Víkurfréttir - 09.10.2003, Page 23

VÍKURFRÉTTIR I 41. TÖLUBLAÐ I FIMMTUDAGURINN 9. OKTÓBER 2003 I 23
➤ F R É T T I R Ú R G A R Ð I N U M
Undirbúningur fyrir afmælishátíð í Garði á fullu
Undirbúningur vegna væntanlegrar sýningar í Íþróttamiðstöðinni í
Garði helgina 17. til 19.október er nú á fullu. Á sýningunni verður
starfsemi þeirra fyrirtækja sem eru í Garði kynnt fyrir gestum, auk
þess sem varningur verður boðinn til sölu. Sýningin er haldin í tilefni
af 10 ára afmæli íþróttamiðstöðvarinnar í Garði og 95 ára afmæli
byggðarlagsins. Eins og fram hefur komið er áhugi mikill meðal
heimamanna að sýning þessi geti tekist sem best. Nú er unnið að því
að útbúa dagskrá fyrir afmælishátíðina.
Víkurfréttir með afmælisblað Gerðahrepps
Í tengslum við afmæli Gerðahrepps og Íþróttamiðstöðvarinnar í Garði
hefur Gerðahreppur samið við Víkurfréttir um útgáfu á sérstöku af-
mælis- og sýningarblaði. Blaðið mun fjalla ítarlega um afmælishátíð-
ina og einnig verður mannlífinu í Garði gerð góð skil í blaðinu, sem
hlotið hefur nafnið Garðurinn - byggða bestur!
Dansleikur í Samkomuhúsinu
Í tengslum við afmælissýninguna 17.til 19. október í Íþróttahúsinu
mun Unglingaráð Víðis standa fyrir dansleik í Samkomuhúsinu laug-
ardaginn 18.október. Dansleikurinn verður frá kl.23:00 til 03:00. Stór-
sveit Siggu Beinteins og Bjarna Ara leikur fyrir dansi. Aldurstakmark
er 20 ár og verð aðgöngumiða verður kr. 1.500. Forsala miða verður í
bás Unglingaráðs Víðis á sýningunni í Íþróttahúsinu.
Hnefaleikakeppni fer fram í íþróttamiðstöðinni í Garð-inum nk. laugardag í tilefni 10 ára afmælist miðstöðv-arinnar. Fimm bardagar verða háðir og hefst keppnin
klukkan 20:00. Aðalbardagi kvöldsins veðrur á milli Bjarka
Bragasonar sem kosinn var boxari kvöldsins á boxkeppninni
á Ljósanótt og Þorkels Óskarssonar eða Kela eins og hann er
jafnan kallaður. Þorkell er að heyja sinn fyrsta bardaga.
Tómas Guðmundsson úr Grindavík mun einnig taka þátt í
keppninni við boxara úr Reykjavík og Vikar Karl Sigurjóns-
son mun einnig taka á móti boxara úr Reykjavík. Guðjón Vil-
helm hjá BAG segist eiga vona á skemmtilegu og spennandi
kvöldi.
BOXAÐ
í Garðinum
VF 41. tbl. 2003 8.10.2003 12:13 Page 23