Víkurfréttir - 12.02.2004, Side 17

VÍKURFRÉTTIR I 7. TÖLUBLAÐ 2004 I FIMMTUDAGURINN 12. FEBRÚAR 2004 I 17
Umsjón: Þorgils Jónsson • sími 868 7712
sport@vf.is
Keflavíkurstúlkur eruBikarmeistarar KKÍ ogLýsingar eftir frækileg-
an sigur á KR, 72-69 síðastlið-
inn laugardag.
Í byrjun leiks gekk lítið upp hjá
hvorugu liðinu og eftir 3 mínútna
leik var staðan 3-0 fyrir KR.
Keflvíkingar skoruðu ekki fyrr
en eftir 4 mínútur sem þykir ekki
frambærilegt á þeim bænum og
lengi vel leit út fyrir að stúlkurn-
ar gerðu aðra fýluferðina í Höll-
ina í röð þar sem ekkert gekk
upp hjá þeim. Í sókninni hittu
þær illa úr skotum sínum og gáfu
oft og tíðum óvandaðar sending-
ar sem rötuðu í hendur KR. Þá
fóru Katie Wolfe og Hildur Sig-
urðardóttir oft illa með Keflavík-
urvörnina, en dagskipunin fyrir
leikinn var að taka þær tvær úr
umferð eins og hafði verið gert
með góðum árangri í síðustu
leikjum liðanna.
Í hálfleik var staðan 27-31, KR í
vil þar sem Keflvíkingar virtust
alveg heillum horfnar og seinni
hálfleikur bauð upp á sömu dag-
skrá og voru stuðningsmenn
þeirra sumir orðnir hræddir um
að bikarinn væri að renna þeim
úr greipum annað árið í röð.
Þegar 4 mínútur lifðu enn af
leiknum voru KR-stúlkur komn-
ar með 11 stiga forskot og var allt
útlit fyrir að bikarinn yrði í Vest-
urbænum næsta árið. Þá fóru
hlutirnir loks að ganga upp í
sókninni hjá Keflavík og vörnin
setti í lás. Reynsla Keflvíkinga
fór loks að skila sér þar sem
smám saman saxaðist á forskot
KR-inga og þegar ein mínúta var
eftir setti Erla Reynisdóttir
þriggja stiga körfu sem minnkaði
muninn í þrjú stig, 66-69. Kefl-
víkingar skoruðu svo síðustu sex
stig leiksins og tryggðu sér sigur.
Á þessum síðustu 4 mínútum
skoruðu Keflavíkurstúlkur 15
stig á móti 4 stigum KR þar sem
nöfnurnar Erla Þorsteinsdóttir og
Erla Reynisdóttir skoruðu öll stig
síns liðs.
Hjörtur Harðarson, þjálfari bikar-
meistaranna, var að vonum him-
inlifandi með titilinn, en var síður
en svo sáttur við spilamennskuna
hjá sínum stelpum í heildina litið.
„Við vorum að spila illa 80% af
leiknum þar sem við tókum léleg
skot og vorum ekki að berjast í
sóknarfráköstunum eins og KR-
ingarnir. En svo undir lokin sáum
við að við höfðum engu að tapa
og létum vaða á þetta. Það sýnir
auðvitað ákveðinn styrk að geta
unnið svona stórleiki eins og
þennan þrátt fyrir að spila svo illa
mestan tímann, en KR voru mjög
sterkar í leiknum og spiluðu vel.“
Svava Stefánsdóttir var fremst
meðal jafningja í meistaraliðinu
þar sem hún skoraði 15 stig eins
og Erla Þorsteinsdóttir. Þá var
Anna María Sveinsdóttir geysi-
lega drjúg að venju og lauk leikn-
um með 14 stig og 15 fráköst og
vann þar með 11. bikartitilinn á
ferlinum.
Hjá KR átti Katie Wolfe stórleik
og skoraði 30 stig og Hildur Sig-
urðardóttir gerði 19 og tók 10
fráköst.
Erlurnar kláruðu KR
Ví
ku
rfr
ét
ta
m
yn
d:
To
bí
as
Sv
ei
nb
jö
rn
ss
on
7. tbl. 2004 umbrot HEIMA 11.2.2004 13:34 Page 17