Víkurfréttir - 20.03.2014, Blaðsíða 30
fimmtudagurinn 20. mars 2014 • VÍKURFRÉTTIR30
-íþróttir pósturu eythor@vf.is
Miðherjinn stæðilegi hjá Grindavík, Sigurður Gunn-
ar Þorsteinsson hefur átt frábært
tímabil með þeim gulklæddu.
Ísafjarðartröllið virðist í sínu
besta formi og ef áfram heldur
sem horfir mun hinn 25 ára gamli
leikmaður fljótlega leggja land
undir fót.
Sigurður segist hafa íhugað þau mál
og hefur alls ekki gefið atvinnu-
mannadrauminn upp á bátinn. Þau
mál verði skoðuð eftir tímabilið.
Fyrst þarf að klára ákveðið verkefni.
„Við ætlum að vinna þessa úrslita-
keppni, þannig að hún leggst afar
vel í okkur,“ sagði Sigurður þegar
hann var spurður út í komandi úr-
slitakeppni í Domino's deildinni.
Liðið hefur verið á góðu skriði síðan
vandamál með erlenda leikmenn
voru leyst og lykilmenn náðu að
jafna sig af meiðslum.
Í vikunni var Sigurður valinn í úr-
valslið seinni umferðar Domino’s
deildarinnar og hann var besti
maður vallarins þegar Grindvíkingar
unnu bikarkeppnina fyrir skömmu.
Sigurður setti sér ákveðin mark-
mið fyrir tímabil sem hann segist
ekki alveg hafa náð. Hann er þó
ánægður með sinn leik, þá sér-
staklega á seinni hluta tímabils.
Líkamlega er Sigurður líklega í sínu
besta formi en það þakkar hann
stífum æfingum hjá handbolta-
kappanum Einari Hólmgeirssyni
síðasta sumar. En er Sigurður að
toppa núna? „Ég ætla að vona að
ég sé ekki ennþá búinn að toppa,
það væri frekar leiðinlegt. Ég hugsa
að það sé nú eitthvað eftir á tank-
inum,“ en líklegast er það rétt enda
hefur frammistaða miðherjans
farið stigvaxandi í vetur og eru lík-
lega bestu árin í boltanum fram-
undan.
Hefur þroskast
mikið í Grindavík
Sigurður hefur náð sér í tvo Ís-
landsmeistaratitla, tvo deildar-
meistaratitla og bikarmeistaratitil
síðan hann kom til Grindavíkur
frá Keflvíkingum árið 2011. Á tíma
sínum í Röstinni segist Sigurður
hafa bætt sig töluvert sem leik-
maður. „Ég lærði mikið í Keflavík
en ég hef þroskast mikið hérna í
Grindavík og ég hugsa að ég lesi
leikinn og liðsfélaga mína betur en
ég gerði. Ég get alls ekki sagt að ég
sjái eftir því að hafa komið hingað,“
segir Sigurður léttur í bragði.
Grindvíkingar eru Íslandsmeist-
arar síðustu tveggja ára og eru með
gríðarlega sterkan hóp. „Ég tel að
við séum með besta hópinn á land-
inu. Kannski ekki með hæfileika-
ríkustu einstaklingana en við erum
samheldinn hópur sem þekkjum
vel inn á hvern annan.“ Grindvík-
ingar taka á móti Þórsurum í kvöld
á heimavelli sínum en leikurinn er
í beinni útsendingu á Stöð 2 sport.
Sigurður segir að Grindvíkingar
séu ekki mikið að velta öðrum
liðum fyrir sér heldur hafi augun á
þeim stóra í bikarskápnum í Röst-
inni. „Við viljum bara halda honum
heima, hann fer ekki neitt,“ sagði
Ísfirðingurinn sterki í Grinda-
víkurliðinu að lokum.
Nú er ljóst hvaða lið mæt-ast í úrslitakeppninni í
Domion's deild karla. Í dag,
fimmtudag fer veislan af stað en
þá taka Grindvíkingar á móti
Þórsurum í Röstinni. Liðin
úr Reykjanesbæ eiga svo bæði
heimaleiki á morgun, föstudag.
