Morgunblaðið - 28.03.2017, Blaðsíða 29

DÆGRADVÖL 29
MORGUNBLAÐIÐ ÞRIÐJUDAGUR 28. MARS 2017
Stjörnuspá
21. mars - 19. apríl 
Hrútur Gamall vinur hefur samband og það
mun gleðja þig að sjá hversu samband ykkar
er enn sterkt. Spenntu beltið og haltu af
stað.
20. apríl - 20. maí 
Naut Viljirðu leita í einveruna skaltu láta það
eftir þér og vertu ekkert að afsaka þig fyrir
öðrum. Geymdu að mynda þér skoðun þang-
að til þú hefur kynnt þér alla málavöxtu.
21. maí - 20. júní 
Tvíburar Þú hefur lengi verið þér meðvitandi
um að til þess að ná árangri á einhverju sviði
er ekki nóg að hafa bara hæfileika. Seigluna
þarf líka.
21. júní - 22. júlí 
Krabbi Einhver þér eldri – hugsanlega vinur
– getur veitt þér góð ráð í dag. Mundu að að-
gát skal höfð í nærveru sálar. Hóf er það sem
skiptir máli.
23. júlí - 22. ágúst 
Ljón Innilegar viðræður við ástvin gætu bor-
ið góðan árangur í dag. Leitaðu allra leiða til
að leysa vandamál sem koma upp í tengslum
við ættingja.
23. ágúst - 22. sept. 
Meyja Dagurinn hefur einkennst af gríðar-
legu annríki. Ekki vera á síðasta snúningi
með allt, það er mikill stressvaldur.
23. sept. - 22. okt. 
Vog Ef þú ert ekki ánægður með verk ann-
arra skaltu bara taka þau að þér sjálf/ur. Nú
er tímabært að átta sig á því að aðrir deila
ekki skoðunum þínum.
23. okt. - 21. nóv.
Sporðdreki Viljirðu búa við áframhaldandi
velgengni máttu í engu slaka á. Þér hættir til
að sjá bara vandamálin í öllum aðstæðum.
Temdu þér meiri bjartsýni, það er æfing
dagsins.
22. nóv. - 21. des.

Bogmaður Löngun þín í frelsi og flótta frá
hversdagslegu amstri er sterk í dag. Fáðu
sköpunarþörf þinni fullnægt. Foreldri gæti
krafist meiri athygli en endranær.
22. des. - 19. janúar 
Steingeit Þú þarft að ganga úr skugga um
að ekki sé verið að ganga á rétt þinn. Ferða-
lag er fram undan, þar hittir þú manneskju
sem mun hafa mikil áhrif á þig næstu árin.
20. jan. - 18. febr. 
Vatnsberi Vinir þínir taka þér opnum
örmum. Einbeittu þér að færri málum og
sinntu þeim vel. Það er ekki komið sumar og
því ættir þú að klæða þig eftir veðri.
19. feb. - 20. mars

