Morgunblaðið - 28.03.2017, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 28. MARS 2017
Agnes Bragadóttir
agnes@mbl.is
Bjarni Benediktsson, forsætisráð-
herra, segir að ríkisstjórnin hafi á
fundi sínum á föstudag afgreitt
fjölda mála og haldinn verði auka-
fundur ríkisstjórnarinnar í dag, þar
sem mörg mál verði afgreidd.
„Það er rétt, þótt þingmálalisti
ríkisstjórnarinnar sé 101 mál, að að-
eins um 30 þeirra eru komin til
þingsins. En ég hef í sjálfu sér engar
áhyggjur af því, vegna þess að á
næstu dögum mun mikill fjöldi mála
ríkisstjórnarinnar koma til Alþing-
is,“ sagði forsætisráðherra í samtali
við Morgunblaðið í gær.
Ríkisfjármálaáætlun stærst
„Langstærsta málið sem við erum
að vinna núna er ríkisfjármálaáætl-
unin. Vinnu við hana er svo gott sem
lokið og verið er að vinna að frágangi
hennar,“ sagði Bjarni.
Frestur til þess að leggja fram
þingmál á vorþingi rennur út 1. apr-
íl. Það þýðir þó ekki að eftir þá dag-
setningu sé ekki hægt að leggja
fram ný þingmál, heldur þarf þingið
þá að samþykkja afbrigði fyrir hvert
mál sem lagt er fram.
Forsætisráðherra sagði að það
væri alveg skiljanlegt að menn vildu
fylgjast með því hvernig ríkisstjórn-
inni miðaði í vinnu sinni við að leggja
fram þingmál sín. „En ríkisstjórnir
eru almennt séð ekki dæmdar af
fjölda framlagðra mála, heldur af
verkum sínum. Við erum bara að
vinna okkar vinnu og undirbúa málin
eins vel og kostur er,“ sagði Bjarni.
Inga Hrefna Sveinbjarnardóttir,
aðstoðarmaður Kristjáns Þórs Júl-
íussonar, menntamálaráðherra,
sagði í samtali við Morgunblaðið í
gær að litla LÍN frumvarpið hefði
verið afgreitt í ríkisstjórn á föstudag
og það hefði verið kynnt í þing-
flokkum ríkisstjórnarinnar í gær.
Tilskipunarmál frá EES hefði ekki
enn borist frá EES nefndinni og yrði
því væntanlega ekki lagt fram fyrr
en í haust og sama ætti við um frum-
varp um sviðslistir.
Þorsteinn Víglundsson, félags- og
jafnréttismálaráðherra, sagði í sam-
tali við Morgunblaðið í gær, að hann
reiknaði með að einungis tvö af
þrettán málum hans frestuðust til
haustsins.
Tvö mál frestast
„Frumvarp um fæðingarorlofs-
sjóð frestast til haustsins, en það er
engin tímapressa á að klára þá laga-
setningu og sama máli gegnir um
það sem út af stóð í lögum um al-
mannatryggingar. Við þurfum betri
tíma til þess að vinna það mál,“
sagði Þorsteinn. Hann sagði að
mikill fjöldi mála hefði verið af-
greiddur úr ríkisstjórn á föstudag
og sama yrði gert á ríkisstjórnar-
fundi í dag.
Fjöldi mála til þingsins næstu daga
 Bjarni Benediktsson, forsætisráðherra segir fjölda þingmála ekki skipta máli, heldur verk ríkis-
stjórnarinnar  Ríkisfjármálaáætlunin langstærsta málið  Einhver mál frestast til haustsins
Morgunblaðið/Golli
Alþingi Mikill fjöldi þingmála frá ríkisstjórninni er væntanlegur til Alþingis á næstu dögum.
Landspítalinn stefnir að því að hefja notkun á
jáeindahluta á nýjum jáeindaskanna spít-
alans í haust. „Jáeindahlutinn byggist á inn-
gjöf á geislavirkum ísótópum sem eru tengd
við lyf sem hafa nákvæma sækni í eitthvað
sem við höfum áhuga á að skoða. Í lang-
flestum tilfellum er um að ræða geislavirk
flúor sem eru hengd á sykur sem safnast sam-
an alls staðar þar sem er aukinn efnaskipta-
hraði eins og sérstaklega í krabbameinsæxl-
um,“ segir Bogi Brimir Árnason
heilbrigðisverkfræðingur. „Helmingunartími
geislavirku efnanna er svo stuttur að það
þarf að framleiða þau og lyfin á staðnum. Það
er samkvæmt skilgreiningu lyfjaframleiðsla
og gilda því reglur um leyfisveitingu fyrir
lyfjaframleiðslu, sem eru alþjóðlegar og mjög
stífar. Stærsta hindrunin er alltaf að klára
geislalyfjaframleiðsluhlutann, fá hann vott-
aðan og fá leyfi fyrir þeirri starfsemi áður en
við getum byrjað að sprauta sjúklinga með
þeim,“ segir Bogi. Nýjustu áætlanir miða við
að ljúka við öll leyfi og fá skannan í fulla
notkun í september á þessu ári. mhj@mbl.is
Bíða eftir leyfi frá Lyfjastofnun ríkisins til að mega framleiða geislavirk efni
Morgunblaðið/Eggert
Stefnt að því að hefja jáeindaskönnun í september á þessu ári
Magnús Heimir Jónasson
mhj@mbl.is
Rúmlega 50% fjölgun hefur orðið í
hópi skráðra félaga í Ásatrúarfélag-
inu frá árinu 2014 samkvæmt upp-
lýsingum frá Hagstofu Íslands. Fé-
lagar voru 2.382 árið 2014 en nú eru
skráðir 3.583 félagsmenn. Karlmenn
eru í miklum meirihluta í félaginu en
2.369 karlar eru skráðir í félagið og
1.214 konur Til samanburðar voru
einungis 1.614 karlar í Ásatrúar-
félaginu 2014 og 768 konur.
