Víkurfréttir - 28.05.2014, Blaðsíða 15
...að breytingum til hins betra
Undir forystu núverandi meirihluta sjálfstæðismanna í bæjarstjórn Reykjanesbæjar hefur
markverður árangur náðst á fjölmörgum sviðum. Við viljum halda áfram að vinna að breytingum
í bænum til hins betra og óskum eftir þínum stuðningi til að halda áfram.
xdreykjanes.is
Vinnum áfram
Vinnum áfram
Atvinnumál
Áherslan hefur verið á fjölbreytni og margt hefur áunnist. Stærsta
frumkvöðlasetur landsins hefur risið á Ásbrú; örþörungaverksmiðja,
gagnaver og annað er í byggingu. Fiskeldi og fullvinnsla sjávarafurða á
Reykjanesi og fjölbreyttari valmöguleikar fyrir ferðamenn. Góðar fréttir
heyrast frá Helguvík og við munum sjá árangur áralangrar vinnu og
fjárfestinga innan tíðar. Við gefumst ekki upp þótt móti blási.
Fjölskyldan
Hamingja og heilbrigði fjölskyldunnar eru hornsteinn framtíðarstefnu D listans.
Í Reykjanesbæ bjóðast ódýrar skólamáltíðir og gerðar hafa verið tilraunir
með ókeypis hafragraut í morgunmat. Við munum hækka ummönnunar- og
hvatagreiðslur, efla forvarnir, kanna áhuga foreldra á sveigjanlegri opnunartíma
leikskóla og leggja áherslu á að leyst verði úr húsnæðisvanda fjölmargra íbúa
bæjarins. Íbúalýðræði er óvíða meira og við viljum halda þeirri þróun áfram. Við
viljum einnig halda áfram að stuðla að öflugu íþrótta- og tómstundastarfi.
Menningarmál
Menning skipar sífellt stærra hlutverk í atvinnusköpun landsmanna. Við
munum áfram vinna að framgangi Víkingaheima og Duushúsa og nú
bætist Hljómahöllin við sem segull í ferðaþjónustu. Ljósanótt hefur með
samstilltu átaki orðið ein stærsta fjölskylduhátíð landsins og barnahátíð
sækir stöðugt á auk fjölda minni viðburða. Við viljum leggja áherslu á að
markaðssetja bæinn betur og það góða sem hefur verið gert og fá hingað
innlenda og erlenda ferðamenn í meiri mæli.
Menntamál
Skólar í Reykjanesbæ mælast nú í fremstu röð á landinu. Við höfum
verið í fararbroddi í spjaldtölvuvæðingu grunnskólanema, brottfall úr
skólum hefur minnkað, fjölbrautarskólinn er í sókn og háskólabrú Keilis
býður möguleika á að klára undirbúningsnám fyrir háskóla. Við viljum
endurvekja frístundarútuna og auka fjölbreytni í skólastefnum.
Umhverfismál
Við ætlum að byggja áfram upp bæinn okkar og vistvænt, hlýlegt
umhverfi verður í fyrirrúmi. Hvergi verður slegið af í viðhaldi gatna
og umhirðu opinna svæða og áfram verður haldið áfram með „grænu
byltinguna“. Sköpum skemmtilegan bæjarbrag á Hafnargötunni og
nágrenni og mótum framtíðarsýn fyrir svæðið.
Fjármál
Við höfum lagt fram raunhæfa áætlun til að ná skuldaviðmiði sveitarfélaga
vel innan þeirra marka sem okkur er sett. Við ætlum ekki að skerða
þjónustuna eða stuðning við íþrótta-, menningar-, og tómstundarstarf eða
draga úr verkefnum sem ekki eru lögbundin eins og almenningssamgöngur
eða stuðningur við barnafjölskyldur, í þeim eina tilgangi að ná viðmiðum
tveimur árum fyrr. Við munum sjá til þess að rekstur bæjarins sé áfram
hagstæður í samanburði við önnur sveitarfélög og aðhalds sé gætt.
Sjálfstæðisflokkurinn í Reykjanesbæ
Kosningakaffi
Kosningakaffi Sjálfstæðisflokksins verður haldið í Stapa frá kl. 14.00 á kjördag,
laugardaginn 31. maí. Allir hjartanlega velkomnir.
Akstur á kjörstað
Boðið verður upp á akstur á kjörstað sem má panta í síma 848-2424.