Dagblaðið Vísir - DV - 16.05.2017, Qupperneq 4

4 Vikublað 16.–18. maí 2017fréttir
Ruslakistunni
Gnúpi loks slitið
n Félagið sem flaug svo hátt að það mátti ekki fara í
þrot fyrir hrun n Skuldir nema tæpum 13,5 milljörðum
Á
kveðið var á hluthafa­
fundi fjárfestingarfélagsins
Gnúps ehf. þann 24. mars
síðast liðinn að slíta loks fé­
laginu sem stofnað var árið
2006 og var um tíma eitt af stærstu
eignarhaldsfélögum landsins í góð­
æri. Gnúpur hefur á undanförnum
árum komið við sögu í mörgum af
helstu dómsmálum hrunsins. Félag­
ið fór í gegnum fjárhagslega endur­
skipulagningu í ársbyrjun 2008 og
var haldið í fjárhagslegri öndunar­
vél af Glitni fram að hruni vegna um­
svifa félagsins á markaði. Félagið
hefur verið í eigu Glitnis síðan bank­
inn leysti til sín allt hlutafé félags­
ins á eina krónu í október 2009. Eftir
því sem fléttur og fjármálagerningar
fyrirhrunsáranna komu upp á yfir­
borðið hefur Gnúpi verið líkt við
ruslakistu sem tengdist félögum
eigenda Glitnis fyrir hrun, Fons og
fleiri þekktum leikendum síðustu
fjármálabólu.
Brann fljótt upp á fluginu
Gnúpur eignarhaldsfélag var stofnað
af Magnúsi Kristinssyni, Kristni
Björnssyni og Þórði Má Jóhannes­
syni, sem var forstjóri þess, árið
2006 og var meðal annars með­
al stærstu hluthafa í Kaupþingi, FL
Group, eiganda Glitnis, Glitni sjálf­
um og Bakkavör svo fátt eitt sé nefnt.
Strax í janúar 2008 var félagið þó
það illa statt að ráðist var í fjárhags­
lega endurskipulagningu þess. Öll­
um starfsmönnum félagsins var
sagt upp störfum og samkomulag
gert milli eigenda og helstu lánar­
drottna þess að vinna að sölu eigna
og uppgjöri gríðarhárra skulda fé­
lagsins. Samkvæmt síðasta ársreikn­
ingi félagsins, fyrir árið 2015, kemur
fram að eigið fé félagsins var í árs­
lok 2015 neikvætt um 13,4 milljarða
króna, en allar skuldir félagsins væru
við Glitni hf. Hlutverk Glitnis hf. sem
eiganda hefur samkvæmt skýrslu
stjórnar verið að safna upplýsingum
um rekstur félagsins sem og klára að
ganga frá ófrágengnum málum.
Fram kom í skýrslunni að
ákvörðun um hvort eða með hvaða
hætti félaginu yrði slitið lægi ekki fyrir.
Í Lögbirtingablaðinu á dögunum birt­
ist tilkynning þess efnis að ákveðið
hefði verið að slíta félaginu og fer það
þó ekki í þrot þrátt fyrir að hafa verið
ógjaldfært í tæpan áratug.
Í öndunarvél Glitnis
Morgunblaðið fjallaði ítarlega um
fjárfestingarfélagið Gnúp í nóvember
síðastliðnum þar sem kom meðal
annars fram að í þessu samkomulagi
lánardrottna og fyrri eigenda hafi
komið fram að Gnúpur mætti ekki
fara í þrot. Var í umfjöllun Morgun­
blaðsins bent á að Gnúpur hafi ver­
ið stór hluthafi í FL Group, sem var
stærsti einstaki eigandi Glitnis, og
gjaldþrot Gnúps hefði þýtt að fjöldi
bréfa í FL Group hefði getað farið á
markað og verð á þeim lækkað með
slæmum afleiðingum fyrir bank­
ann og félagið auk snjóboltaáhrifa
á markaðinn. Frá samkomulaginu í
ársbyrjun 2008 var Gnúpi því haldið
á lífi, nánast í öndunarvél Glitnis
en um þetta er einnig fjallað í rann­
sóknarskýrslu Alþingis.