Hafa fjölgað blótum
Hilmar Örn Hilmarsson, allsherj-
argoði og forstöðumaður Ásatrúar-
félagsins, telur að fjölgun félags-
manna megi rekja til þess að félagið
hafi haldið fleiri athafnir og verið
sýnilegra upp á síðkastið. „Það eru
alltaf fleiri athafnir á hverju ári og
ég held að fleiri séu bara að sjá hvað
við erum að gera og það fellur fólki
vel. Við stundum ekki trúboð, hvetj-
um samt fólk til að koma ef það hefur
áhuga. Blótin hjá okkur eru alltaf op-
in,“ segir Hilmar. Ásatrúarfélagið
hefur lengi verið stærsta trúfélagið á
Íslandi sem ekki byggir á kristnum
grunni. Hann segir að blótin hjá fé-
laginu séu að verða sífellt vinsælli og
fleiri mæti. Félagið mun meðal ann-
ars standa fyrir blóti núna á sum-
ardaginn fyrsta. „Það er alltaf vel
sótt í blótið á sumardaginn fyrsta.
Það er einnig mjög barnvænt blót
hjá okkur,“ segir Hilmar. Ásatrúar-
félagið mun á næsta ári opna hof en
Hilmar segir að sú hugmynd hafi
verið lengi að verða að veruleika.
„Við erum að byggja hof núna í
Öskjuhlíð sem hefur verið á döfinni
hjá okkur í 40 ár. Það hefur síðan
verið í vinnslu síðustu 12 ár og er
stefnt að því að það opni í í mars á
næsta ári.“
Fjölgunin vakti athygli BBC
Fjölgun félagsmanna í Ásatrúar-
félaginu hefur vakið athygli utan
landsteinanna og komu meðal ann-
ars útvarpsmenn frá breska ríkisút-
varpinu (BBC) hingað til lands til að
taka viðtöl og fylgjast með blóti. Út-
varpsþátturinn Hjarta og sál (e. He-
art and soul) fór í spilun á heimsrás
BBC í gær þar sem meðal annars var
sagt að ásatrú væri sú trú á Íslandi
sem yxi hvað mest ásmegin. Í þætt-
inum var meðal annars hlustað á
upplestur af Eddukvæðum en þátt-
urinn er aðgengilegur á vef BBC.
Ásatrú á Íslandi í mikilli sókn
 Rúm 50% fjölgun á skráðum félagsmönnum Ásatrúarfélagsins frá 2014  Mikil
fjölgun meðal karlmanna  Yfir 1% Íslendinga aðhyllast ásatrú árið 2017
Morgunblaðið/Kristinn
Æsir Ásatrúarmenn safnast hér
saman á Landvættablóti.
Styrkur svifryks var hár við helstu
umferðargötur borgarinnar í gær,
við Grensásveg og á fleiri stöðum,
samkvæmt mælingum Heilbrigð-
iseftirlits Reykjavíkur. Líkur eru á
að svifryksmengun verði áfram mik-
il næstu daga þar sem spáð er hæg-
um vindi og lítilli sem engri úrkomu.
Svifryksmengun er mest í nágrenni
við miklar umferðargötur en minni
mengun er inni í íbúðarhverfum
fjær umferð samkvæmt upplýs-
ingum frá Heilbrigðiseftirliti
Reykjavíkur. Búast má við toppum í
svifryksmengun á umferðarálags-
tímum á morgnana, í hádeginu og
síðdegis.
Heilbrigðiseftirlitið fylgist náið
með loftgæðum og sendir frá sér við-
varanir og leiðbeiningar ef ástæða
þykir til. Þeir sem vilja fylgjast sjálf-
ir með styrk svifryks geta gert það á
vef borgarinnar www.reykjavik.is/
loftgaedi en þar má sjá kort af mæli-
stöðum borgarinnar.
Líkur á miklu svif-
ryki næstu daga