Víkurfréttir - 22.05.2014, Blaðsíða 6

fimmtudagurinn 22. maí 2014 • VÍKURFRÉTTIR6
Nemendur og starfsfólk í Heiðarskóla fögnuðu liðsfólki sínu
í Skólahreysti í frímínútum á mánudagsmorgun en skólinn
tryggði sér sigur í keppninni föstudagskvöldið áður. Hundruð
barna voru saman komin fyrir framan skólabygginguna til
þess að berja fyrirmyndir sínar augum á svölum skólans. Já,
Katla Rún Garðarsdóttir, Elma Rósný Arnardóttir, Andri Már
Ingvarsson og Arnór Elí Guðjónsson eru sannarlega góðar
fyrirmyndir.
Árangur grunnskóla á Suðurnesjum í Skólahreysti hefur verið
einstakur undanfarin ár, en nemendur frá þeim hafa sigrað í
fimm skipti af sex. Þar af sigraði Holtaskóli síðustu þrjú ár í
röð og varð í öðru sæti í ár. Það verður að teljast einkar glæsi-
legur árangur.
Öflugar fyrirmyndir eiga það sameiginlegt að vera áberandi
og um leið afar mikilvægar. Þegar ungt fólk nær svona góðum
árangri verður það um leið öflug hvatning fyrir annað ungt
fólk að setja sér markmið. Víða í grunnskólum eru nemendur
í yngri deildum farnir að búa sig undir að keppa mögulega
fyrir hönd sinna skóla í framtíðinni. Metnaðurinn skilar sér
til þeirra.
Í kosningabaráttu eins og fram fer um þessar mundir keppast
mörg framboð í öllum sveitarfélögum um athygli og atkvæði
ungra sem eldri kjósenda. Þar er um að ræða stóran hóp fólks
sem spannar ólík litbrigði samfélagsins; manneskjur sem hafa
látið til sín taka á fjölbreyttum sviðum samfélagsins. Reynsla,
þroski, viðhorf og skoðanir frambjóðenda eiga sér jafn margar
og ólíkar sögur og fjöldi þeirra segir til um. Þetta eru einnig
mikilvægar fyrirmyndir sem hafa bein áhrif á mótun sam-
félagsins.
Í íþróttum fer fram hugsjónastarf þar sem lögð er áhersla á
drengskap og heiðarleika. Börnin læra það sem fyrir þeim er
haft og þau verða kjósendur áður en við vitum af.
Fyrirmyndir
eru mikilvægar
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Jóhann Páll Kristbjörnsson, johann@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Olga Björt Þórðardóttir skrifar
SÍMI 421 0000
verður haldinn fimmtudaginn 22. maí kl. 20.00
á veitingastaðnum Duus í Keflavík.
AÐALFUNDUR
ÞROSKAHJÁLPAR Á SUÐURNESJUM
Stjórn Þroskahjálpar á Suðurnesjum
Dagskrá fundar:
Venjuleg aðalfundarstörf.
Kynning á byggingu íbúða
í Ragnarsseli (Suðurgata 7-9).
Önnur mál. Allir hjartanlega velkomnir.
Fulltrúum allra framboða á Suðurnesjum er boðið
á fundinn. Kaffiveitingar.
Ætlar að verða besti
þjálfari í heimi
Texti: Eyþór Sæmundsson // eythor@vf.is
Ísland varð Norðurlandameistari í taekwondo í fyrsta sinn um nýliðna helgi. Keppnin fór fram
í íþróttahúsinu við Sunnubraut í Reykjanesbæ.
Suðurnesjamenn voru afar sigursælir á mótinu og
eignuðust alls sjö Norðurlandameistara um helgina.
Alls voru 20 keppendur frá Suðurnesjum og unnu
þeir allir til verðlauna.
Þjálfari Keflvíkinga, Helgi Rafn Guðmundsson, hefur
unnið gríðarlega afar óeigingjarnt og metnaðarfullt
starf sem aðalþjálfari taekwondodeildar Keflavíkur.
Þegar hann kom til starfa sem yfirþjálfari rétt rúmlega
tvítugur árið 2006 setti hann sér umsvifalaust háleit
markmið. „Ég ætlaði mér að gera Keflavík að besta
félagi Íslands. Við settum niður fullt af markmiðum
sem við höfum verið að ná. Svo hugsuðum við að
fyrst við gætum orðið besta félag á Íslandi, af hverju
gætum við þá ekki orðið besta félag á Norðurlöndum?
Maður gerði margar vitleysur þegar ég byrjaði. Ég
hélt að ég kynni allt, en svo sér maður þegar árin líða
hvað maður vissi rosalega lítið. Maður á líka svo mikið
eftir ólært og það er virkilega spennandi að hugsa til
þess.“ Líklega mætti segja að Keflavík sé nú þegar í
fremstu röð á Norðurlöndum enda besta félag landins
og kjarninn í landsliði Norðurlandameistara Íslands.
