Morgunblaðið - 24.06.2017, Side 45

MENNING 45
MORGUNBLAÐIÐ LAUGARDAGUR 24. JÚNÍ 2017
Helgi Snær Sigurðsson
helgisnaer@mbl.is
Tvær einkasýningar verða opnaðar í
galleríi Kling & Bang í Marshall-
húsinu í dag kl. 17. Annars vegar er
það sýning Huldu Vilhjálmsdóttur,
Valbrá, og hins vegar sýning Þorgerð-
ar Þórhallsdóttur, Kóreógrafískt ljóð
fyrir hljómsveit.
Á Valbrá sýnir Hulda Vilhjálms-
dóttir nýleg verk sem hafa verið unnin
á síðustu þremur árum og eru þau að
mestu leyti óhlutbundin, annars vegar
málverk á pappír og striga og hins
vegar skúlptúrar unnir úr keramik.
Hulda er þekkt af fígúratífum mál-
verkum sínum og má því segja að hér
kveði við nýjan tón. Hún segist þó allt-
af hafa málað óhlutbundin verk sam-
hliða hinum fígúratífu.
Gróðurinn í hafinu
Sýningarstjóri Valbrár er Ingibjörg
Sigurjónsdóttir og segir Hulda að hún
hafi komið á vinnustofu hennar í febr-
úar sl. og valið þar verk á sýninguna
sem Hulda hefur unnið að í nokkur ár
en ekki haft tækifæri á að sýna. Sýn-
ingin í Kling & Bang er því sú fyrsta á
óhlutbundnum verkum eftir Huldu.
Hulda segist tengja verkin við hafið
og hvernig það hefur áhrif á hana.
„Ég kafa í hafið og legg áherslu á
gróður því mér finnst mikilvægt fyrir
okkur sem manneskjur og áhorfand-
ann að horfa á gróðurinn í hafinu. Að
þetta sé auðlind fyrir okkur að rann-
saka og ég túlka þetta svolítið á list-
rænan hátt, á frekar ljóðrænan hátt.
Mér finnst þurfa að vekja athygli á
þessu og ég er að túlka þetta í mál-
verkinu,“ segir Hulda. Hún segist
hafa notað mikið vatn þegar hún mál-
aði verkin og því séu þau flæðandi og
expressjónísk.
Þegar hún er spurð að því hvort
skúlptúrarnir tengist málverkunum
svarar Hulda því til að hana hafi lang-
að til að mála á þrívíða hluti. „Mig
langaði að stækka heiminn hjá mér,
tjáningu mína sem málara með því að
mála á keramik. Þannig að ég er að
tengja saman þessa tvo heima sem
listamaður. Og af því að ég er express-
jónísk finnst mér efniskenndin skipta
máli og leirinn er þ.a.l. spennandi,“
segir Hulda. Þess má geta að Valbrá
er einnig titill bókar um myndlist
Huldu sem kemur út um þessar
mundir og verður fáanleg í Kling &
Bang meðan á sýningunni stendur.
Tónverk túlkað án hljóðs
Á sýningu Þorgerðar, Kóreógraf-
ískt ljóð fyrir hljómsveit, má sjá nýtt
vídeóverk sem hún vann út frá tón-
verki franska tónskáldsins Maurice
Ravel sem nefnist „La Valse“.
Verkið er hljóðlaust, sýnt á fjórum
rásum og skjáum en hver hluti er
helgaður einum hópi hljóðfæra í sin-
fóníuhljómsveit, þ.e. strengja-, málm-
blásturs-, tréblásturs- og áslátt-
arhljóðfærum.
Þorgerður er spurð að því hvers
vegna þetta tiltekna tónverk hafi orð-
ið fyrir valinu og segir hún að rekja
megi valið til gamallar myndbands-
upptöku af afa hennar, sem var pí-
anóleikari, að leika verkið fjórhent
með Halldóru Haraldsdóttur. „Ég
var fyrst að vinna upp úr þessu vídeói
því ég hef áður unnið með fundið efni
og þetta var því hálfgerð tilviljun,
hvernig ég uppgötvaði þetta verk eft-
ir Ravel,“ segir hún.
„Sagan á bak við verkið fannst mér
líka svo heillandi því það er samið rétt
eftir fyrri heimsstyrjöldina og það
héldu allir að það fjallaði um hörm-
ungar stríðsins, það var túlkað þann-
ig en Ravel hélt því fram að það væri
bara um vals og fegurðina. Mér
fannst heillandi þetta túlkunaratriði
og að hann væri staðfastur í því að
vera bara að fjalla um listina. Hann
var á allt öðrum stað en fólk hélt að
hann væri á.“
Vann út frá lýsingum Ravel
–Þú skiptir verkinu upp eftir hljóð-
færahópum en hvernig kemurðu tón-
listinni til skila án hljóðs?
„Ég ákvað bara að fara eftir nót-
unum þegar ég gerði vídeóverkið og
skaut myndefni með tónverkið í huga
og þá sérstaklega lýsingu Ravel sjálfs
á verkinu. Hann ímyndaði sér danssal
þar sem fólk dansaði endalausan vals
og talar líka um ský sem þyrlast um
og tvístrast síðan. Þetta er allt mjög
ljóðrænt og fallegt,“ svarar Þorgerð-
ur.
