Dagblaðið Vísir - DV - 10.02.2017, Qupperneq 36
Helgarblað 10.–13. febrúar 201728 Sport
Stjörnurnar sem Wenger
keypti – næstum því
Ronaldo, Messi, Suarez og allir hinir
N
ú þegar fjórtán umferðir
eru eftir af ensku úrvals-
deildinni er Arsenal á
kunnuglegum slóðum í 4.
sæti deildarinnar, 12 stig-
um á eftir toppliði Chelsea eftir
tvo tapleiki í röð. Þegar illa gengur
hjá lærisveinum Arsene Wenger
fer umræðan um leikmannahóp
liðsins jafnan af stað og snýst hún
yfirleitt um að liðið skorti sterkari
leikmenn í nokkrar stöður.
Wenger gaf það út fyrir stórleik-
inn gegn Chelsea um liðna helgi að
N‘Golo Kante, leikmaður Chelsea
og fyrrverandi leikmaður Leicest-
er, hafi verið einn þeirra leikmanna
sem liðið skoðaði í sumar en af ein-
hverjum ástæðum tókst ekki að
klófesta. Svo fór að Chelsea samdi
við þennan magnaða Frakka sem
hefur verið einn besti leikmaður
deildarinnar í vetur.
Þeir eru fleiri leikmennirnir
sem Arsene Wenger hefur
skoðað og jafnvel getað keypt.
FourFour Two-tímaritið gerði á
dögunum skemmtilega úttekt um
leikmennina sem Arsene Wenger
keypti næstum því. Þó að erfitt sé
að fullyrða þar um er ómögulegt að
útiloka að titlasafnið væri stærra ef
einhverra þessara leikmanna hefði
notið við á undanförnum árum. n
Einar Þór Sigurðsson
einar@dv.is 1 Paul Pogba Arsene Wenger
hefur áður gefið það út að félagið hafi reynt að
fá Paul Pogba til liðsins þegar hann ákvað
að fara frá Manchester United sumarið
2012. „Hlutirnir gerðust hratt. Við
höfðum áhuga á honum og reynd-
um að fá hann til að koma til
okkar en Juventus var fljótt að
semja við hann,“ sagði Wen-
ger árið 2014. Paul Pogba er
í dag dýrasti knattspyrn-
umaður heims eftir að
hafa verið keyptur á
89 milljónir punda til
Manchester United
frá Juventus í sumar.
4 Zlatan
Ibrahimovic Saga um
að Zlatan hefði hafnað því að koma til
reynslu hjá Arsenal, meðan hann var
enn leikmaður Malmö í Svíþjóð, á þeim
forsendum að hann væri of góður til að
fara á reynslu er ekki alveg sannleikan-
um samkvæm. Arsenal vildi semja við
Zlatan á sínum tíma og vildi fá hann
á reynslu. En Hasse Borg, yfirmaður
knattspyrnumála hjá Malmö, ráðlagði
Zlatan að sleppa því að fara á reynslu
og kom þeim skilaboðum áleiðis til
Wengers að annaðhvort vildi hann leik-
manninn eða ekki. Zlatan var að lokum
seldur til Ajax í Hollandi og söguna eftir
það þekkja flestir.
2 Yaya Toure Það eru tæp tólf ár síðan Patrick Vieira kvaddi Arsenal
og á þeim tíma sem liðinn er hefur félaginu ekki enn tekist að fylla skarð hans almennilega.
Yaya Toure var nálægt því að ganga til liðs við Arsenal árið 2003. Á þeim tíma var Toure
leikmaður Beveren í Belgíu og kom hann á reynslu til Arsenal þar sem hann heillaði þjálf-
arateymið. Vandamál sem tengdust vegabréfi Toure komu í veg fyrir að hann gæti samið
við Arsenal og svo fór að hann samdi við Metalurh Donetsk í Úkraínu. Þaðan lá leiðin til
Olympiacos, Monaco, Barcelona og loks Manchester City.
3 Luis
Suarez
Arsenal hafði
mikinn áhuga á
að fá Luis Suarez frá
Liverpool sumarið 2013.
Forsvarsmenn Arsenal töldu sig hafa
virkjað klásúlu í samningi Úrúgvæans
þegar þeir buðu 40 milljónir og einu
pundi betur í leikmanninn. Liverpool-
menn voru síður en svo hrifnir af
vinnubrögðum Arsenal og svo fór að
lokum að Suarez var seldur til Barcelona
þar sem hann skorar og skorar. Liverpool
hefði vafalítið samþykkt almennilegt
tilboð frá Arsenal í Suarez, hefði Suarez
á annað borð viljað fara til félagsins.
