Morgunblaðið - 31.07.2017, Page 2

2 FRÉTTIRInnlent
MORGUNBLAÐIÐ MÁNUDAGUR 31. JÚLÍ 2017
Velkomin í
Ferðafélag Íslands
Skráðu þig inn
– drífðu þig út
FERÐAFÉLAG ÍSLANDS | Sími 568 2533 | www.fi.is
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Axel Helgi Ívarsson
axel@mbl.is
Seinna lundaralli fer senn að ljúka,
en einungis á eftir að vitja um varp-
árangur lunda í Vestmannaeyjum,
að sögn Erps Snæs Hansen, sviðs-
stjóra vistfræðirannsókna hjá Nátt-
úrustofu Suðurlands. Að því loknu
verður hægt að bera saman hvernig
staðan er í heild miðað við undan-
farin ár, segir Erpur í samtali við
Morgunblaðið.
Stefna á viðbótarferð til Eyja
„Athugunin í Vestmannaeyjum
tekur tvo daga. Við förum þangað
sennilega í miðri viku,“ segir Erpur.
Þá bætir hann við að til standi að
fara aftur til Vestmannaeyja seinna í
ágúst. Er það vegna þess að varp
var nokkuð seint í ár, að sögn Erps,
og eru ungarnir því lengur á svæð-
inu; allt fram í seinni hluta septem-
ber og byrjun október.
Síðustu daga hefur starfslið Nátt-
úrustofu Suðurlands verið við athug-
anir í Dyrhólaey, Grímsey á Stein-
grímsfirði og í Vigur. Sagt er frá
athugunum lundarallsins á Face-
book-síðu Náttúrustofu Suðurlands.
Þar segir m.a. að í Dyrhólaey sé
varpárangur þokkalegur. Þá sé
ástand í Grímsey á Steingrímsfirði
„nokkuð gott“ og varpárangur þar
80%. Mjög fjölbreytt fæða sé hjá
fuglum í Vigur og varpárangurinn
86%.
Sérstaklega var tekið eftir miklu
sílaæti þegar athuganir í seinna
lundaralli hófust í miðjum júlí. Erp-
ur segir enn fremur að síli séu komin
aftur í miklu magni í Faxaflóa. Þá
hafi einnig verið mikið um síli norð-
anlands en í ár var meira þar um
loðnu í fæði lundans, segir Erpur.
Seinna lundaralli lýkur senn
Morgunblaðið/Eggert
Lundar Varpið var seint á ferð í ár.
 Varpárangur telst nokkuð góður víðs vegar um land
Veðrið hefur leikið við höfuðborgarbúa undan-
farna daga og hefur miðbær Reykjavíkur því
einkennst af lífi og alls kyns uppákomum. Þessi
unga kona kom sér fyrir í Austurstræti, með gul-
an sjóhatt á höfði, og skoraði á hvern þann sem
þar gekk í sjómann. Konan fór þó ekki í einu og
öllu að reglum leiksins, líkt og sjá má á meðfylgj-
andi ljósmynd, því er hún tókst á við þennan
mann beitti hún báðum höndum í von um sigur.
Morgunblaðið/Árni Sæberg
Öllum brögðum beitt í von um sigur
Miðborg Reykjavíkur iðaði af lífi í sumarsólinni
Lögreglan leitaði enn í gærkvöldi
að tveimur karlmönnum eftir vopn-
að rán í Pétursbúð í Vesturbæ
Reykjavíkur um klukkan 18 í gær.
Kom annar mannanna inn í versl-
unina, ógnaði afgreiðslustúlku með
barefli og hafði á brott með sér tób-
ak og peninga. Að sögn lögreglu
beið hinn maðurinn fyrir utan á
meðan á ráninu stóð.
Jóhann Karl Þórisson, stöðvar-
stjóri lögreglunnar á Hverfisgötu,
sagði við mbl.is í gær að afgreiðslu-
stúlka verslunarinnar hefði brugð-
ist hárrétt við. „Hún afhenti það
sem um var beðið og ýtti svo á
neyðarhnappinn,“ sagði Jóhann.
Almennir lögreglumenn nutu að-
stoðar sérsveitar ríkislögreglu-
stjóra á vettvangi, en fjölmennt lið
lögreglu var kallað út.