Fiskar Gerðu þér far um að umgangast fólk
sem hefur góð áhrif á þig og lætur þér líða
vel. Nöldurseggir geta bara verið heima hjá
sér. Gefstu ekki upp þótt á móti blási um
stund.
Íslenskt mál“, sú góða bók GíslaJónssonar, kennara míns og
fóstra, er á náttborðinu hjá mér.
Mér finnst gott að glugga í hana á
kvöldin, þá sef ég vel. Þar segir
hann frá lengsta atviksorði sem
hann hefur heyrt í íslensku. – „Það
er í vísu sem ég lærði svo og eignuð
var Benedikt Sveinbjarnarsyni
Gröndal:
Mér er sem ég sjái hann Kossút
á sinni gráu að reka hross út.
Sína gerir hann svipu upp vega
sérastefánsámosfellilega.“
Í bókinni eru fjölmargar limrur
eftir ýmsa höfunda. Þetta er sú
fyrsta – eftir Hlymrek handan:
Í Botni var Borðeyrar-Stjana
og bjó við sín hænsni að vana.
Það var oftastnær frí,
hana undraði á því
hversu örfáa langaði í hana.
Björn Ingólfsson segir frá því á
Leir í gær að hann „orti eina 6u á
morgungöngunni:
Út við höfn er hávella að rugla
hún er bæði ástfangin og svöng.
Í Höfðaskógi hópur glaðra fugla
hefur byrjað æfingar á söng.
Gamall karl, í framan eins og ugla,
er á sinni föstu morgungöng-
u.“
Þetta er skemmtilegt erindi –
einkum ef maður hefur stutta mál-
hvíld og dregur síðan seiminn í
hærri tóntegund á „u-inu“!
Sigrún Haraldsdóttir sagðist
ekki hafa farið í morgungöngu
nema í huganum…:
Hún barðist við bálhvassan vind,
bergrisa, djöfla og grjót,
einbeitt sem útigangskind
óhikað stikaði fljót,
stefndi upp á stóreflis tind
en steyptist þá ofan í gjót-
u.
Þetta kveikti í Páli Imsland –
hann heilsaði leirliði á sólarfögrum
morgni og sagði: „Þá vorið er kom-
ið í annað sinn á stuttum spretti. Ég
er annars alveg bit á dugnaði
manna við morgungöngur:“
Á morgunrjátli meðfram ströndum
misjafnt fyrir augu ber,
til dæmis sæfar seglum þöndum
sigla uppá þarasker,
strák að elta stelpú á röndum,
stampast brotið ígulker,
í þarabrúki langs með löndum
leita ætis blikaher,
út með svörtum sjávargröndum
sela byltast fjörugt ger.
Af öllu þessu, eg því sver:
Ég aldrei morgungöngu fer.
halldorblondal@simnet.is
Vísnahorn
Lengsta atviksorðið og
ævintýri á gönguför
Í klípu
„ENGAR ÁHYGGJUR.
EF ÞIÐ VELJIÐ RANGT, ÞÁ VERÐUR
ÞAÐ EKKI Í FYRSTA SINN.“
BOÐSKORT Í BRÚÐKA
UP
eftir Mike Baldwin eftir Jim Unger
„ERTU Í LOÐNUM SOKKUM?“
Hermann
Ferdinand
Hrólfur hræðilegi
Grettir
... þegar það að vera
með þér gerir daginn
einstakan.
SPARK! SVO MARGIR HUNDAR,SVO LÍTILL TÍMI
ÉG HELD AÐ VIÐ
EIGUM EKKI
MÖGULEIKA GEGN
ÓVINAHERNUM!
RÓAÐU ÞIG! ÞEIR ÞURFA
AÐ FARA Í SKÓNA SÍNA
MEÐ ANNAN FÓTINN Í
EINU EINS OG VIÐ!
JÁ! EN SJÁÐU BARA
SKÓSTÆRÐINA ÞEIRRA!
Víkverji hafði mikinn skilning meðþeim bíleiganda sem lenti í
hremmingum í bílastæðahúsinu við
Hverfisgötu, Traðarkoti, og fann þar
hvergi stæði, eins og fram kom í
Morgunblaðinu. Víkverji lenti ein-
mitt í svipuðum aðstæðum, mögu-
lega þetta sama kvöld. Það var
hringsólað upp á efstu hæð hússins
án þess að finna stæði og síðan út
aftur. Fyrir þetta þurfti Víkverji að
greiða 150 krónur, eins og umrædd-
ur bíleigandi, fyrir ekki neitt. Vík-
verji veltir fyrir sér að ganga lengra
með málið, setja það í innheimtu hjá
lögfræðingi og krefja Reykjavík-
urborg um endurgreiðslu á gjaldi
fyrir þjónustu sem ekki var veitt.
x x x
Skýringar Bílastæðasjóðs á því aðTraðarkot tekur nánast enda-
laust við bílum, án þess að halda
slánni niðri við innganginn til merkis
um að húsið sé fullt, voru ófullnægj-
andi að mati Víkverja. Talsmaður
sjóðsins skellti skuldinni alfarið á þá
ökumenn sem leggja bílum sínum
illa og taka jafnvel eitt og hálft
stæði. Þannig liti teljarinn í húsinu
svo á að einhver stæði væru alltaf
laus. Þetta er að sjálfsögðu mjög
bagalegt og Bílastæðasjóður verður
að leysa málið sjálfur. Nú vill svo til
að Íslendingar eru mikil jeppaþjóð,
og jeppaeigendur eflaust duglegri
en margir aðrir að fara í leikhús og
út að borða. Þeir ættu a.m.k. að hafa
efni á því líkt og einum rándýrum
Land Cruiser eða Land Rover. Við
hin á litlu og meðalstóru bílunum,
eins og Víkverji, leyfum okkur líka
þann munað að fara í leikhús og út
að borða öðru hvoru. Þá verður að
vera hægt að leggja bílnum skamm-
laust, án þess að verða of seinn í leik-
hús eða á veitingahúsið.
x x x
Víkverji sér bara eina lausn, aðbreikka aðeins stæðin og hafa
sérhæðir fyrir jeppana. Það þýðir
ekkert að setja sektarmiða á þessa
bíla eða halda því fram að jeppa-
eigendur vilji ekki fá bíla við hliðina
á sér. Eitt er að leggja stórum jepp-
um í þessi stæði, annað er að komast
út úr bílunum. Ekki nema Bíla-
stæðasjóður ætli sér að leyfa aðeins
bíla í húsin með topplúgur!
vikverji@mbl.is
Víkverji
Jesús svaraði: „Já, því sælir eru þeir
sem heyra Guðs orð og varðveita það.“
(Lúk. 11:28)