnaði
Ljós frá
Steypa Viður Ál
JÖRÐ Á
SUÐURLANDITil sö
lu
Til sölu er jörðin Helluvað 3 á Rangárvöllum ásamt kúabúi sem rekið er á henni. Jörðin er
staðsett við þéttbýlið á Hellu og er stærð hennar um 600 hektarar, þar af er ræktað land
85 hektarar. Landið liggur að Ytri Rangá og fylgir veiðiréttur í ánni. Á jörðinni er 171 fm
íbúðarhús byggt 1985. Lausagöngufjós fyrir 48 gripi með haugkjallara og mjaltagryfju,
stærð 411 fm byggt 1980. Áföst fjósinu er 300fm hlaða byggð 1973 og 133 fm flatgryfja
byggð 1983. Auk þessa eru á jörðinni nokkur eldri útihús í þokkalegu ástandi, heildarstærð
þeirra nemur um 810 fm. Greiðslumark í mjólk er 255.000 lítrar. Bústofninn telur 45
mjólkandi kýr og 50-60 kálfa og geldneyti.
Nánari upplýsingar og myndir á www.fannberg.is og á skrifstofu.
FANNBERG FASTEIGNASALA ehf. Sími 487 5028
Guðmundur Einarsson, lögg. fasteignasali
ÞRÚÐVANGI 18 - 850 HELLU
Mikil þátttaka var í vetrarsólstöðugátunni að þessu sinni. Nokkur
hundruð lausnir bárust og voru margir með rétta lausn.
Lausnin er:
Svart og hvítt er sossum ekkert nýtt,
sumum líður vel með hvoru tveggja.
Flestum þykir best, ef heima er hlýtt
og helst að forðast deilur utan veggja.
Dóra Herbertsdóttir, Flatasíðu 4, 603 Akureyri, hlýtur bókina Ör eft-
ir Auði Övu Ólafsdóttur, Helgi Guðmundsson, Háahrauni 5, 220 Hafn-
arfirði, fær bókina Eyland eftir Sigríði Hagalín Björnsdóttur og í hlut
Eiríks Jónssonar, Álfhólsvegi 1, 200 Kópavogi, kemur bókin Óvissustig
eftir Þórdísi Gísladóttur.
Vinningshafar geta vitjað vinninganna í móttöku ritstjórnar Morgun-
blaðsins eða hringt í 569 1100 og fengið bækurnar sendar heim. Morg-
unblaðið þakkar þátttökuna.
Lausn vetrarsólstöðugátu
mbl.is
alltaf - allstaðar