Víkurfréttir - 26.02.2004, Blaðsíða 12

stuttar
f r é t t i r
12 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Ég hef heyrt þess getið að mikil fjár-útlát undanfarin misseri hafi veriðraunin hjá núverandi bæjarstjórn
Reykjanesbæjar. Ég ætla
mér ekki í dómarasæti enda
ekki sett mig inn í ársreikn-
inga bæjarins.
Hitt er annað að mér finnst
bærinn orðinn hinn glæsileg-
asti og vonast til þess að
framkvæmdagleði núverandi
bæjarstjórnar verði ekki bæjarfélaginu ofviða
og skili sér síðar í formi aukinna tekna. Auð-
vitað verður að gæta hófsemi og tryggja já-
kvæða fjárhagslega afkomu Reykjanesbæjar,
en eins og áður sagði hef ég ekki sett mig inn
í fjármálin hjá bænum.
Mikil umræða hefur verið syðra vegna dapurs
atvinnuástands. Varnarliðið, Íslenskir Aðal-
verktakar og fleiri fyrirtæki hafa sagt upp
fjölda starfsmanna á allra síðustu mánuðum
og samkvæmt síðustu fréttum er mjög ólík-
legt að stálpípuverksmiðja verði sett á lagg-
irnar á Reykjanesi. Atvinnuleysið er það
hæsta sem þekkist í stærri byggðum á Íslandi.
Barlómurinn er því ekki að ástæðulausu en
hvað gæti verið til ráða miðað við núgildandi
lög og reglur ?
Hugmyndir: Sykurverksmiðja & pappírsverksmiðja ?
Íslendingar flytja inn u.þ.b. 10.000 tonn af
sykri á ári. Öll þekkjum við danska sykurinn
en hann verið fluttur inn í miklu magni um
margra ára skeið. Hugmyndum hefur verið
varpað fram hvort við Íslendingar getum sett
á fót sykurverksmiðju. Verksmiðja af þessari
stærðargráðu biður um mikla orku. Því hafa 3
byggðarlög verið nefnd sem ákjósanlegir
kostir fyrir staðsetningu slíkrar verksmiðju.
Húsavík, Hveragerði og Reykjanesbær. Öll
þessi byggðalög er í nálægð við jarðvarma-
svæði. Árleg velta á slíku fyrirtæki gæti hugs-
anlega orðið 6000-9000 milljónir íslenskra
króna. Við Íslendingar flytjum inn mikið
magn af sykri frá dönskum pökkunarverk-
smiðjum en þar eru vinnulaun síst lægri og
orkan í raun dýrari.
Íslendingar flytja inn reiðinnar býsn af pappír,
um 25.000 - 30.000 tonn. Stærstu kaupend-
urnir eru að sjálfsögðu stóru prentsmiðjurnar
sem bæði prenta símaskrána, dagblöðin, hér-
aðsfréttablöðin, skrifstofupappír og ýmis kon-
ar auglýsingapistla. Við þennan iðnað þarf
timbur og orku. Árleg velta á slíku fyrirtæki
gæti verið frá 3000-6000 milljónum íslenskra
króna.
Sandgerði & Reykjanesbær sem stór
handhafi aflaheimilda ?
Kvótalögin eru því miður enn í gildi og í sér-
stöku uppáhaldi ef ekki ástfóstri núverandi
ríkisstjórnar.
Nýlega seldi Landsbankinn öflug sjávarút-
vegsfyrirtæki út á landsbyggðinni. T.a.m.
keyptu feðgar frá Snæfellsnesi Útgerðarfélag
Akureyrar fyrir u.þ.b. 9 milljarða íslenskra
króna. Kvótinn hjá Ú.A er um 20.000 tonn.
Ég hef velt því fyrir mér hvort það hefði verið
gáfulegt fyrir Reykjanesbæ og Sandgerðisbæ
að kaupa Ú.A. Ég hef skoðað þessa hugmynd
frá því sjónarhorni að Reykjanesbær myndi
leigja frá sér aflaheimildir með aðstoð Fisk-
markaðs Suðurnesja. Miðað við ríkjandi
ástand myndu tekjur af slíku uppboði vera
u.þ.b. 2 milljarðar á ári eða 20% kaupverðs-
ins. Aðrar tekjur myndu koma í kjölfarið, í
veltu útgerðar og fiskvinnslu og öðrum þjón-
ustugreinum tengdum sjávarútvegi. Því
myndu útsvarsgreiðslur einnig stóraukast.
Auðvitað yrðu skilyrði sett fyrir leigu afla-
heimilda. T.a.m. að öll leiga yrði til útgerða
innan svæðisins. Öllum fiski yrði landað á
fiskmarkað sem vissulega myndi efla fisk-
vinnslu á svæðinu. Ég er nokkuð viss um að
tími bæjarútgerðanna í því formi sem þær
voru er liðinn.
En þessi hugmynd sem hér er varpað fram
með grófum lýsingum er kannski ekki svo
galin. Gjöld vegna leigu á aflaheimildum
myndu dragast af viðkomandi útgerð þegar
fiskmarkaður greiðir til útgerðarinnar fyrir
söluna á hráefninu. Fiskmarkaður myndi skila
tekjunum frá sér viku eða mánaðarlega til
kaupstaða sem fjármögnuðu kvótakaupin.