Þriðja árið í röð mætast Kefl-
víkingar og Stjörnumenn en liðin
hafa eldað grátt silfur í síðustu
rimmum. Þrátt fyrir að Keflvík-
ingar verði að teljast sigurstrang-
legri má búast við hörku baráttu
í leikjum liðanna. Keflvíkingar
unnu stórsigur á Stjörnumönnum
í fyrsta leik tímabilsins í Ásgarði.
Munurinn var á liðunum 25 stig
í þeim leik. Þegar liðin mættust
svo í TM-höllinni í janúar var
spennan öllu meiri. Keflvíkingar
höfðu þar þriggja stiga sigur í
hörku leik.
Grindvíkingar höfnuðu í þriðja
sæti deildarinnar og mæta Þórs-
urum í 8-liða úrslitum. Þessi lið
mættust í úrslitum um Íslands-
meistaratitilinn árið 2012 þar sem
Grindvíkingar kræktu í titilinn.
Grindvíkingar sem leikið hafa frá-
bærlega síðan um áramótin eru
ríkjandi Íslands- og bikarmeist-
arar og verða að teljast ansi líklegir
til þess að leggja nágranna sína af
velli. Liðin mættust fyrir skömmu
og þar höfðu Grindvíkingar frekar
öruggan sigur. Liðin mættust
í Grindavík í byrjun desember
en þá unnu Þórsarar sigur með
10 stigum. Á fimmtudag verður
flautað til leiks í rimmunni en
leikur liðanna verður í beinni út-
sendingu á Stöð 2 sport.
Njarðvíkingar eiga heimavallarétt
gegn Haukum en liðin hafa unnið
sitt hvorn leikinn í deildarkeppn-
inni í vetur, en báðir sigrar komu á
heimavelli. Fyrirfram er búist við
jafnri keppni milli þessa liða, enda
skiljanlegt þar sem liðin höfnuðu
jú í 4. og 5. sæti deildarinnar.
Njarðvíkingar hafa ekki komist
fram yfir 8-liða úrslitin síðuastu
tvö ár, en þeir í Ljónagryfjunni
vilja sjálfsagt ólmir að þar verði
breyting á.
Liðin sem mætast og sætin sem
liðin höfnuðu í:
KR (1) · Snæfell (8)
Keflavík (2) · Stjarnan (7)
Grindavík (3) · Þór Þ. (6)
Njarðvík (4) · Haukar (5)
Vinna þarf þrjá leiki til að komast
í undanúrslit. Þetta breytta fyrir-
komulag gerir það að verkum að
fleiri leikir fara líklega fram og
erfiðara gæti reynst fyrir þau lið
sem enduðu neðar í töflunni að
koma á óvart, ef svo mætti segja.
Auðvitað er ekkert bókað fyrir
fram og ómögulegt að segja til um
hvernig málin þróast. Spennandi
verður að fylgjast með Suður-
nesjaliðunum sem öll verða að
teljast líkleg til þess að komast í
undanúrslit.
Stóra stundin er runnin upp
- Körfuboltaveisla framundan
Bikarinn fer ekki neitt
Grindvíkingurinn Sigurður Gunnar hefur verið frábær í vetur
- atvinnumennska í kortunum eftir tímabilið
Af úrslitakeppni kvenna er það að frétta að Keflvíkingar
þurftu nauðsynlega á sigri að
halda gegn Haukum í gær, mið-
vikudag en leikurinn hófst eftir
að blaðið fór í prentun. Haukar
voru með 2-0 forystu í einvíginu
og gátu með sigri tryggt sér sæti í
úrslitum. Til þess að nálgast um-
fjöllun um leikinn má heimsækja
vefsíðu Víkurfrétta vf.is.
Keflvíkingar með
bakið upp við vegg
Keflvíkingarnir
komnir til Taiwan
Keflvísku teakwndokapparnir Ástrós Brynjarsdóttir, Karel Berg-mann Gunnarsson og Sverrir Örvar Elefsen eru loks komin til
Taiwan þar sem þau munu vera næstu tvær vikurnar við keppni og
æfingar. Á morgun, föstudag keppa Sverrir og Karel á úrtökunni
fyrir Ólympíuleika æskunnar og í næstu viku keppa þau öll á heims-
meistaramóti unglinga í taekwondo. Mótið er mjög stórt, en það
eru um 50 keppendur í hverjum flokki. Ferðalagið var langt, um
32 tímar og var því kærkomið að komast loks á hótel í Taiwan og
hvílast.