Dagblaðið Vísir - DV - 14.02.2017, Page 32

Vikublað 14.–16. febrúar 201728 Menning
H
in goðsagnakennda hip-
hopsveit De La Soul er
ein fjölmargra sveita sem
koma fram á tónlistarhá-
tíðinni Sónar Reykjavík um
helgina. Það hafa þó eflaust nokkrir
væntanlegir hátíðargestir komist að
því að það er ómögulegt að undir-
búa sig fyrir tónleikana með því að
hlusta á gamlar plötur sveitarinnar
á Spotify eða öðrum löglegum tón-
listarveitum á netinu.
De La Soul sem var ein vin-
sælasta rappsveit heims frá 1989
og fram eftir tíunda áratugnum get-
ur ekki sett tónlist sína frá þessum
árum inn á streymisveitur á netinu
vegna mikils magns „sampla“ í tón-
listinni. Taktarnir undir rappinu eru
nánast eins og bútasaumur úr stutt-
um brotum úr öðrum
lögum, allt frá James
Brown og Michael
Jackson til Smokey
Robinson, Steely Dan
og Johnny Cash.
Þegar plöturnar 3
Feet High and Rising
(1989) og De La Soul
is Dead (1991) komu
út samdi hljómsveitin um leyfi til
að nota flesta lagabútana til útgáfu
á vínyl og segulbandi. Orðalagið var
hins vegar ekki nægilega opið til að
leyfið næði yfir útgáfu á öðrum og
nýrri útgáfuformum.
Til að geta gefið efnið út á netinu
hefur því þurft að semja að nýju
við alla höfundarrétthafa „sömpl-
uðu“ tónlistarinnar – en það hef-
ur tekið hátt í áratug og ekki enn
borið árangur. Rapparinn Kelvin
Mercer, sem er betur þekktur sem
Posdonuos, hélt
því fram í viðtali
við BBC í fyrra
að Times Warn-
er, eigandi upp-
runalegu upptaka
De La Soul, telji
ágóðann verða of
lítinn miðað við
vinnuna sem færi
í verkefnið og því dregið lappirnar
í málinu.
Hann sagði það sérstaklega pirr-
andi að ungt fólk sem hefði upp-
götvað sveitina í seinni tíð gæti að-
eins nálgast plöturnar ólöglega og
ekki stutt við eða fjárfest í hljóm-
sveitinni. Eins og staðan er núna er
það því aðeins nýjasta plata De La
Soul and the Anonymous Nobody
sem kom út í fyrra sem hægt er að
nálgast löglega á tónlistarveitum á
netinu. n
Ómögulegt að rifja
upp gömlu plöturnar
löglega á netinu
De La Soul spila á Sónar um helgina
Kristján Guðjónsson
kristjan@dv.is A
dele hlaut flest verðlaun
allra á 59. Grammy-tón-
listarverðlaunahátíðinni
sem fór fram í Los Ang-
eles á sunnudagskvöld.
Verðlaunin eru veitt í yfir 80 flokk-
um en Adele var atkvæðamest
og hlaut fimm verðlaun, með-
al annars fyrir besta lag og bestu
smáskífu ársins, Hello og bestu
breiðskífuna, 25.
Þegar Adele tók við verð-
laununum sagði hún þó að stalla
hennar, Beyoncé, ætti verð-
launin frekar skilin fyrir plötuna
Lemonade sem kom út fyrr á
þessu ári. „Ég get ómögulega
tekið við þessum verðlaunum,“
sagði Adele. „Ég er upp með mér
og mjög þakklát, en Beyoncé er
líf mitt,“ sagði hún.
Beyoncé hlaut tvenn verð-
laun, fyrir besta tónlistarmynd-
bandið og bestu plötuna í flokkn-
um borgartónlist samtímans (e.
Urban contemporary music). Þrátt
fyrir að vera ólétt að tvíburum kom
hún einnig fram á hátíðinni og söng
tveggja laga syrpu og var með atriði
uppfullt af trúarlegu myndmáli og
upphafningu á móðurhlutverkinu.
Önnur atriði sem vöktu sérstaka
athygli voru flutningur rappsveitar-
innar A tribe called quest á laginu
„We the people“ en lagið er bein-
skeytt ádeila á stefnu Bandaríkj-
anna í innflytjendamálum um
þessa mundir, en málefnið stendur
meðlimunum nærri enda eru þeir
múslimar, og samstarf Lady Gaga og
Metallica sem fluttu lagið „Moth of
Flame“ af nýjustu plötu þungarokk-
hljómsveitarinnar. Það gekk þó ekki
áfallalaust fyrir sig því hljóðnemi
söngvarans James Hetfeld nam ekki
neitt hljóð og varð atriðið því allt hið
vandræðalegasta.
David Bowie hlaut fern verðlaun
fyrir síðustu plötu sína Blackstar og
Chance, the Rapper, hlaut þrenn
verðlaun meðal annars sem besti
nýliðinn og fyrir bestu rappplötuna.
Djassgítarleikarinn John Scofield fékk
tvenn verðlaun, eins og saxófónleik-
arinn Ted Nash, rapparinn Drake,
trúarsöngkonan Hillary Scott og fleiri.
Einn Íslendingur á hlut í einum
verðlaunagripnum í ár, en Kristinn
Sigmundsson tók þátt í uppsetningu
Los Angeles-óperunnar á Draug-
unum í Versölum (e. The Ghosts of
Versailles) eftir John Coigliano. Upp-
taka af flutningnum var valin besta
óperuupptaka ársins og hlaut enn
fremur verðlaun fyrir bestu upp-
tökustjórn á plötu í flokki sígildrar
tónlistar.
Einnig vakti athygli að poppsöng-
konan Rihanna sem hafði fengið
næstflestar tilnefningar á eftir Beyoncé,
eða átta talsins, fór tómhent heim. Hún
lét það hins vegar ekki á sig fá, sötraði
reglulega úr demantaskreyttum áfeng-
ispela í sæti sínu og virtist skemmta sér
konunglega. n
„Get ómögulega
tekið við þessu“
Adele hlaut fimm Grammy-verðlaun en
taldi Beyoncé frekar eiga þau skilin
Fékk sér smá
Rihanna fékk engin
verðlaun en fékk
sér nokkra sopa úr
demantaskreyttum
áfengispela meðan
á hátíðinni stóð.
Kristinn vann Kristinn Sigmundsson tók
þátt í uppsetningu Los Angeles-óperunnar á
Draugunum í Versölum, en upptaka af flutn-
ingnum var valin sú besta í óperuflokkinum.
Guðsmóðir Beyoncé kom fram á hátíðinni og var atriðið uppfullt af sjónrænum tilvitnun-um í myndmál ólíkra trúarbragða, meðal
annars birtist poppsöngkonan sem afríska gyðjan Mama Wata, indverska gyðjan Kali og guðsmóðirin María mey.
Fimm
verðlaun
Adele hlaut
flest verð-
laun allra á
59. Grammy-
verðlauna-
hátíðinni
um helgina.
MynD EPA
Retor Fræðsla - Hlíðasmára 8, Kópavogi - Sími: 519 4800 - www.retor.is
„Gerum íslensku
að leiðandi
tungumáli á
vinnustöðum”
Aneta Matuszewska
Skólastjóri og eigandi
Retor Fræðslu
Hafið samband í
síma 519 4800 eða
á retor@retor.is