Frá hápunkti góðærisins fyrir
hrun hefur lítið spurst til Gnúps en
nafn félagsins þó reglulega komið
upp í ýmsum af stóru dómsmálum
hrunsins. Stím­málinu, BK­44­mál­
inu og Aurum­málinu sem öll tengj­
ast Glitni og eigendahópi þeirra.
Í tilkynningunni um félagsslitin í
Lögbirtingablaðinu kemur fram að
þeir Jónas Rafn Tómasson, hdl. hjá
KPMG, og Ingólfur Hauksson, fram­
kvæmdastjóri Glitnis, hafi verið
valdir skilanefndarmenn á fund­
inum og að þeir hafi verið löggiltir
til starfans hjá fyrirtækjaskrá Ríkis­
skattstjóra. n
Pálmi Haraldsson Jón Ásgeir Jóhannesson Hannes Smárason
Magnús Kristinsson
Kristinn
Björnsson
Sigurður Mikael Jónsson
mikael@dv.is
Sælgætið
innihélt
kannabisefni
Karlmaður sem tollverðir stöðv­
uðu nýverið við hefðbundið
eftirlit í Flugstöð Leifs Eiríks sonar
reyndist hafa í farangri sínum
kökur og sælgæti, eða hlaup, sem
hvort tveggja innihélt kannabis­
efni. Maðurinn var að koma
frá Amsterdam þegar hann var
stöðvaður.
Í tilkynningu sem Tollurinn
sendi frá sér kemur fram að Toll­
gæslan hafi haft samband við
lögregluna á Suðurnesjum og tók
hún við málinu. Lögreglumenn
mættu á vettvang og játaði mað­
urinn að eiga kökurnar og sæl­
gætið. Málið er í hefðbundnum
farvegi.
Tollstjóri minnir á fíkniefna­
símann 800­5005. Í hann má
hringja til að koma á framfæri
upplýsingum um fíkniefnamál.
Fíkniefnasíminn er samvinnu­
verkefni lögreglu og tollyfirvalda
og er liður í baráttunni við fíkni­
efnavandann. Einnig má koma
ábendingum um smygl inn á
símsvara 552­8030 hjá embætti
Tollstjóra.
WOW air flýgur
til Tel Aviv
WOW air mun hefja áætlunar­
flug til Tel Aviv í Ísrael þann 12.
september. Sala hefst á morgun
en mikill áhugi er fyrir þessari
nýju flugleið, bæði frá Ísrael,
Bandaríkjunum og Kanada en
WOW air flýgur til tíu áfanga­
staða í Norður­Ameríku.
Flogið verður í glænýrri Airbus
A321neo­flugvél fjórum sinnum
í viku, á þriðjudögum, miðviku­
dögum, föstudögum og sunnu­
dögum en þess má geta að þetta
er fyrsta vél sinnar tegundar sem
flogið er í Evrópu.
„Aldrei fyrr hefur verið boðið
upp á beint áætlunarflug til
Ísrael frá Íslandi og það er gam­
an að geta átt þátt í því að marka
tímamót í íslenskri flugsögu.
Ísrael er land mikillar menn­
ingar og það fá farþegar okkar
að upplifa á frábærum verðum, í
glænýjum flugvélum,“ segir Skúli
Mogensen, forstjóri og eigandi
WOW air, í fréttatilkynningu.
Tel Aviv er næststærsta borg
Ísrael og státar af fögrum strönd­
um og iðandi mannlífi. Þaðan er
hægt að fara í dagsferðir á merka
staði á borð við Dauðahafið, Jer­
úsalem og Betlehem. Loftslagið í
Ísrael er hlýtt og milt en meðal­
hiti þar allt árið um kring er um
20 gráður. Ágúst er almennt hlýj­
asti mánuðurinn og getur meðal­
hitinn farið upp í 30 gráður.