Dagblaðið Vísir - DV - 07.04.2017, Page 2

Helgarblað 7.–10. apríl 20172 Fréttir
Á
rlega framleiða íslenskar sæl­
gætisgerðir mörg tonn af
páskaeggjum í ótal stærðum
og gerðum í von um að hafa
fundið blönduna sem freistar
Íslendinga nóg til að veðja á þeirra
framleiðslu. Nú þegar páskaeggjaver­
tíðin stendur sem hæst í aðdraganda
páskanna eru verslanir smekkfullar
upp í rjáfur með stæðum af súkkulað­
ipáskaeggjum sem að sjálfsögðu
eru ómissandi liður í páska­
hátíðinni
jafnt hjá ungum sem öldnum.
En skiljanlega seljast ekki öll þessi
ósköp af nammifylltum súkkulaði­
eggjum fyrir páskana. Hver verða
þá örlög þeirra eggja sem eftir sitja í
hillunum? DV leitaði svara við þeirri
spurningu hjá sælgætisframleið­
endunum þremur, Góu, Nóa
Síríus og Freyju. Allir eiga
framleiðendurnir það sam­
eiginlegt að gera vel ígrund­
aðar framleiðsluáætlanir sem
miða að
því að
hámarka
nýtingu
og lágmarka
förgun. Ljóst
er hins vegar að
ruslagámur­
inn bíður
margra
óseldra
eggja, þótt
undantekn­
ingar séu
þar á.
Reynt að endurnýta
Hjá Freyju fengust þau
svör að allt sem hægt er að
endurnýta sé endurnýtt.
„Öðru sem ekki er hægt að endur­
nýta er fleygt. Af umhverfissjónar­
miðum og til að minnka matarsóun
reynum við að henda sem minnstu
en af hreinlætis og gæðasjónarmið­
um neyðumst við til að henda öðru.
Framleiðsluáætlanir eru vel ígrund­
aðar og ávallt hugsaðar þannig að
rýrnun og förgun sé í algjöru lág­
marki.“ Verkefnið er augljóslega ærið
enda fengust þær upplýsingar að ef
með eru talin litlu páskaeggin í ál­
pappírnum þá framleiði fyrirtækið
hundruð þúsunda páskaeggja fyrir
þessa páska.
Reyna að gefa til góðra
málefna
Nói Síríus notar spá­ og
áætlanakerfi til að áætla
sölu sína niður á hverja
verslun auk þess sem
sölustjórar fyrirtækisins
fylgjast grannt með stöðunni,
að því er fram kemur í svari fyrir­
tækisins.
„Mark­
mið okkar er að allar
verslanir fái nægt magn til að
fullnægja söluþörf án þess að hafa
of mikið á lager.“ Þetta lágmarki það
magn sem verði eftir í verslunum að
loknum páskum og í flestum tilfellum
taki Nói Síríus óseld egg til baka. En
litið sé svo á að endurvinnsla sé ekki
möguleiki.
„Það liggur í hlutarins eðli að
endurvinnsla er hvorki möguleg né
hagkvæm. Varðandi magnið [sem
ekki selst] þá er það breytilegt frá ári
til árs en það er lítið hlutfall af því
magni sem við seljum. Þar sem við
viljum forðast matarsóun þá reyn­
um við að selja eða gefa til góðra mál­
efna það sem út af stendur frekar en
að henda því í ruslið. Við þurfum því
miður að henda einhverju sem er þá
opið, rifið eða þess háttar en magnið
er óverulegt.“
Góa fargar engu
Þótt aðrir framleiðendur telji endur­
vinnslu ekki mögulega þá vekur
athygli að annað er uppi á teningnum
hjá Góu. Þar fengust þau hnitmiðuðu
svör að fyrirtækið taki við öllum eggj­
unum sem ekki seljist í búðunum.
„Við endurvinnum þau – engu
fargað.“ nRéðst á
fyrrverandi
kærustu sína
Héraðsdómur Reykjavíkur
dæmdi í vikunni karlmann á
fimmtugsaldri í 90 daga fangelsi
fyrir líkamsárás og akstur undir
áhrifum fíkniefna. Maðurinn var
ákærður fyrir að hafa, þann 29.
nóvember síðastliðinn, ráðist á
fyrrverandi kærustu sína með of­
beldi.
Samkvæmt ákæru tók hann
hana hálstaki þannig að hún
missti andann og leið út af, sló
hana með krepptum hnefa í and­
litið, reif í hár hennar og kastaði
henni utan í vegg og spark­
aði í læri hennar. Konan hlaut
þónokkra áverka. Maðurinn var
einnig ákærður fyrir akstur undir
áhrifum fíkniefna og sviptur öku­
réttindum.
Hann mætti ekki við þing­
festingu málsins og var hann því
dæmdur samkvæmt ákæru. 60
dagar af fangelsisdómnum eru
skilorðsbundnir.
Fóru aukahring
um landið til að
sjá Dettifoss
Tveir bandarískir ferðamenn
komu örþreyttir að tjaldstæði á
Laugum í Þingeyjarsveit á mið­
vikudagskvöld. Það væri ekki frá­
sögu færandi nema fyrir þá stað­
reynd að mennirnir lögðu 1.300
kílómetra langa lykkju á leið sína
til þess að berja eitt helsta nátt­
úruundur svæðisins augum –
Dettifoss.