Hér er eingöngu valhoppað á hugmyndum
sem hægt væri að koma við innan þess lag-
aramma sem er ríkjandi í fiskveiðistjórnun Ís-
lendinga í dag. Frjálslyndi flokkurinn hefur
hins vegar á sinni stefnuskrá að breyta lögun-
um og koma á langtum hollari stjórnun á
fiskveiðum Íslendinga.
Nýtt bæjarmálafélag ?
Það er metnaður hjá Frjálslynda flokknum að
stofna bæjarmálafélög víða um land. Undan-
farin misseri hef ég undirbúið af miklum
krafti stofnun bæjarmálafélags Frjálslynda
flokksins í Hafnarfirði en við stefnum að veg-
legum stofnfundi um næstu helgi. Fylgi
Frjálslyndra í Hafnarfirði er öflugt. Má því
telja líklegt að nýtt félag í Hafnarfirði muni
standa að framboði til sveitastjórnakosninga
þegar þar að kemur. Ekki eru nema örfáar
vikur frá stofnun viðlíka félags á Húsavík.
Ég bið alla sem áhuga hafa á nýjum bæjar-
málaflokki í Keflavík að hafa samband við
undirritaðan þingmann eða höfuðstöðvar
flokksins í Reykjavík.
Þakka þeim sem lásu.
Gunnar Örn Örlygsson
Alþm. Frjálslynda flokksins
Mótmæli
við fyrirhug-
aða hækk-
un raforku-
verðs
Verði ný raforkulögsamþykkt óbreytt áþingi og hugmyndir
me ir ih lu ta
„19 manna
nefndar“ um
flutning og
dreifingu raf-
orku að veru-
leika, bendir
flest til að
75% landsmanna muni
þurfa að greiða amk. 10-
20% hærra raforkuverð frá
því sem nú er. Þetta er niður-
staða forsvarsmanna þriggja
orkufyrirtækja sem veita
þjónustu til 75% lands-
manna.
Sem forsvarsmaður Reykja-
nesbæjar mótmæli ég þessari
fyrirhuguðu hækkun á íbúa
harðlega. Fulltrúar í bæjarráði
Reyjanesbæjar hafa nýlega
fjallað um tillögur að breyt-
ingum og lýsa einum rómi
yf ir miklum áhyggjum af
auknum kostnaði sem sendur
yrði á neytendur.
Orsök þessarar hækkunar
virðist í megin atriðum vera sú
að ríkið ætlar sér að ná aukn-
um tekjum í gegnum óarðbær
fyrirtæki, á kostnað mikils
meirihluta landsmanna. Það er
algjörlega óviðunandi. Sé vilji
til að lækka raforkuverð hjá
litlum hluta landsmanna ber
að gera það með öðrum leið-
um en að senda reikning á
75% landsmanna í gegnum
hærra raforkuverð.
Við treystum á að Alþingi láti
þetta ekki gerast!
Virðingarfyllst,
Árni Sigfússon,
bæjarstjóri Reykjanesbæjar
Komið hefur verið fyrirsjónvörpum fyrir fram-an upphitunartæki í lík-
amsræktarstöðinni Perlunni í
Sundmiðstöð Keflavíkur, en í
októbert á síðasta ári flutti lík-
amsræktarstöðin starfsemi
sína í sundmiðstöðina.
Sigríður Kristinsdóttir eigandi
Perlunnar sagði í samtali við Vík-
urfréttir að nýju skjáirnir breyti
miklu fyrir notendur stöðvarinn-
ar. „Nú getur hver og einn horft á
það sem honum langar á meðan
hann hitar upp fyrir æfingar, en
með nýju skjánum er einnig
betra hljóðkerfi. Einnig voru
keyptar tvær nýjar skíðavélar
þannig að nú eru níu upphitunar-
tæki í stöðinni.“ Að sögn Sigríð-
ar fóru kennarar og einkaþjálfar-
ar á námskeið til Blackpool í
Bretlandi þar sem þeir kynntu sér
það nýjasta í þjálfun og kennslu
sem mun nýtast í stöðinni. „Við
höfum verið með eitt námskeið í
sundleikfimi í Njarðvíkursund-
laug og var aðsóknin og árangur-
inn það góður að nýtt námskeið
er þegar hafið og verður héðan í
frá boðið upp á námskeiðin með
reglulegum hætti,“ sagði Sigríð-
ur. Í Perlunni er einnig boðið upp
á leikfimi, spinning, jóga, með-
göngu jóga, lyftingatíma og tae
bo leikfimi. Sigríður segir að vel
sé fylgst með því sem sé að ger-
ast í heimi líkamsræktarinnar og
að stöðin leggi áherslu á að þjóna
öllum aldurshópum. „Takmark
okkar er að þjóna fólki sem best
og láta því líða vel við að rækta
líkama sinn.“
➤ G U N N A R Ö R N Ö R LY G S S O N A L Þ I N G I S M A Ð U R S K R I F A R
Framtíð Reykjanesbæjar
Nýjungar í líkamsræktarstöðinni Perlunni
FRÉTTASÍMINN
898 2222
Vaktaður allan sólarhringinn!
9. tbl. 2004 umbrot hbb 25.2.2004 14:07 Page 12