Morgunblaðið - 25.07.2017, Blaðsíða 2
2 FRÉTTIRInnlent
MORGUNBLAÐIÐ ÞRIÐJUDAGUR 25. JÚLÍ 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Vilhjálmur A. Kjartansson
vilhjalmur@mbl.is
Nichole Leigh Mosty, þingmaður
Bjartrar framtíðar, er þessa stund-
ina stödd í Grikklandi á vegum SOS
Barnaþorpa þar sem hún mun
næstu fjórar vikurnar meðal annars
sinna sjálfboðastörfum í þágu
flóttabarna sem flúið hafa fylgdar-
laus til Evrópu.
„Þú verður að fyrirgefa, en ég
stend hérna með hópi barna sem
eru að leik og ég heyri ekki allt sem
þú segir,“ sagði Nichole þegar
Morgunblaðið náði tali af henni í
gærkvöldi.
„Þetta er fyrsti dagurinn minn
í Grikklandi og ég er bara að kynna
mér aðstæður, en mun síðan starfa
á eina leikskólanum á svæðinu, þ.e.
ég mun vinna á gólfinu með börn-
unum,“ segir hún.
Talið er að yfir 60.000 flótta-
menn séu nú staddir í Grikklandi og
bíði örlaga sinna, þar af er mikill
fjöldi barna. SOS Barnaþorpin hafa
frá 2015 sinnt hjálparstörfum í
þágu flóttabarna í Grikklandi. Sú
hjálp felst m.a. í félagssálfræði-
legum stuðningi og túlkaþjónustu
við börnin í flóttamannabúðum
ásamt skipulagðri íþróttaiðkun.
Einnig reka samtökin þrjú skýli þar
sem fylgdarlaus flóttabörn njóta
umönnunar allan sólarhringinn.
„Hér eru hátt í 2.200 fylgdar-
laus börn. Leitað er allra leiða til að
hafa uppi á foreldrum eða ætt-
ingjum þeirra á sama tíma og lögð
er áhersla á að tryggja að þau hljóti
menntun og umönnun,“ segir Nic-
hole og bendir á að Ísland sé í kjör-
aðstöðu til að leggja sitt af mörk-
um.
„Við eigum fjöldann allan af
góðum skólum og leikskólum heima
ásamt fjöldanum öllum af fagfólki í
uppeldis- og kennslustörfum.“
Hún segir tilgang ferðarinnar
ekki að skapa heildstæða stefnu
fyrir Ísland í málefnum flóttamanna
heldur sé hún fyrst og fremst mætt
til að hjálpa og leggja sitt af mörk-
um. „Ég mun taka það sem ég læri
hér með mér heim og kynna fyrir
starfsfélögum mínum á Alþingi það
sem ég hef séð og kynnst hér, en
núna er ég hér stödd til að hjálpa
og gera gagn,“ segir hún.
Þingmaður í flóttamannabúðum
Nichole Leigh Mosty, þingmaður Bjartrar framtíðar, vinnur í leikskóla í
flóttamannabúðum í Grikklandi Starfar á vegum SOS Barnaþorpa í búðunum
Flótti Nichole ásamt nokkrum fylgdarlausum flóttadrengjum í Aþenu.
Vilhjálmur A. Kjartansson
vihjalmur@mbl.is
„Hann er kominn í búðir þrjú og við
búumst við því að hann muni fara
upp í búðir fjögur í kvöld eða á morg-
un og reyna við toppinn á fimmtu-
dag,“ sagði Hjördís Guðmundsdótt-
ir, framkvæmdastjóri Lífs
styrktarfélags, er hún var í gær
spurð út í göngu Johns Snorra
Sigurjónssonar á K2, næsthæsta
fjalls heims, en hann gengur til
styrktar Lífi og getur fólk heitið á
hann á síðunni www.lifspor.is.
Fyrsti Íslendingurinn á toppinn
Takist John Snorra að komast á
topp K2 verður hann fyrsti Íslend-
ingurinn sem kemst alla leið á topp-
inn á þessu þekkta fjalli að sögn
Hjördísar.
Framundan er einn hættulegasti
kafli leiðarinnar, þ.e. frá búðum þrjú
upp í búðir fjögur, en John Snorri er
í góðum hópi að sögn Hjördísar.