Leitað að
tveimur eftir
vopnað rán
 Afgreiðslustúlku
ógnað með barefli
Axel Helgi Ívarsson
axel@mbl.is
Horfa þyrfti til langtímastefnumót-
unar varðandi orkuskipti í sam-
göngum, segir Runólfur Ólafsson,
framkvæmdastjóri FÍB, við fyrir-
spurn Morgunblaðsins um hvort sá
möguleiki sé fyrir hendi hér á landi
að segja skilið við notkun jarðefna-
eldsneytis í bifreiðum. Yfirvöld í
Bretlandi og Frakklandi hafa á síð-
ustu vikum tilkynnt að þau muni
banna sölu á bensín- og dísilbílum
frá og með árinu 2040.
„Þróunin er jákvæð og ör í bif-
reiðageiranum um þessar mundir.
Við erum líka að horfa á miklar
breytingar í samgöngum og sam-
göngutækni,“ segir Runólfur. Hann
segir að í augnablikinu þurfi ekki að
hafa miklar áhyggjur af notkun
bensín- og dísilbíla hér á landi.
Hann á þó von á að rafbílum muni
fjölga verulega hér á næstu árum.
Runólfur bendir á að sniðugt
væri að fylgja skrefum Norðmanna
í stefnumálum til rafbílavæðingar.
„Þar hafa stjórnvöld markað þessa
stefnu vel og reynt að sjá málið frá
öllum hliðum og það er nokkuð sem
væri mjög jákvætt að sjá innleitt
hér.“
Tækifærin fyrir hendi
Spurður hvort hár aldur bílaflota
Íslendinga geti leikið hlutverk þeg-
ar kemur að því að skipta yfir í
græna orku segir Runólfur tæki-
færin vissulega fyrir hendi. Kaup á
raf- og tvinnbílum hafi aukist á síð-
ustu misserum. Grundvallaratriði sé
þó að stjórnvöld marki skýra stefnu
í málum sem þessum, að sögn Run-
ólfs. „Við þurfum að hugsa aðeins
lengra en til næsta árs. Það er
nokkuð sem við verðum að læra af
þjóðunum í kringum okkur.“
Özur Lárusson, framkvæmda-
stjóri Bílgreinasambandsins, segir
allar aðstæður ágætar hérlendis
hvað framleiðslu rafmagns snertir
fyrir verkefni sem þetta. Hins veg-
ar þurfi að gera stórátak í dreifingu
á því, þ.e. uppsetningu hleðslu-
stöðva fyrir rafmagnsbíla um land
allt.
Özur tekur í sama streng og
Runólfur um að stjórnvöld þurfi að
marka stefnu til langs tíma sé vilj-
inn fyrir hendi. „Það er ekki hægt
að taka skyndiákvarðarnir, líkt og
þegar nýverið heyrðust raddir þess
efnis að dísilbílar menguðu meira
og þá ætti helst á morgun bara að
hækka álögur á dísilbíla,“ segir
Özur. Hann bætir við að á sínum
tíma hafi það verið stjórnvöld sem
hvöttu almenning til aukinnar notk-
unar á dísilbílum og að um helm-
ingur bílaflota Íslendinga sé dísil-
bílar.
Spurður hvort Bílgreinasam-
bandið myndi glatt taka skref í þá
átt að skipta yfir í rafbíla kveður
Özur já við. „Þ.e.a.s. ef innviðir hér-
lendis bjóða upp á það og ef það
verður ofan á,“ segir hann. Þá nefn-
ir Özur að bæði Hyundai og Toyota
líti til framleiðslu á bílum sem séu
alfarið knúnir vetni til þess að
keppa við rafmagnsbíla.
Réttast að fara vel yfir kosti
„Það þarf aðeins að anda með
nefinu í þessum málum. Gríðarleg
þróun er í bílaheiminum. Aldrei hef-
ur jafnmikið gerst á svo skömmum
tíma og að auki er séð fram á mikl-
ar breytingar í samgöngum. Að
rjúka á eitthvað eitt er mjög var-
hugavert að mínu mati,“ segir Özur.
Langtímaáætlun er frumskilyrði
 Gríðarleg þróun í bílaheiminum Tækifærin eru fyrir hendi  Sífellt fleiri ríki líta til grænni orkugjafa
Morgunblaðið/Hallur Már Hallsson
Hleðslustöð Bæta þarf innviði til
þess að mæta þróun bílgeirans.
Morgunblaðið/Ófeigur
RLS Sérsveitin var m.a. kölluð út.