Dagblaðið Vísir - DV - 10.02.2017, Blaðsíða 6
Helgarblað 10.–13. febrúar 20176 Fréttir
Ríkisstjórn
í frjálsu falli
Stuðningur við ríkisstjórn
Sjálfstæðisflokks, Viðreisnar
og Bjartrar framtíðar mælist
aðeins 32,6 prósent í nýrri
könnun MMR. Í mælingu á
fylgi einstakra stjórnmálaflokka
ber hæst að Vinstrihreyfingin -
grænt framboð mælist stærsti
flokkur landsins með 27% fylgi,
sem er aukning um 3,8% milli
kannana. Sjálfstæðisflokkurinn
er næststærstur með 23,8% fylgi
en það dregst saman um tæpt
prósent milli kannana. Fylgi
Pírata stendur í stað í 13,6%. Fylgi
Framsóknarflokksins lækkar úr
12,5% í 9,7%. Samfylking fer úr
7,8 í 7 prósent og þá heldur fylgi
Viðreisnar áfram að dala og er
flokkurinn með 5,6% á meðan
Björt framtíð bætir heldur við sig
og fer úr 5,3% í 7%.
Þ
rír nemendur í 9. bekk Hóla-
brekkuskóla í Reykjavík voru
fluttir á sjúkrahús á mið-
vikudag með 1. og 2. stigs
brunasár eftir slys í eðlisfræðistofu.
Nemendur voru þar að gera tilraun
sem fól í sér notkun á eldfimu efni.
Ekki vildi betur til en svo að eldurinn
mun hafa læst sig í föt barnanna sem
flutt voru á sjúkrahús með sjúkrabíl.
Skólastjóri Hólabrekkuskóla sendi
foreldrum og forráðamönnum póst
vegna málsins sama dag þar sem
kom fram að líðan barnanna væri
eftir atvikum góð. Skólastjórinn,
Hólmfríður G. Guðjónsdóttir, segir í
samtali við RÚV að rætt hafi verið við
nemendur skólans vegna atviksins
auk þess sem póstur var sendur á for-
ráðamenn. Þeim sem töldu sig þurfa
stóð til boða að fá áfallahjálp hjá sér-
fræðingum skólans. Þá hafi skóla-
skemmtun sem fyrirhuguð var á
miðvikudagskvöld verið aflýst vegna
atviksins. Tvö barnanna voru komin
heim á fimmtudag, en eitt þeirra var
enn á spítala til aðhlynningar. Skóla-
stjórinn kveðst hafa fengið þau skila-
boð frá foreldrum barnanna um að
þau muni ná sér að fullu. n
Hlutu brunasár
eftir skólaslys
Þrír nemendur Hólabrekkuskóla fluttir á sjúkrahús
Hólabrekkuskóli Nemendum og starfsfólki var brugðið vegna atviksins en
blessunarlega munu börnin sem í slysinu lentu ná sér að fullu. Mynd ReykjavíkuRboRg
Gleraugnaverslunin Eyesland hefur opnað nýja og glæsilega verslun
á Grandagarði 13. Mikið úrval af gæðagleraugum á góðu verði
– og þú færð frábæra þjónustu.
Verið velkomin!
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Cocoa Mint sólgleraugu
kr. 12.900,-
Sjáðu muninn?
Ekki dæma
heila þjóð
Frásögn Ragnhildar
Stefánsdóttur af grænlenskri
konu sem varð fyrir fordómum
hér á landi hefur vakið mikla
athygli. Ragnhildur greindi
frá því að konan hefði orðið
fyrir aðdróttunum vegna
þjóðernis og tengdi það við að
landi hennar situr í fangelsi,
grunaður um að hafa banað
Birnu Brjánsdóttur. „Ég er
miður mín eftir að hitta þessa
konu, skil fullkomlega reiði
fólks gagnvart gerandanum en
við skulum ekki fordæma heila
þjóð.“
Brjánn Guðjónsson, faðir
Birnu Brjánsdóttur deildi
skrifum Ragnhildar og sagði:
„Ég fordæmi þá hegðun að
dæma heila þjóð vegna gjörða
eins manns. Grænlendingar eru
vinir okkar og við eigum að efla
þann vinskap heldur en hitt.“
Björn boðar sparnað
en Guðni aukin útgjöld
n Ólíkar áherslur frambjóðenda til formanns KSÍ n Kosið verður um helgina
U
m helgina verða stór tíma-
mót hjá Knattspyrnusam-
bandi Íslands þegar 71. árs-
þing samtakanna fer fram í
Höllinni í Vestmannaeyjum.