Hún segist hafa verið með þessa
lýsingu í huga og einnig talið spenn-
andi að vinna eftir nótum verksins.
„Þegar hljóðfæraleikarar flytja tón-
verk er það alltaf persónuleg túlkun
þeirra hverju sinni og aldrei eins.
Þannig að ég ákvað að túlka þetta
myndrænt eins og ég væri hljóðfæra-
leikari en þó sem myndlistarmaður,“
útskýrir Þorgerður. Útkoman er
óhlutbundið vídeóverk og má því
segja að hið óhlutbundna tengi saman
þessar tvær annars ólíku sýningar,
Valbrá og Kóreógrafískt ljóð fyrir
hljómsveit.
Þorgerður útskrifaðist frá Listahá-
skóla Íslands árið 2013 og hélt að því
loknu í í framhaldsnám til Svíþjóðar
og útskrifaðist frá Malmö Art Aca-
demy árið 2016 með MFA-gráðu í
myndlist. Hún var meðlimur í lista-
mannarekna galleríinu Kunstschlag-
er og tók þátt í ýmsum verkefnum á
vegum þess. Verk hennar hafa verið
sýnd erlendis og hér heima og er sýn-
ing hennar í Kling & Bang fyrsta
einkasýningin eftir útskrift frá
Malmö.
Hulda lauk námi í myndlist frá
Listaháskóla Íslands vorið 2000 og
hefur sýnt verk sín á fjölmörgum sýn-
ingarstöðum, í galleríum og á söfnum.
Sýningarnar standa yfir til 13.
ágúst.
Kafað í undirdjúpin og vals eftir Ravel
 Hulda Vilhjálmsdóttir og Þorgerður Þórhallsdóttir opna einkasýningar í Kling & Bang  Hulda
sýnir óhlutbundin málverk og skúlptúra og Þorgerður fjögurra rása vídeóverk unnið út frá tónverki
Kollegar Hulda Vilhjálmsdótir og Þorgerður Þórhallsdóttir sýna báðar óhlutbundin verk í Kling & Bang.
Flæði Hluti af einu verka Huldu. Tónaform Stilla úr vídevóverki Þorgerðar sem byggir á vals eftir Ravel.
Bandaríski listamaðurinn Brian
Scott Campbell er sýningarstjóri
sumarsýningar gallerísins Harbin-
ger sem opnuð var í gær en á
henni leiðir hann saman fjölda
bandarískra og íslenskra lista-
manna sem vinna helst með teikn-
ingu og/eða á pappír. Sýningin
ber titilinn Zing Zam Blunder og
stendur til 23. júlí.
Listamennirnir sem sýna verk
sín á henni eru Tisch Abelow, Sig-
urður Ámundason, Jimmy Baker,
Halla Birgisdóttir, Ryan Travis
Christian, June Culp, Cristina De-
Miguel, Austin Eddy, Austin Engl-
ish, Dana Frankfort, Brittni Ann
Harvey, Irena Jurek, David Jien,
Kristy Luck, Paul Metrinko, Nick
Payne, Vanessa Gully-Santiago,
Sigtryggur Berg Sigmarsson,
Lauren Taylor, Adam Tullie, Ke-
vin McNamee-Tweed, James Ul-
mer, Andy Webber og Nick Wilk-
inson.
Zing Zam Blunder
opnuð í Harbinger
Sýningarstjóri Brian Scott Campbell er
myndlistarmaður og sýningarstjóri.
Ljósmynd/James Ryang
Myndlistarmennirnir Ragnheiður
Gestsdóttir og Theresa Himmer
munu á morgun kl. 15 taka þátt í
spjalli um sýninguna Innra, með
og á milli í Gerðarsafni og veita
gestum frekari innsýn í verk sín.
Á sýningunni er Gerði Helga-
dóttur (1928-1975) boðið að taka
þátt í samfelldu samtali lista-
mannanna Ragnheiðar Gests-
dóttur, Theresu Himmer og Emily
Weiner en sam-
tal þeirra og
könnun á ólínu-
legri túlkun á
stað og tíma,
tungumáli og
þýðingum tók á
sig áþreifanlega
mynd haustið
2015 þegar þær
umbreyttu rann-
sóknum sínum í
sýninguna Speak Nearby í Sol-
oway í Brooklyn, New York, eins
og segir í tilkynningu.
Listamannaspjall
í Gerðarsafni
Ragnheiður
Gestsdóttir
)553 1620
Laugarásvegi 1, 104 Reykjavík
laugaas@laugaas.is • laugaas.is
Veisluþjónusta
Lauga-ás
Afmæli
Árshátíð
Gifting
Ferming
Hvataferðir
Kvikmyndir
Íþróttafélög
Við tökum að okkur að skipuleggja
smáar sem stórar veislur.
Lauga-ás rekur farandeldhús í hæsta
gæðaflokki og getur komið hvert sem
er á landinu og sett upp gæða veislu.
Er veisla framundan hjá þér?
Hafðu samband við okkur og við
gerum þér tilboð.