Morgunblaðið - 25.07.2017, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 25. JÚLÍ 2017
Agnes Bragadóttir
agnes@mbl.is
Flugmaður, sem var á dögunum að ferja flug-
vél vísindaleiðangurs frá Íslandi til Monterey
í Kaliforníu, náði mynd sem sýnir gufubólstra
upp úr Grænlandsjökli. Um bandarískan leið-
angur var að ræða, sem Hafliði Helgi Jóns-
son, prófessor við veðurfræðideild Flotahá-
skólans í Monterey, fór fyrir og greint var frá
í Morgunblaðinu 27. apríl sl., þar sem stund-
aðar voru rannsóknir á samspili hafíssins og
lofthjúpsins á Grænlandssundi.
Björn Erlingsson hafeðlisfræðingur, sem
aðstoðaði leiðangurinn, fékk myndina senda
frá Hafliða.
„Þeir voru með beina línu milli staða frá
Syðri-Straumsfirði yfir til Kúlúsúk. Þá sá
annar flugmaðurinn reyk sem kom upp úr
Grænlandsjökli og hann hélt fyrst að hann
væri að verða vitni að flugslysi,“ sagði Björn í
samtali við Morgunblaðið í gær. Flugmað-
urinn hafi fljótt áttað sig á því að ekki hafði
orðið flugslys og því telji hann að þetta hafi
verið gufubólstrar.
Björn segir að á því svæði þar sem gufu-
bólstrarnir sáust sé jökullinn yfir eins kíló-
metra þykkur, jafnvel 2 kílómetrar að þykkt,
þannig að það þurfi gríðarlega mikið til undir
jöklinum til að þess sjáist merki á yfirborði
hans.
„Það var nú bara vegna þessa sem ég vildi
vekja athygli á þessari mynd frá ferjuflug-
manninum.
Flugmaðurinn var snöggur að taka mynd-
ina sem ég fékk senda, en hann missti af
fyrsta bólstrinum. Hafliði sagði mér í tölvu-
pósti að Jon flugmaður hefði sagt sér að
fyrsti gufubólsturinn sem hann sá, og missti
af að mynda, hefði verið mun stærri en þeir
tveir sem hann náði á mynd. Myndin var tek-
in í um 13 þúsund feta hæð,“ sagði Björn.
Björn segir að forvitni sín hafi verið vakin,
þegar hann skoðaði myndina, því hann hafi
aldrei heyrt að mögulega væri jarðhiti undir
Grænlandsjökli. „Ég er ekki fagmaður á þessu
sviði, því ég er hafeðlisfræðingur, svo ég sendi
myndina áfram á Harald Sigurðsson eldfjalla-
fræðing. Þessir ferjuflugmenn eru mjög sjóað-
ir og hafa flogið mikið. Þeir gera sér alveg
grein fyrir á hvað þeir eru að horfa, og í þeirra
augum var þetta mjög óvenjuleg sjón, og ég
vil endilega að þar til bærir sérfræðingar
rannsaki frekar hvaða fyrirbæri þessir gufu-
bólstrar eru,“ sagði Björn.
Eitthvað að gerast þarna
Björn segir að eftir að Haraldur Sigurðsson
bloggaði um fyrirbærið á Grænlandsjökli hafi
skapast heilmikil umræða um málið. Haraldur
sagði m.a. á heimasíðu sinni, eftir að hann
fékk myndina frá Birni: „Menn hafa ekki tekið
eftir þessu fyrr en núna. Það er eitthvað að
gerast þarna. Við vitum bara ekki hvað það
er.“
„Ég lít þannig á að mínu hlutverki sé í raun
lokið, því mér og Hafliða tókst að vekja at-
hygli á fyrirbærinu og við vonum auðvitað að
það verði rannsakað nánar og teljum fyllstu
ástæðu til þess,“ sagði Björn.
Er jarðhiti undir Grænlandsjökli?
 Ferjuflugmaður myndaði fyrirbæri á jöklinum sem gæti verið gufubólstrar  Björn Erlingsson haf-
eðlisfræðingur telur fyllstu ástæðu til að rannsaka bólstrana  Jökullinn jafnvel 2 kílómetrar að þykkt
Ljósmynd/wings.jon
Grænlandsjökull Myndin vekur spurningar um það hvort jarðvarmi sé undir jöklinum.
Grágæsir hafa gert sig heimakomnar á gatnamótum við
Stekkjarbakka í Reykjavík. Þær rölta þar sultuslakar yfir
veginn til að komast í tjörn þar rétt hjá og aftur til baka. Kan-
ína hafði lætt sér í hópinn í gær án þess að gæsirnar kipptu
sér upp við það. Ökumenn sætta sig við sambýlið við gæsirnar
að mestu leyti, en þó leggjast stundum einhverjir á flaut-
urnar. Það raskar ekki ró gæsanna sem ganga á sínum hraða
yfir veginn. Að sögn Þóru Jónsdóttur, aðstoðaryfirlög-
regluþjóns á lögreglustöð 3 við Dalveg, hafa kvartanir ekki
borist vegna gæsanna á þessum stað. Guðbrandur Sigurðsson,
aðalvarðstjóri umferðardeildar lögreglunnar, segir aftan-
ákeyrslur við Tjörnina í Reykjavík mega rekja til gæsagangs.