5 Gianluigi Buffon Buffon er
langbesti markvörður sinnar kynslóðar og líklega einn
besti markvörður knattspyrnusögunnar. Þegar Buffon
var enn leikmaður Parma snæddi hann kvöldverð með
Wenger sem hafði mikinn áhuga á að fá hann í sínar raðir.
Þetta var á þeim tíma þegar David Seaman stóð enn milli
stanganna hjá liðinu og var Wenger í leit að arftaka hans.
En Wenger var of seinn því Juventus keypti Buffon árið 2001 og
gerði hann um leið að dýrasta markmanni sögunnar – sem er met sem stendur enn. Það
reyndust kostakjör enda er Buffon enn í fullu fjöri hjá Juventus, sextán árum síðar.
6 Joe Hart Joe Hart er ekki
jafn góður og Buffon en þó býsna öflugur.
Hart vakti athygli Wengers þegar hann lék
sem lánsmaður hjá Birmingham árið 2009
og hreifst Wenger af töktum hans í markinu.
Hart átti síðar eftir að verða markmaður
númer eitt hjá Englandi. Ljóst er að City
hefði selt Hart á þessum tíma hefði nógu
gott tilboð borist. En aldrei kom tilboðið frá
Arsenal og þess í stað notaði Wenger ýmsa
misgóða markmenn þar til Petr Cech kom
sumarið 2015.
7 Dimitri Payet Payet breyttist úr hetju
í skúrk hjá stuðningsmönnum West Ham í janúar þegar hann
vildi yfirgefa félagið. Arsene Wenger viðurkenndi ekki
alls fyrir löngu að Arsenal hefði margoft skoðað Payet
meðan hann lék í franska boltanum. Wenger hreifst
af hæfileikum hans og það ekki að ástæðulausu.
Mögulega gerði Wenger vel í að kaupa ekki Payet
miðað við framkomu hans í garð West Ham í janúar.
8 Cristiano Ronaldo Wenger hefur látið hafa eftir sér að hans
mesta eftirsjá sé að hafa ekki náð að klófesta Cristiano Ronaldo þegar hann var enn leik-
maður Sporting í Portúgal. Ronaldo var boðið í heimsókn til Arsenal. „Ég sýndi honum svæð-
ið og gaf honum treyju sem var með nafninu hans aftan á,“ sagði Wenger árið 2008. „En
þegar á hólminn var komið var þetta spurning um kaupverð.“ Ronaldo samdi við Manchester
United árið 2003 og varð dýrasti leikmaður heims árið 2009 þegar Real Madrid keypti hann.
Ronaldo er að flestra mati í hópi bestu knattspyrnumanna sögunnar.
10 Didier Drogba Drogba skoraði eiginlega alltaf gegn Arsenal þegar
hann spilaði með Chelsea. Fimmtán mörk í sextán leikjum segja allt sem segja þarf í þeim
efnum. En Wenger vissi af Drogba þegar hann var enn leikmaður Le Mans í næstefstu deild
Frakklands. Á þeim tíma var Drogba ekki sú stjarna sem hann átti eftir að verða og skoraði
tiltölulega lítið. En hlutirnir eru fljótir að breytast. Árið 2002 lá leiðin til Guingamp, 2003 til
Marseille og 2004 til Chelsea. „Ég vissi að hann væri góður leikmaður en ég missti af hon-
um,“ sagði Wenger á sínum tíma. Drogba skoraði 157 mörk í 341 leik fyrir Chelsea.
9 Lionel Messi
Arsenal hefur gert vel í að klófesta unga
og efnilega leikmenn. Cesc Fabregas
er gott dæmi um slíkan leikmann en
hann var ungur þegar hann yfirgaf
Barcelona og samdi við Arsenal. Litlu
munaði að tveir leikmenn til viðbótar
fylgdu Fabregas; Gerard Pique og Lionel
Messi. Marca greindi frá þessu á sínum
tíma og síðar sagði Guilem Balague,
íþróttafréttamaður Sky Sports á Spáni,
að Messi hefði ákveðið að vera um kyrrt
í Barcelona þar sem Arsenal sýndi lítinn
vilja við að finna íbúð fyrir fjölskyldu
hans í London.