Dagblaðið Vísir - DV - 10.02.2017, Blaðsíða 41

Helgarblað 10.–13. febrúar 2017 Heilsa 33
Hvað er svona
merkilegt við
það að vera
karlmaður?
Þ
að er ekki alltaf auðvelt að
vera karlmaður og af ein-
hverjum ástæðum eiga
margir karlmenn erfitt með
að fóta sig í samfélagi dags-
ins öfugt við það sem ýmsir halda.
Þessir erfiðleikar birtast í mörgum
myndum. Við sjáum þá strax skjóta
upp kollinum í barnaskólanum þar
sem drengir eru líklegri til þess að
lenda upp á kant við kerfið en stúlk-
ur. Drengir fá reyndar oft mun meiri
athygli í skólakerfinu en stúlkurnar,
en sú athygli er gjarnan af nei-
kvæðum toga. Kannski eiga margir
drengir svona erfitt með að finna sig
í skólanum vegna þess að þá skortir
þar fyrirmyndir. Langflestir kennar-
ar eru konur og skólinn hlýtur þar
af leiðandi að mótast mikið af hugs-
unarhætti kvenna. Það er allt gott um
þann hugsunarhátt að segja í sjálfu
sér, en eins og dæmin sýna þá pass-
ar hann ekki alltaf fyrir drengi sem
verða gjarnan að hálfgerðum vand-
ræðagemsum í skólanum, eingöngu
vegna þess að þeir fá ekki að vera
strákar í friði.
Karlmenn í meirihluta …
Þessi vandræðagangur heldur áfram
þegar strákarnir stækka. Flestir ungir
ökumenn sem lenda í árekstrum og
slysum eru karlmenn. Efalaust eru
ástæðurnar margar, en oft er hægt að
kenna um töffaraskap og því að hinn
ungi ökumaður vill ekki „missa and-
litið” frammi fyrir félögunum sem
mana hann til að gefa allt í botn. Og
það er ekki bara í hárri slysatíðni sem
karlmenn toppa konur. Í fangelsum
landsins eru karlmenn í miklum
meirihluta og hið sama má segja um
þau sem leita sér hjálpar vegna mis-
notkunar áfengis og fíkniefna. Þar
hafa karlmenn aftur forystuna.
… eða hvað?
En þegar komið er að langskóla-
námi, þá eru það stelpurnar sem
skjóta strákunum ref fyrir rass. Í
flestum deildum Háskóla Íslands
svo dæmi sé tekið, eru það kon-
ur sem eru í meirihluta. Ætli strák-
arnir hætti ekki fyrr í námi til þess
að drífa sig út á vinnumarkaðinn?
Nú er enginn maður með mönnum
nema hann græði peninga og það
sem mesta. Það þarf að ganga hratt
fyrir sig og bókvitið verður ekki í ask-
ana látið eins og Íslendingar hafa
vitað frá fornu fari. Sóknin í gróð-
ann skiptir í dag öllu, þótt hún kosti
langan vinnudag fjarri fjölskyldu,
stress og þreytu. Ekki minnkar álag-
ið ef illa gengur. Eitthvað verður und-
an að láta og oft endar þetta ástand
með upplausn fjölskyldunnar, óhóf-
legri áfengisneyslu, depurð og von-
leysi. Að undanförnu hafa verið að
birtast sorglegar tölur sem sýna að
þeim karlmönnum fer fjölgandi sem
á miðjum aldri sjá ekki lengur til-
ganginn með tilverunni og kjósa því
að svipta sig lífinu. Ástæðurnar geta
verið margar og erfitt að vita hvað
veldur því að ungir og hraustir karl-
menn grípa til slíkra örþrifaráða. Þar
er þunglyndi oftar en ekki undir-
rótin, þunglyndi sem svo aftur á sér
líkar orsakir.
Brotna undan kröfum
Já, það er oft erfitt að vera karlmað-
ur og kannski hefur það sjaldan verið
eins erfitt og á okkar tímum. Þar með
er ekki verið að gera lítið úr jafnréttis-
baráttu kynjanna. Konur eru vissu-
lega enn í minnihluta í stjórnunar-
stöðum í þjóðfélaginu, eiga undir
högg að sækja gagnvart karlaveldinu
og eru á lægri launum en karlmenn.
Þessu þarf að breyta. En það þjóðfé-
lag gróðahyggju og markaðsdýrkun-
ar sem við höfum komið okkur á fót
fer ekki síður illa með karlmennina,
eins og dæmin hér að framan sanna.
Það eru sífellt fleiri karlmenn sem
brotna undan kröfum samfélagsins,
brotna undan vinnuálagi og stressi,
brotna undan ímynd sem enginn
í raun ætti að þurfa að rísa undir.
Og þegar það gerist eiga karlmenn
í fá hús að venda, öfugt við konurn-
ar sem eru vanari að tala saman um
vandamál sín og áhyggjur. Til þess
að snúa þessari þróun við er ekki
nóg að skrifa út fleiri lyfseðla á þung-
lyndis- og geðlyf. Það þarf hugarfars-
breytingu í þjóðfélaginu. Og það fyrr
en seinna. n
doktor.is
www.avaxtabillinn.is
avaxtabillinn@avaxtabillinn.is • 517 0110
ÁVAXTA-
LUNDUR
Gómsætir veislubakkar, sem lífga upp á öll
tilefni. Er kannski heilsuátak framundan?
Ávextir í áskrift
kosta um 550 kr.
á mann á viku
og fyrirhöfn
fyrirtækisins
er engin.
Við komum með ávexti
og þið uppskerið
hressara starfsfólk
Áhrif ávaxtakörfunnar eru göldrótt
á sálarlíf og heilsufar starfsfólks.
Fyrir óverulega upphæð er því hægt að hafa
afar góð áhrif á mannskapinn.
Fyrir nokkru tók Múlalundur við pökkun Ávaxtabílsins á sendingum ávaxta til fyrirtækja.
Hefur það samstarf gengið prýðilega, enda vel vandað til verka hjá Múlalundi hvert sem verkefnið er.