„Þetta er svo gott fyrir sjálfstraustið hjá okkur. Hér er
að koma keppendur frá mun stærri löndum og við frá
smábæjum á Suðurnesjum erum að baka þau,“ segir
Helgi kokhraustur. Hann segir að stemningin á mótinu
hafi verið frábær. „Þarna var auðvitað fólk frá öllum
Norðurlöndum og fjöldinn allur af Íslendingum, það
var bara fullt hús.“
Ótrúleg sókn taekwondo á Suðurnesjum
Eins og flestu íþróttaáhugafólki er nú sjálfsagt orðið
kunnugt um, hefur taekwondo verið í gríðarlegri sókn
á Suðurnesjum. Íþróttamaður Reykjanesbæjar kemur
úr þeirra röðum, sömuleiðis íþróttafólk Keflavíkur.
Íþróttamaður Sandgerðis undanfarin tvö ár hefur
verið taekwondomaður og íþróttamaður úr röðum
taekwondo hefur einnig verið kjörinn íþróttamaður
Grindavíkur. Árangurinn hefur ekki orðið til á einni
nóttu en mikil vinna býr að baki. „Þetta er skipulagt og
metnaðarfullt starf. Við leggjum upp með að hlutirnir
séu vel gerðir. Við viljum búa til góða karaktera. Það er
lykilatriði að foreldrar séu með í starfinu. Það er svo
gífurlega mikilvægt að fá góðan stuðning heiman frá,“
segir Helgi varðandi árangur unga íþróttafólksins.
Helgi er sjálfur hógvær þrátt fyrir að spila stóra rullu
í þessum árangri. Hann segist ekki hafa getað beitt
sér í þjálfun af þessum krafti ef það væri ekki fyrir
fjölskyldu hans. „Konan mín er fyrrum afrekskona í
taekwondo og hún skilur alveg hvað ég er að ganga
í gegnum,“ segir Helgi en Rut Sigurðardóttir kona
hans er margfaldur Norðurlanda- og Íslandsmeistari
í íþróttinni. Líklega eru fáir þjálfarar sem leggja jafn
mikið upp úr skipulagi og Helgi sem segir að þjálfunin
krefjist athygli hans nánast allan sólarhringinn. Að-
spurður að því af hverju hann sé tilbúinn að leggja svo
mikið í þjálfun ungmenna hér í bæ, þá stendur ekki á
metnaðarfullu svari Helga. „Af því að ég ætla að verða
besti þjálfari í heimi. Þetta er bara fórnarkostnaðurinn.
Ég er búinn að sjá hvað þarf til og að ég hef getuna til
þess. Nú er ég bara að vinna mig upp stigann.“
Mörg þeirra hreinlega alist upp hjá Helga
Hversu mikilvægt hefur það verið fyrir íþróttina að fá
aukna umfjöllun og athygli? „Það er gífurlega mikil-
vægt. Ég hef reynt að koma því að hjá mínum iðk-
endum að tala vel um íþróttina sína. Gefa þeim þá
ábyrgð að vera góðar fyrirmyndir og sterkir og heil-
steyptir einstaklingar. Maður er svo snortinn yfir þeim
viðurkenningum sem taekwondo krakkarnir hafa
verið að hljóta,“ Helgi segir að ennþá sé íþróttin í hópi
jaðaríþrótta en vakningin virðist vera að gera vart við
sig í bardagaíþróttum. „Fullt af krökkum eru að koma
til okkar, einmitt vegna þess að umfjöllunin er orðin
meiri og umtalið almennt jákvætt um starfið.“
Næsta skref fyrir Helga væri líklega að taka þátt í starfi
landsliðsins eða hugsanlega þjálfa erlendis. „Ég hef
mikinn áhuga á starfi hjá landsliðinu þar sem miklir
möguleikar eru fyrir hendi. Það er hins vegar ekki
mín ákvörðun að taka. Varðandi starf erlendis þá gæti
ég eiginlega ekki hugsað mér að fara félaginu eins og
staðan er núna. Þarna er fólk sem ég hef þjálfað frá
því að þau voru að byrja í grunnskóla nánast. Þau eru
núna orðnir þessir karakterar sem maður hefur lagt
upp með að stuðla að.“ Helgi segir að samband hans
við iðkendur sé ansi náið og oft á tíðum sé þetta eins og
samband ættingja. „Með flest þetta fólk þá líður mér
ekkert öðruvísi en gangvart ættingjum mínum. Mörg
þeirra eru búin að alast upp hjá manni.“
Ég ætla að verða besti
þjálfari í heimi. Þetta er
bara fórnarkostnaðurinn.
Ég er búinn að sjá hvað
þarf til og að ég hef get-
una til þess
Keflavík
í fremstu
röð á
Norður-
löndum