Dagblaðið Vísir - DV - 14.02.2017, Blaðsíða 13
Vikublað 14.–16. febrúar 2017 Fréttir 13
Atvinna í boði á einum
skemmtilegasta
vinnustað landsins
Á markaðsdeild DV er í
boði starf fyrir góðan og
harðduglegan starfsmann.
Hæfniskröfur: Viðkomandi þarf að vera
skemmtilegur, jákvæður, harðduglegur,
samviskusamur, heiðarlegur, ábyrgur,
úrlausnamiðaður, hafa áhuga á
sölumennsku og markaðsmálum.
Laun eru árangurstengd. Góð laun í boði
fyrir góðan og duglegan sölumann.
Umsóknir sendist á steinn@dv.is
Gleraugnaverslunin Eyesland hefur opnað nýja og glæsilega verslun
á Grandagarði 13. Mikið úrval af gæðagleraugum á góðu verði
– og þú færð frábæra þjónustu.
Verið velkomin!
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Cocoa Mint sólgleraugu
kr. 12.900,-
Sjáðu muninn?
Halldór Halldórsson, oddviti Sjálfstæðisflokksins í
borgarstjórn, gefur lítið fyrir umræddar framkvæmdir
og áætlanir í stóra samhenginu. „Ég er ekkert að efast
um að þetta og hitt er í pípunum og búið að gefa út
þessi og hin byggingarleyfi en þegar maður skoðar raun-
veruleikann er hann sá að frá árinu 2010 til loka árs 2015
eru það aðeins 1.557 íbúðir sem voru fullkláraðar í
Reykjavík. Samkvæmt aðalskipulagi ætti
hins vegar að fullklára 700 íbúðir á ári,
og raunar erum við sammála um
það í meirihluta og minnihluta
að það þurfi að hækka þá tölu í
1.000 á ári. Fólk flytur ekki inn í
áætlanir.“
Halldór bendir á að mörg
þeirra uppbyggingarverkefna
sem nú sé stefnt að hafi verið
lengi í pípunum. Sökum þess
hversu hægt uppbygging gengur sé því þörf á að fjölga lóðum
sem í boði séu. Á borgarstjórnarfundi 7. febrúar síðastliðinn
lögðu borgarfulltrúar Sjálfstæðisflokksins fram tillögu um að
fjölgað verði lóðum til uppbyggingar á íbúðum í Úlfarsárdal.
Tillögunni var vísað til borgarráðs til meðferðar. Í umræðum
um tillöguna sagði Halldór að meirihlutinn keyrði áfram
„lóðaskortsstefnu“.
Halldór segir að sökum skorts á íbúðum hafi verð á
markaði hækkað verulega, um 42 prósent á stuttum tíma, og
samkvæmt spám Arion banka muni verð hækka enn um 30
prósent á næstu tveimur árum. „Það sem borgin getur gert til
að sporna við þessu er að úthluta fleiri lóðum til að hægt sé að
byggja fleiri íbúðir.“
Halldór bendir á að í upphafi kjörtímabils hafi verið um
400 manns á biðlista vegna félagslegs húsnæðis en séu nú
um 1.000 talsins. Stefnan hafi verið að fjölga félagslegum
íbúðum um 100 á ári en það hafi ekki gengið eftir. „Frá árinu
2010 hefur þeim aðeins fjölgað um 200 íbúðir.“
800 leigu- og búsetu-
réttaríbúðir í byggingu
Á árunum 2014 til 2016 hófst uppbygging á um 800 leigu- og búseturéttaríbúðum. Um
eftirfarandi framkvæmdir er að ræða:
n Einholt-Þverholt: 203 búseturéttaríbúðir. Fullgerðar/fokheldar
n Ásholtsreitur: 103 stúdentaíbúðir. Fullgerðar
n Bílanaustsreitur: 44 íbúðir fyrir eldri borgara. Fullgerðar/fokheldar
n Bryggjuhverfi, Úlfarsárdalur, Eddufell, Stakkholt o.fl: 360 almennar leiguíbúðir.
Fullgerðar/fokheldar/í smíðum
n Reynisvatnsás: 18 búseturéttaríbúðir. Á byrjunarstigi
n Mörkin: 70 íbúðir fyrir eldri borgara. Á byrjunarstigi
1.600 byggingarleyfi gefin út
Á árunum 2014 til 2016 hófst uppbygging um 1.250 eigna- eða söluíbúða. Auk þess
voru gefin út um 350 byggingaleyfi til viðbótar sem ekki hafa enn verið virkjuð. Um
eftirfarandi framkvæmdir er að ræða:
n Lýsisreitur: 142 íbúðir. Í smíðum/fokheldar
n Skuggi: 35 íbúðir. Fullgerðar
n Stakkholt: 116 íbúðir. Fullgerðar
n Hljómalindarreitur: 35 íbúðir. Fokheldar/fullgerðar
n Seljavegur: 10 íbúðir. Í smíðum
n Reynisvatnsás: Um 20 íbúðir. Í smíðum/fokheldar/fullgerðar
n Úlfarsárdalur: Um 150 íbúðir. Í smíðum/fokheldar/fullgerðar
n Frakkastígsreitur: 68 íbúðir. Í smíðum
n Höfðatorg: 90 íbúðir. Í smíðum
n Hlíðarendi: 174 íbúðir. Framkvæmdir á byrjunarstigi
n Tryggvagata 13: 40 íbúðir. Fokheldar
n RÚV-reitur: 64 íbúðir. Framkvæmdir á byrjunarstigi/í smíðum
n Önnur svæði: 300 íbúðir. Í smíðum/fokheldar/fullgerðar
Gætu hafið uppbyggingu
á allt að 2.500 íbúðum
Á þessu ári er gert ráð fyrir að uppbygging hefjist á um 1.300 íbúðum í borginni.
Gangi hins vegar áætlanir eftir gætu þær orðið mun fleiri en það, miðað við áform
og byggingarleyfi. Gangi allar áætlanir eftir gæti hafist uppbygging á allt að 2.500
íbúðum auk þess sem mögulegt er að óvirkjuð byggingaleyfi frá fyrri árum bætist við.
Bæði er um leigu- og búseturéttaríbúðir að ræða, sem og eigna- og söluíbúðir. Um
eftirfarandi framkvæmdir er að ræða:
n Vesturbugt: 176 íbúðir
n Baróns- og Laugavegsreitir: 100 íbúðir
n Spöngin: 120 íbúðir
n Félagsstofnun, Vísindagarðar: 210 íbúðir
n HR stúdentaíbúðir: 112 íbúðir
n KHÍ-reitur: 150 íbúðir
n Úlfarsárdalur: 120 íbúðir
n Nauthólsvegur 79: 40 íbúðir
n RÚV-reitur: 296 íbúðir
n Kirkjusandur: 300 íbúðir (ca 150 á þessu ári)
n Vogabyggð: 660 íbúðir (fjöldi íbúða í fyrsta áfanga, heildin er um 1.300 íbúðir)
n Keilugrandi (Búseti): 78
n Árskógar (Búseti): 72
n Skógarvegur (Búseti): 20
n Hlíðarendi: 150
„Fólk flytur ekki inn í áætlanir“
Oddviti sjálfstæðismanna gefur lítið fyrir áætlanir í stóra samhenginu
Að hefjast Uppbygging
á Ríkisútvarpsreitnum er
að hefjast. MyNd SigTRygguR ARi
Mikil uppbygging framundan
Mikil uppbygging er framundan á
Hlíðarendasvæðinu. MyNd SigTRygguR ARi