Fréttablaðið - 23.10.2017, Blaðsíða 10

Frá degi til dags
Útgáfufélag: 365 miðlar ehf. Stjórnarformaður: Einar Þór Sverrisson forStjóri: Ingibjörg Stefanía Pálmadóttir Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Hrund Þórsdóttir hrund@stod2.is, Kjartan Hreinn Njálssson kjaranh@frettabladid.is, Kolbeinn Tumi Daðason kolbeinntumi@365.is, Ólöf Skaftadóttir olof@frettabladid.is. Fréttablaðið kemur út í 90.000 eintökum og er dreift ókeypis á heimili
á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 fréttaBlaðið Skaftahlíð 24, 105
reykjavík Sími: 512 5000, ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Kristjana Björg Guðbrandsdóttir kristjanabjorg@frettabladid.is markaðurinn: Hörður Ægisson hordur@frettabladid.is
menning: Magnús Guðmundsson magnus@frettabladid.is lífið: Guðný Hrönn Antonsdóttir gudnyhronn@frettabladid.is ljóSmyndir: Vilhelm Gunnarsson villi@365.is framleiðSluStjóri: Sæmundur Freyr Árnason sfa@frettabladid.is
Halldór
Magnús
Guðmundsson
magnus@frettabladid.is
Rau›arárstígur 14 · sími 551 0400 · www.myndlist.is
Hægt er að skoða uppboðsskrána á myndlist.is
Forsýning í Gallerí Fold í dag mánudag kl. 10–17
Listmunauppboð
í Gallerí Fold
mánudaginn 23. október, kl. 18
Jóhannes Jóhannesson
Þetta eitthvað
annað er
spurning um
grundavallar-
gildi í lýð-
ræðisríki.
Í kosningunum á laugardaginn er tækifæri til að kjósa öðruvísi forystu fyrir Ísland. Forystu sem leggur sig fram um að gera betur og skapa samstöðu um langtímasýn
fyrir fólkið í landinu þannig að hægt sé að skapa pólitískan
stöðugleika og ráðast í nauðsynlega uppbyggingu sam-
félagslegra innviða.
Við Vinstri græn höfum farið og hitt kjósendur fyrir
þessar kosningar. Það er kallað eftir því að sú efnahags-
lega hagsæld sem við búum við skili sér betur til fólksins
í landinu. Að við vanrækjum ekki innviðina en setjum
okkur áætlun um hvernig á að byggja upp til framtíðar.
Í þeim efnum er okkar sýn skýr. Við viljum ábyrga stjórn
efnahagsmála og styrkja tekjugrunn ríkisins, m.a. með
auknum arðgreiðslum, bættu skattaeftirliti og tryggja
það að arðurinn af sameiginlegum auðlindum skili sér
með sanngjörnum hætti til fólksins í landinu. Við viljum
eiga víðtækt samráð um skattkerfið í stað þess að ráðast í
skammlífar breytingar í bullandi ósætti.
Um leið er það ábyrg stefna að ráðast í uppbyggingu
á mikilvægum almannagæðum. Við höfum efni á betri
vegum sem eru nauðsynlegir innviðir bæði fyrir fólkið í
landinu og stærstu útflutningsgrein landsins, ferðaþjón-
ustuna. Við viljum forgangsraða fjármagni til opinbera
heilbrigðiskerfisins og tryggja að lykilstofnanir eins og
Landspítalinn geti staðið undir hlutverki sínu. Við viljum
leggja áherslu á menntun sem er undirstaða hagsældar og
velferðar til framtíðar. Við tökum undir kröfu eldri borgara
um að hækka frítekjumark vegna atvinnutekna strax í
109 þúsund krónur og viljum vinna með öryrkjum að því
að draga úr skerðingum og bæta kjör þeirra. Við viljum
lengja fæðingarorlof í áföngum í 12 mánuði og styðja við
ungt fólk sem er að koma sér þaki yfir höfuðið. Við viljum
ráðast í aðgerðir strax í loftslagsmálum og bæta réttarstöðu
brotaþola kynferðisbrota samhliða aukinni fræðslu og for-
vörnum í þeim efnum. Við viljum tryggja starfsumhverfi og
frelsi óháðra fjölmiðla. Með skynsamlegri forgangsröðun
fjármuna er hægt að ráðast í uppbyggingu sem skilar sér til
fólksins í landinu. Með breyttum stjórnmálum er hægt að
tryggja samstöðu um þá uppbyggingu.
Gerum betur
fyrir fólkið í landinu
Katrín
Jakobsdóttir
formaður Vinstri
grænna
Við viljum
eiga víðtækt
samráð um
skattkerfið í
stað þess að
ráðast í
skammlífar
breytingar í
bullandi
ósætti.
Það er merkilegt að í hvert sinn sem þöggun, spillingu og sérhagsmuni ber á góma, sem er óneitanlega sorglega oft að gefnu tilefni, þá er mikið kvartað undan vöntun á málefnalegri umræðu í íslenskum stjórnmálum. Að engin málefnaleg umræða eigi sér stað um heil-
brigðis- og menntamál fremur en fjármál, skattastefnu,
byggðastefnu, samgöngumál og þannig mætti áfram telja,
vegna þess að tíminn fari allur í eitthvað annað.
Engu að síður er það einmitt þetta eitthvað annað
sem hefur orðið til þess að landsmenn eru að ganga