Þá stígur Geir Þorsteinsson til hliðar
eftir 10 ára farsælt starf sem formað-
ur. Óhætt er að segja að hann stígi frá
góðu búi en rekstur KSÍ hefur ver-
ið í miklum blóma í kjölfar ótrúlegs
árangurs íslenska karlalandsliðsins
á alþjóðlegum vettvangi. Tveir
einstaklingar berjast um að taka við
kyndlinum af Geir, Guðni Bergsson,
lögfræðingur og fyrrverandi atvinnu-
knattspyrnumaður, og Björn Einars-
son, formaður Víkings og forstjóri
TVG- Zimsen.
Toppliðin á bak við björn
Óhætt er að fullyrða að gríðarleg
eftirvænting sé fyrir kosningunum
enda er ómögulegt að segja til um
hvernig landið liggur. Björn er sagð-
ur vera fulltrúi stærstu liða landsins
en talið er að hann eigi stuðning FH,
KR, Víkings og Stjörnunnar vísan.
Þann stuðning hefur Björn áunnið
sér með störfum sínum fyrir Toppfót-
boltasamtökin sem vinna fyrir félög-
in sem eiga sæti í efstu deild. Guðni
er hins vegar talinn njóta meira fylgis
meðal smærri liða landsins en hann
gengur þó að stuðningi Vals, uppeld-
isfélags síns, vísum. Þá hefur komið
fram að margir séu óákveðnir.
Alls hafa 153 fulltrúar rétt til setu
á ársþinginu og því fer mestur tími
frambjóðenda eflaust í að tala við þá
sem koma til með hafa atkvæðarétt á
þinginu. Guðni og Björn hafa þó gef-
ið fjölmiðlum nokkur viðtöl viðtöl og
viðrað áherslur sínar auk þess sem
þeir tókust á í athyglisverðum kapp-
ræðum á X-inu fyrir skömmu.
guðni boðar útgjöld – björn
sparnað
Í þessum skoðanaskiptum frambjóð-
enda hefur komið fram hversu ólíkar
áherslur þeirra eru varðandi starfið.
Til einföldunar mætti segja að Guðni
hafi boðað aukin útgjöld til þess að
styðja við áframhaldandi velgengni
landsliða Íslands á meðan Björn
boðar straumlínulagaðan fyrirtækja-
rekstur KSÍ þar sem aðhald í rekstri
er grunnforsendan. Má nefna sem
dæmi að Guðni hefur lýst yfir áhuga
á að ráða yfirmann knattspyrnu-
mála til KSÍ sem myndi miðla þeirri
þekkingu sem er að verða til innan
A-landsliðanna til yngri landsliða
og félaganna. Slíkur sérfræðingur
kostar hins vegar sitt og þá yfirvof-
andi útgjaldaaukningu hefur Björn
gagnrýnt. Frambjóðendurnir eru þó
sammála um að aukið gagnsæi sé
nauðsynlegt innan KSÍ og að ráðn-
ingarferli sambandsins verði opnari.
Ætlar að efla erlend samskipti
Eins og víða hefur komið fram þá hef-
ur Guðni lýst því yfir að hann muni
sinna starfinu áfram í fullu starfi
líkt og Geir Þorsteinsson hefur gert
undanfarin ár. Launa-
kjör forvera hans,
sem eru um 1,3 millj-
ónir á mánuði, hafa
verið mjög umdeild
innan hreyfingar-
innar og hefur Guðni
fagnað þeirri tillögu
sem liggur fyrir árs-
þinginu að laun hans
verði ákveðin af sér-
stakri starfskjaranefnd. Telur hann
að bakgrunnur hans sem atvinnu-
maður í knattspyrnu og lögfræðing-
ur geti nýst honum vel í þeim viða-
miklu erlendu samskiptum sem
formaður KSÍ þarf að inna af hendi.
Hefur Guðni bent á að 88 prósent
af öllum tekjum sambandsins hafi
komið að utan og því þurfi að halda
vel á spilunum ytra.
vill styrkja stjórn sambandsins
Björn hefur aftur á móti sagst
ætla að sinna starfinu í
stjórnar formennsku sem
hann segir að sé ráðandi
fyrirkomulag á markaði.
Hefur hann nefnt þá
staðreynd að forstjóri
Nova, Liv Bergþórsdóttir,
sé stjórnarformaður
lággjaldaflugfélagsins
WOW. Hann hefur líkt
rekstri KSÍ við fyrirtæki
og vísar í að reynsla sín í rekstri
muni gagnast sambandinu. Þá vill
hann styrkja stjórn sambandsins
og fjölga stjórnarfundum. Þá hefur
hann sagst vilja gefa starfsfólki
skrifstofu KSÍ svigrúm til að koma
góðum verkum í framkvæmd en
stjórnin marki stefnuna. n
björn Þorfinnsson
bjornth@dv.is
björn einarsson
guðni bergsson