Greint var frá málinu á þing­
eyska fréttmiðlinum 641.is. Þar er
vísað í skemmtilega frásögn Að­
alsteins Más Þorsteinssonar, sem
rekur tjaldstæði Lífsmótunar að
Laugum.
„Í fyrradag [þriðjudag] komu
þeir að lokun á þjóðvegi 1 fyrir
austan enda var bálhvasst á
Möðrudalsöræfunum og skyggni
lítið sem ekkert. Þar sem ein rúta
hafði farið út af og tvær lent í
smá óhappi voru lokunarpóstar
mannaðir til þess að tryggja að
enginn héldi á öræfin,“ segir Að­
alsteinn.
Aðalsteinn segist ekki vita
hvaða upplýsingar ferðalangarn­
ir fengu um lengd þess tíma sem
lokunin stæði yfir. Ef þeir hafi
fengið einhverjar upplýsingar þá
hafi þær verið heldur ónákvæmar.
Í stað þess að bíða eftir að
veðrinu slotaði og þjóðvegur­
inn yrði opnaður aftur þá sneru
ferðalangarnir einfaldlega við
keyrðu „hina leiðina“ að Detti­
fossi. „Þessir tveir sem komu á
tjaldsvæðið í gærkveldi höfðu
brugðið á það ráð að keyra ein­
faldlega hringinn í kringum
landið og óku því u.þ.b. 1.300
km aukalega til að geta haldið
ferð sinni áfram og séð Detti­
foss. Aðspurðir voru þeir ánægðir
með að hafa séð fossinn en þeir
voru þreyttir, fóru snemma að
sofa í gærkveldi og sváfu lengi í
morgun,“ skrifar Aðalsteinn.
G
uðrún Jónsdóttir, talskona
Stígamóta, fagnar mjög af­
dráttarlausum svörum Þor­
steins Víglundssonar, fé­
lags­ og jafnréttismálaráðherra, um
þjóðarátak gegn nauðgunum og
kynferðisofbeldi. Guðrún kallaði
eftir slíku átaki í frétt DV síðastliðinn
þriðjudag þar sem lýsti því yfir að
nú væri nóg komið. Þorsteinn tók í
sömu frétt undir með Guðrúnu, og
sagðist tilbúinn að stíga fram og taka
forystu í þeim efnum.
„Ég var að lýsa því að það væri þörf
á þjóðarátaki, án þess að við hjá Stíga­
mótum eða ég persónulega myndi
leiða það. Ég fagna því þess vegna
mjög hvernig Þorsteinn tekur í þetta
og við viljum gjarnan eiga samstarf
við hann og aðra um slíkt átak,“ segir
Guðrún. Hún bætir því við að víð­
tækri samstöðu þurfi að ná um átak af
þessu tagi, á mörgum vígstöðvum og
með aðkomu margra aðila. „Ég fagna
því, eins og ég segi, viðbrögðum Þor­
steins og hlakka til að sjá hvernig
hann mun taka á þessu máli.“
Guðrún segir að Þorsteinn hafi
boðið henni á fund skömmu eftir
að hann settist í ráðherrastól. „Mér
þótti það vel gert, hann var augljós­
lega tilbúinn að hlusta á okkur. Síð­
an þá hef ég boðið honum til okkar í
heimsókn sem hann þáði. Það hefur
ekki enn orðið af þeirri heimsókn en
hún stendur fyrir dyrum á næstunni.
Þetta er væntanlega eitt af því sem
við munum ræða við hann þá, átak
sem þetta og aðkoma aðila að því.“
Hvað varðar viðbrögð hinna ráð­
herrana þriggja segir Guðrún að þau
séu ekki jafn afdráttarlaus og Þor­
steins en það sé þó hægt að greina
í þeim jákvæðar línur. Efndir þurfi
hins vegar að fylgja orðum. „Sýnið
mér fjármagnið og mannaflann og
þá skal ég klappa. Við fögnum því
alltaf þegar við náum eyrum fólks
og ráðamanna og það er tilbúið að
starfa með okkur.“ n
freyr@dv.is
Fagnar svörum ráðherra
Talskona Stígamóta vill eiga samstarf við félagsmálaráðherra um átak gegn nauðgunum
Þorsteinn til forystu Þorsteinn
Víglundsson, félags- og jafnréttismálaráð-
herra, er tilbúinn til forystu í þjóðarátaki
gegn nauðgunum og kynferðisbrotum.
Talskona Stígamóta fagnar yfirlýsingu
Þorsteins. Mynd SiGtRyGGuR ARi
Guðrún Jónsdóttir
Hvað verður
um öll eggin
sem ekki
seljast?
n Ruslagámurinn bíður margra eftir
páska n Önnur fá annað tækifæri eða nýtt
líf n Framleiðendur reyna að lágmarka sóun„Þar sem við viljum
forðast matar­
sóun þá reynum við að
selja eða gefa til góðra
málefna.
Sigurður Mikael Jónsson
mikael@dv.is
M
y
n
d
S
iG
tR
y
G
G
u
R
A
R
i