að kjörborðinu í annað sinn á einu ári. Þetta eitthvað
annað hefur orðið til þess að tvær síðustu ríkisstjórnir
hafa hrökklast frá völdum með skottið á milli lapp-
anna. Ekkert af öllum þeim mikilvægu málefnum, sem
íslenskt samfélag þarf svo sárlega á að halda að taka til
umræðu á opinn og skynsamlegan máta, kom í raun þar
nokkurs staðar nærri.
Þetta eitthvað annað velti Sigmundi Davíð Gunn-
laugssyni úr forsætisráðherrastól á sínum tíma og því
má vel halda fram að vanmat á þessu fyrirbæri hafi
kostað Benedikt Jóhannesson formannsstólinn í Við-
reisn fyrir skömmu. Allt þetta hlýtur að sýna okkur
svart á hvítu að þetta eitthvað annað er ekki léttvægt
og ómerkilegt fyrirbæri, þótt það hafi verið mörgum
óþægur ljár í þúfu, heldur þvert á móti jafnvel mál
málanna.
Öll þessi óþægilegu mál sem varða hrunið þar sem
öll kurl virðast enn ekki vera komin til grafar, Panama-
skjölin, Borgunarmálið og fleiri viðskiptagjörningar,
„höfum hátt“ byltingin og núna síðast glórulaust lög-
bann á málfrelsi tveggja íslenskra fjölmiðla er og verður
að vera stóra málið. Málið sem þarf að ræða bæði í
þessari kosningabaráttu og ekki síður inni á Alþingi
þegar þar að kemur. Þó að þetta eitthvað annað snúi
kannski ekki með beinum hætti að því hvað landsmenn
fá í budduna eða hver fær hvað af þjóðarkökunni er
þetta einfaldlega stærra og mikilvægara.
Þetta eitthvað annað er spurning um grundavallar-
gildi í lýðræðisríki. Spurning um það hvernig við ætlum
að opna stjórnsýsluna með þeim hætti að þegnarnir
geti fylgst með stjórnsýslunni allri og treyst því að
stjórnmálamenn jafnt sem embættismenn séu að vinna
að hagsmunum almennings en ekki sérhagsmunum
einhverra óræðra aðila. Spurning um það hvernig við
ætlum að treysta stoðir lýðræðisins með því að bæta
starfsumhverfi og réttarstöðu fjölmiðla, í ríki þar sem
yfirvaldið hefur ítrekað verið dæmt fyrir að brjóta á rétti
blaðamanna fyrir mannréttindadómstól Evrópu.
Stjórnmálin þurfa að horfast í augu við þá staðreynd
að almenningur treystir þeim illa og það að gefnu tilefni
eða öllu heldur tilefnum. Ef það á að breytast þurfa
stjórnmálin að átta sig á því að þetta eitthvað annað er
umræða sem þarf að taka af fullri alvöru. Flokkar þurfa
að setja fram hugmyndir og stefnu að endurbótum
og gefa þannig kjósendum kost á því að vega og meta
hvernig atkvæði þeirra er best varið í þágu lýðræðis.
Lýðræðis sem treystir á opna stjórnsýslu, sterka fjöl-
miðla og ábyrga stjórnmálamenningu. Allt málefnalegri
umræðu framtíðarinnar til heilla.
Stóra málið
Heiðursætið
Listar allra framboða til þing-
kosninga, sem fram fara eftir
tæpa viku, liggja nú fyrir. Oftar
en ekki hefur venjan verið
sú að neðsta sæti hvers lista
hefur verið heiðurssæti. Skipa
það oft fyrrverandi ráðherrar,
þingmenn, formenn eða aðrir
sem gætu átt heiðurssess hjá
flokknum. Athygli vekur að á
listum Pírata er hvergi að finna
fráfarandi þingmann þeirra,
Birgittu Jónsdóttur. Allir ættu
að geta sammælst, sama hvaða
skoðun þeir hafa á flokknum,
um að kafteinninn fyrrverandi
gerði heilan helling fyrir flokk-
inn. Skýtur það því skökku við
að henni hafi ekki verið sýndur
sá heiður að skipa heiðursæti.
Öruggasta þjóðin
Margir hafa klórað sér í koll-
inum yfir tísti frá Sjálfstæðis-
flokknum þar sem því var lýst
yfir að Ísland væri öruggasta
þjóð í heimi. Síðan var spurt
hvort þörf væri á að umbylta
þjóðfélaginu. Í fyrsta lagi má
benda á það að Ísland verður
seint talið þjóð. Í öðru lagi
má velta því fyrir sér hvort
flokkurinn sé að fylgjast með
sömu kosningabaráttu og við
hin. Í það minnsta kannast
molahöfundur við fá framboð
sem hafa talað um að umbylta
eða gjörbreyta þjóðfélaginu.
Skýringar á tístinu óskast.
johannoli@frettabladid.is
2 3 . o k t ó b e r 2 0 1 7 M Á N U D A G U r10 s k o ð U N ∙ F r É t t A b L A ð i ð
SKOÐUN
2
3
-1
0
-2
0
1
7

0
4
:3
2
F
B
0
4
8
s
_
P
0
4
6
K
.p
1
.p
d
f
F
B
0
4
8
s
_
P
0
3
9
K
.p
1
.p
d
f
F
B
0
4
8
s
_
P
0
0
3
K
.p
1
.p
d
f
F
B
0
4
8
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
0
8
-2
0
5
4
1
E
0
8
-1
F
1
8
1
E
0
8
-1
D
D
C
1
E
0
8
-1
C
A
0
2
7
5
X
4
0
0
.0
0
1
3
A

F
B
0
4
8
s
_
2
2
_
1
0
_
2
0
1
C
M
Y
K