Sambýli gæsa og manna í höfuðborginni getur tekið á sig ýmsar myndir
Morgunblaðið/Hanna
Gæsir á gatnamótum taka sér þann tíma sem þær þurfa
koma úr sumarfríi. Það er best að allt
viðhald fari fram þegar það er ekki
starfsemi í skólanum, en fyrst þurfum
við að fá að vita hvernig eigi að for-
gangsraða og hvort það sé vilji til að
fara í endurbætur,“ segir hún.
Vilja að viðhaldi sé sinnt
Kristín Ólafsdóttir, sem situr í
stjórn félags foreldra leikskólabarna í
Reykjavík, segir ástandið á leikskól-
unum í Reykjavík vera áhyggjuefni
og gagnrýnir forgangsröðun Reykja-
víkurborgar í þeim málum.
„Okkur finnst þetta áhyggjuefni og
höfum bent á að það þurfi meira fjár-
magn í þennan í geira,“ segir Kristín
og bætir við að foreldrafélagið var á
móti þeirri forgangsröðun að lækka
leikskólagjöldin. „Við vorum ekki
með því lækka leikskólagjöldin, það
var ekki forgangsmál hjá okkur.
Reykjavíkurborg var með eitt af
lægstu gjöldunum fyrir þannig að
Magnús Heimir Jónasson
mhj@mbl.is
„Það er alveg ljóst og vitað að ástand
leikskólabygginga er mjög slæmt og
við höfum fengið ábendingar um
slæmt viðhald bæði frá leikskólastjór-
um og eins frá foreldrum,“ segir
Marta Guðjónsdóttir, borgarfulltrúi
Sjálfstæðisflokksins, en fulltrúar
flokksins í borginni óskuðu eftir upp-
lýsingum um ástand og viðhald á leik-
skólum Reykjavíkurborgar á síðasta
fundi borgarráðs.
„Við fulltrúar í Sjálfstæðisflokkn-
um í skóla- og frístundaráði höfum
verið að heimsækja leikskóla borgar-
innar og fengið ábendingar um van-
rækt viðhald og mjög slæmt ástand
víða,“ segir Marta, en hún vonast eftir
því að fá svör frá Reykjavíkurborg á
næsta fundi borgarráðs.
„Ég vona að þetta taki ekki langan
tíma því nú fara allir leikskólarnir að
okkur fannst það ekki það brýnasta.
Við hefðum frekar vilja að eðlilegu
viðhaldi væri sinnt,“ segir hún.
Þörf á nýrri stefnu í Reykjavík
„Það er búið að leka hjá okkur lengi
og það var alveg vitað. Það er almennt
skortur á viðhaldi á leikskólum hjá
Reykjavíkurborg,“ segir Guðrún
Gunnarsdóttir, leikskólastjóri leik-
skólans Kvistaborgar, en nýverið
komst upp um myglu í leikskólanum.
„Það var vitað um lekann hjá okkur í
mörg ár, en þeir [Reykjavíkurborg]
hafa ekki haft nein úrræði eða fjár-
magn til að fara í almennilegt við-
hald,“ segir Guðrún, en viðgerðir
vegna myglunni fóru fram nú í sumar.
Aðspurð segir hún að leikskólastjórar
hafa rætt málið við borgina lengi.
„Við tölum alveg um þetta á leik-
skólastjórafundum, þar sem okkar yf-
irmenn eru, um hvað viðhaldi er
ábótavant. Því því er mjög ábóta-
vant,“ segir Guðrún. Hún segir að
svörin frá Reykjavíkurborg hafa ver-
ið dræm, en málið snúist um pólitík og
forgangsröðun.
„Á sama tíma og borgin telur svig-
rúm til lækkana leikskólagjalda vita
allir að leikskólinn er sveltur, þar
vantar bæði leikskólakennara, fjár-
magn í annan rekstur og viðhald og
endurnýjun á lóðum, húsum og bún-
aði er í sögulegu lágmarki. Ég hefði
viljað sjá stjórnmálamennina þora að
breyta yfirlýstri stefnu sinni í þessu
máli,“ segir Guðrún.
Viðhald á leikskólum óviðunandi
 Ábendingar um slæmt viðhald á leikskólum frá foreldrum og leikskólastjórum  Reykjavíkurborg
vanrækt viðhald lengi  Félag foreldra leikskólabarna í Reykjavík gagnrýnir forgangsröðun borgarinnar
Mygla Myndirnar sýna myglu í veggjum leikskólans Kvistaborgar í Reykja-
vík. Leikskólastjóri segir að vitað hafi verið um leka á leikskólanum lengi.