Dagblaðið Vísir - DV - 14.02.2017, Qupperneq 28

Vikublað 14.–16. febrúar 201724 Lífsstíll
F
lest okkar eyða drjúgum
hluta ævinnar í vinnunni og
því skiptir það miklu máli að
vinnuveitendur okkar skapi
okkur gott vinnuumhverfi
svo okkur líði vel í vinnunni. Mörg
fyrirtæki kappkosta að gera þetta og
fá á móti ánægt starfsfólk sem er til­
búið að leggja mikið á sig. Góð laun
eru aðeins einn þáttur en mörg fyrir­
tæki bjóða starfsmönnum sínum
ýmiss konar kaupauka, sem ekki er
inni í hinum hefðbundnu launum.
Business Insider tók saman nokkur
athyglisverð dæmi sem má sjá hér.
Ekki er þó um tæmandi upplýsingar
að ræða og aðeins stiklað á stóru um
helstu atriðin.
Í könnun sem ráðningarskrif­
stofan Glassdoor framkvæmdi ekki
alls fyrir löngu sögðust 57 prósent
þeirra sem voru í atvinnuleit horfa
til kaupauka fyrirtækja þegar þeir
ákveða hvort þeir þiggi starf eða ekki.
Með kaupauka er átt við ýmislegt
sem starfsmenn þurfa ekki að bera
kostnað af; allt frá mat í vinnunni til
ókeypis húsnæðis.
Í þessari sömu könnun sögðust
80 prósent svarenda frekar vilja
kaupauka en launahækkun. Á
undanförnum árum hefur það
færst í vöxt að fyrirtæki bjóði starfs­
fólki ýmis legt aukreitis við hin hefð­
bundnu laun. Það er ekki að ástæðu­
lausu því ljóst er að mikið er undir
hjá fyrirtækjum. Hæfasta starfsfólk­
ið leitar þangað sem kjörin eru best.
„Kaupaukar og ýmsar viðbætur
við laun skipta miklu máli. Þeir sem
eru í atvinnuleit ættu að hafa þetta
í huga,“ segir Scott Dobroski, sér­
fræðingur hjá Glassdoor, í samtali
við Business Insider. n
einar@dv.is
Launin segja ekki
alltaf alla söguna
Fyrirtæki leggja meiri áherslu á að bjóða starfsfólki upp á ýmiss konar kaupauka
Nemar fá
ókeypis húsnæði
Starfsnemum hjá Facebook stendur til
boða ókeypis húsnæði meðan á reynslu-
tímanum stendur. Þeir sem kjósa heldur
að búa annars staðar geta fengið þúsund
Bandaríkjadali í framfærslustyrk, rúmar
100 þúsund krónur, ofan á þau laun sem
þeir fá. Starfsmenn fá einnig ókeypis mat í
vinnunni, fjögurra mánaða fæðingarorlof á
fullum launum og góðar tryggingar.
5 mánaða launað orlof
Starfsfólk American Express fær fimm
mánaða fæðingarorlof á fullum launum
eftir að það eignast
barn. Þetta á bæði
við um feður og
mæður. Þessu til
viðbótar hefur
starfsfólk aðgang
að brjóstagjafarráð-
gjafa allan sólar-
hringinn auk þess
sem mæður, sem
þurfa að ferðast mikið vegna vinnu sinnar,
geta sent brjóstamjólk með hraðpósti hvert
á land sem er, endurgjaldslaust.
Fríir hamborgarar
In-N-Out Burger er bandarísk skyndibita-
keðja sem rekur yfir 300 útibú víða um
Bandaríkin. Starfsfólk borðar frítt á staðn-
um en ekki er mælt með því að hver og einn
borði meira en einn tvöfaldan hamborgara
með frönskum á degi hverjum.
Styrkur eftir andlát
Google er býsna
eftirsóttur vinnu-
staður og það ekki
að ástæðulausu.
Aðstandendum
þeirra starfs-
manna sem falla
frá eru tryggðar greiðslur í áratug eftir
fráfall viðkomandi. Maki fær 50 prósent af
launum viðkomandi starfsmanns í tíu ár
eftir andlát hans. Þá fá starfsmenn frían
hádegis- og kvöldverð og geta látið þvo
bílinn sinn frítt.
Eins árs orlof
á fullum launum
Streymisveitan Netflix býður starfsfólki
sínu eins árs fæðingarorlof á fullum laun-
um. Þetta á bæði við um feður og mæður.
Láta gott af sér leiða
Tæknifyrirtæk-
ið Salesforce
í Kaliforníu í
Bandaríkjunum
gefur starfsmönn-
um sínum launað
leyfi sex daga á
ári til að sinna
sjálfboðastörfum.
Þá fá þeir þúsund dollara á ári sem þeir geta
ráðstafað til þeirra góðgerðarmála sem
þeir vilja.
Geta gist hvar sem er
Airbnb hefur notið vaxandi vinsælda á
undanförnum árum. Fyrirtækið, sem er
með höfuðstöðvar sínar í San Francisco í
Kaliforníu, gefur starfsmönnum sínum tvö
þúsund Bandaríkjadali, tæpar 230 þúsund
krónur, á hverju ári sem þeir geta notað til
að gista á einhverjum af þúsundum gisti-
staða sem fyrirtækið býður upp á.
Loka tvær vikur á ári
Fyrirtækið Adobe,
sem framleiðir og
þróar ýmsan hugbúnað
í tölvur, lokar í einu viku
í desember ár hvert og
eina viku yfir sumartí-
mann. Þetta er gert svo
allir starfsmenn geti átt
þess kost að hugsa um
allt annað en vinnuna tvær vikur á ári.
Tannlæknir og
bílaþvottur
Líftæknifyrirtækið Genentech býður
starfsfólki sínu upp á alls konar þjónustu.
Þannig getur fólk látið þvo bílinn sinn
frítt, farið í klippingu frítt og notið ókeypis
tannlæknaþjónustu. Þá býður fyrirtækið
upp á daggæslu fyrir börn starfsmanna ef
þeir lenda í vandræðum með pössun.
Þrjár ókeypis
máltíðir á dag
Starfsfólki Twitter
stendur ýmislegt
til boða. Þannig
fá þeir sem vinna
langa vinnudaga
þrjár ókeypis
máltíðir á dag. Þá
geta starfsmenn
sótt ýmiss konar
endurmenntunarnám-
skeið endurgjaldslaust að sjálfsögðu.
Starfsfólk Facebook
Nýtur ýmissa viðbótarkjara.
Starfsnemar fá ókeypis hús-
næði meðan á reynslutíma
stendur. Mynd EPA
PLUSMINUS OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
plusminus.is • sími: 517 0317
Hágæða
sjóngler
frá nOVa
TIlBOð Margskipt sjóngler frá 49.900 kr.