„Hópurinn samanstendur þessa
stundina af John Snorra og tveimur
Kínverjum ásamt þremur sérpum,
sem allir eru mjög vanir, en einn
þeirra hefur sjálfur farið alla leið
upp,“ sagði hún og hélt áfram: „Aðrir
sem eru á sömu leið eru tveir Banda-
ríkjamenn og einn göngumaður frá
Sjanghæ. Eina konan sem er í hópn-
um er frá Bandaríkjunum og hún
stefnir á að verða fyrsta bandaríska
konan sem kemst á topp K2.“
Erfiðasti kaflinn eftir upp á tind K2
Ljósmynd/Líf styrktarfélag
Fjallganga Leiðin á topp K2 er engin sunnudagsganga enda er K2 talið eitt
erfiðasta fjall heims að klífa og aðeins rúmlega 300 hafa komist þangað upp.
Íslendingurinn John Snorri Sigurjónsson er kominn í búðir 3 á næsthæsta og erfiðasta fjalli heims
Hátt í 3.000 manns voru í Árbæjarsafni í Reykja-
vík í gær þegar Brúðubíllinn mætti þangað með
allt sitt fylgdarlið til þess að skemmta yngstu
kynslóðinni. Krakkarnir, sem fylgdust spenntir
með ævintýrum skrautlegu brúðanna, voru sum-
arlega klæddir enda veður milt.
Morgunblaðið/Ófeigur
Um 3.000 manns
fóru í Árbæjarsafn
Starf borgarlög-
manns var aug-
lýst á dögunum
og er umsóknar-
frestur runninn
út. Samkvæmt
heimildum Morg-
unblaðsins voru
einungis tveir
umsækjendur
um starfið, þ.e.
hæstaréttar-
lögmennirnir Ástráður Haraldsson
og Ebba Schram, sem gegnt hefur
stöðu staðgengils borgarlögmanns.
Gerð var sú krafa að umsækj-
endur um stöðu borgarlögmanns
hefðu málflutningsréttindi fyrir
Hæstarétti. Sú krafa hefur ekki
verið gerð áður, en það þótti nauð-
synlegt að gera hana nú vegna
fjölda mála sem Reykjavíkurborg
hefur aðkomu að fyrir Hæstarétti.
Starf borgarlögmanns felur í sér
að vera í fyrirsvari fyrir Reykjavík-
urborg og stofnanir hennar um lög-
fræðileg málefni.
Ákvörðun um ráðningu verður
að öllum líkindum tekin á næsta
fundi borgarráðs, sem fram fer eft-
ir tvær til þrjár vikur. athi@mbl.is
Einungis
tveir sóttu
um stöðuna
Brátt ráðið í starf
borgarlögmanns
Borgarráð tekur
ákvörðun fljótlega.
Fjallið er talið eitt það hættu-
legasta í heiminum, en fyrir
hverja hundrað fjallgöngumenn
sem komist hafa á topp fjallsins
hafa 29 dáið við að reyna. Að-
eins 306 hafa komist alla leið á
toppinn.
Til samanburðar hafa um
5.600 manns gengið á hæsta
fjall heims, Everest, sem er
8.848 metra hátt, en K2 er
8.611 metrar.
Hættulegt
ERFIÐASTA FJALL HEIMS
Jökulsárlón á
Breiðamerkur-
sandi og nær-
liggjandi svæði
verður í dag
formlega frið-
lýst sem hluti
Vatnajökuls-
þjóðgarðs. Björt
Ólafsdóttir, um-
hverfis- og auð-
lindaráðherra,
mun undirrita reglugerð um frið-
lýsinguna við Jökulsárlón eftir
hádegi. Að undirritun lokinni
bjóða Vatnajökulsþjóðgarður og
ráðherra til móttöku í tilefni frið-
lýsingarinnar við Fjallsárlón, en
það er meðal þeirra svæða sem
nú ganga inn í þjóðgarðinn.
Íslenska ríkið keypti jörðina
Fell austan Jökulsárlóns í upphafi
ársins. Ríkið nýtti þar forkaups-
rétt sinn á grundvelli laga um
náttúruvernd, en jörðin er á nátt-
úruminjaskrá. Jörðin hafði áður
verið seld til félagsins Fögru-
steina síðastliðið haust. Söluverð
jarðarinnar var 1.520 milljónir
króna.
Jökulsárlón og ná-
grenni friðlýst í dag
Jökulsárlón verður
hluti þjóðgarðsins.