Víkurfréttir - 28.05.2014, Blaðsíða 26
fimmtudagurinn 15. maí 2014 • VÍKURFRÉTTIR26
-aðsent pósturu vf@vf.is
Hefð er ekki náttúrulögmál
- hún er mannanna verk
Fjögur ár eru langur tími í stjórn
sveitarfélags. Þess vegna er mikilvægt
að þeir sem þar starfa, starfi saman af
heilindum með hagsmuni allra bæjar-
búa að leiðarljósi. Bæjarfulltrúar þurfa
að vera meðvitaðir um að þeir séu
einungis bundnir eigin sannfæringu
og landslögum.
Það eru margar ástæður fyrir því að ég
ákvað að safna undirskriftum fyrir per-
sónukjöri nú í vetur. Ég ætla að nefna
nokkrar hér í þessari grein:
Hér eru kosnir sjö bæjarfulltrúar til
að fara með stjórn bæjarfélagsins. Hér
ríkir meirihlutalýðræði. Þeir sem eru í
minnihluta hafa því engin áhrif á þær
ákvarðanir sem teknar eru. Þar sem
ólík sjónarmið eru, þar komast menn
að bestu niðurstöðunni, það eru engin
geimvísindi. Einsleitar ákvarðanir
geta aldrei orðið í þágu
heildarinnar. Það væri
hrein fáviska í stjórn
fyrirtækis að virkja ekki
alla stjórnarmennina,
þeirra hugmyndir og
sýn á málefnin.
Ég held, að innst inni viti allir bæjar-
fulltrúar að gera þarf breytingar á þeim
úreltu vinnubrögðum sem ekki eru
lengur boðleg í nútímasamfélagi en
hafa verið viðhöfð við stjórn bæjar-
félagsins. Þarf kjark til að snúa við af
rangri leið? Nei það þarf vilja og al-
menna skynsemi. Hræðsla við að prófa
nýjar leiðir má ekki verða sú hindrun
sem veldur því að við stöndum í stað.
Stokka þarf spilin og gefa upp á nýtt,
það verða allir að fá að spila með. Það
er í höndum bæjarbúa að kjósa þá sem
sannarlega vilja breyta til við að bæta
hag sveitarfélagsins.
Það var einkar ánægjulegt að heim-
sækja Garðbúa og eiga við þá sam-
ræður um málefni bæjarins og finna
áhuga þeirra á að viðhafa persónukjör
hér í Garðinum. Ég vil einnig þakka
sérstaklega fyrir þær góðu móttökur
sem ég fékk á minni göngu meðal íbúa
og var mér vel tekið.
Kæri bæjarbúi finnst þér í lagi að nú-
verandi meirihluti bæjarfulltrúa hafði
að engu vilja 600 kosingabærra íbúa
Sveitarfélagsins Garðs sem vildu per-
sónukjör?
Pálmi Steinar Guðmundsson
2. sæti N lista, lista nýrra tíma
■■ Kolfinna Snæbjörg Magnúsdóttir skrifar:
Að sjá flísina í auga
bróður síns
Komdu sæll og blessaður
Styrmir.
Það litla sem ég þekki til
þín segir mér að þú sért
frábær maður, stórkost-
legur kennari og afar
gefandi samfélagsþegn.
Það hryggir mig mjög að sjá að þú hafir
fallið í þá gryfju að persónugera póli-
tíkusa sem eru að vinna fyrir sam-
félagið á óeigingjarnan hátt.
Það er nú þannig sem betur fer í lífinu
að það er gott fólk alls staðar í pólitík
hvar í flokki sem menn standa. Við
viljum öll vel það er engin spurning,
veljum þó mismunandi leiðir að
markmiðunum bæði til skemmri og
til lengri tíma. Pólitíkin er í eðli sínu
þannig að menn greinir á um leiðir. Þó
við séum ekki sammála þú og ég hvaða
leið sé farsælust til að skapa samfélag
sem við getum öll lifað og búið í þá
erum við ekki vondar manneskjur. Nei,
þvert á móti það á að vera pláss fyrir
margbreytileikann fyrir okkur öll hvar
í flokki sem við kunnum að standa.
Allar hugmyndir og skoðanir til að gera
samfélagið betra hljóta að vera af hinu
góða. Krossfestum ekki þá valdhafa
sem hafa umboð frá kjósendum til að
stjórna þó við séum þeim ekki algjör-
lega sammála. Ég get bara sagt þér eftir
mjög erfiða reynslu og sársaukafulla
úr pólitík þar sem persónulegar árásir
voru viðhafðar af fyrrum samstarfs-
fólki í pólitíkinni að það gerir engum
neitt gott síst af öllu því samfélagi sem
við búum í. Þeir sem skrifa í þeim anda
segja oftar en ekki meira um sig en þá
sem þeir hallmæla.
Þeir sem gefa af sér til samfélagsins
hvort heldur við gerum það í gegnum
pólitísk embættisstörf eða önnur störf
gerum við eftir bestu vitund á hverjum
tíma. Svo er það allt annað mál hvernig
til tekst.
Við erum öll mennsk sem þýðir að
við gerum mistök. Það er í lagi að
vera ófullkominn svo framarlega sem
maður er þess umkominn að bæta í og
gera betur í dag en í gær.
Það er heldur útilokað að gera öllum
til hæfis alltaf.
Ég er hrygg í hjarta mínu að sjá að
yndislegt fólk sem gefur af sér og er
svo mikilvægt fyrir samfélagið skuli
nú velja að berjast á „banaspjótum“ í
fjölmiðlum. Með þeim hætti vegum við
að þeim persónum sem verkin vinna.
Þannig ætti pólitík ekki að þurfa að
vera. Ég er viss um að eiginkona bæjar-
stjórans þíns og samstarfsfélagi þinn
til margra ára er særð einmitt vegna
þess að hún veit hversu orð geta verið
megnug. Hún veit hversu mikilvægu
hlutverki þú gegnir í samfélaginu. Hún
veit hversu mikið maðurinn hennar
hefur lagt sig fram til að gefa af sér fyrir
samfélagið.
Ég sé að margir standa vörð um þín
skrif og spara ekki stóru orðin í garð
Árna. Nú styttist í kosningarnar. Ég
vona innilega að það góða fólk sem
vill vinna fyrir samfélagið í heild hvar í
flokki sem það stendur beri gæfu til að
sýna þann þroska að skrifa með upp-
byggilegum hætti fremur en að að tala
niður til fólks þó við séum ekki sam-
mála í öllu.
Það er mín persónulega skoðun að
fólk hafi lítið að gera í stjórnmál ef
það treystir sér ekki til að vinna með
ólíkum aðilum úr hinum og þessum
flokkum. Það þarf að vera pláss fyrir
okkur öll hvar í flokki sem við kunnum
að standa.
Höldum áfram að gera samfélagið að
betra stað til að búa og Reykjanes-
bær sem er leiðandi fyrir öll Suður-
nesin þarf að sýna gott fordæmi. Ég
óska bæjarstjóra Reykjanesbæjar góðs
gengis í komandi kosningum, þakka
honum frábær störf. Ég óska Reykja-
nesbæ alls hins besta í komandi sveitar-
stjórnarkosningum og treysti íbúum
Reykjanesbæjar fyllilega til að velja það
afl sem hver og einn telur að sé farsæl-
ast til að leiða bæjarstjórnarsamstarfið
á komandi kjörtímabil.
Kolfinna Snæbjörg Magnúsdóttir.
Þann 4. júlí 2013 voru samþykkt á Al-
þingi lög nr. 86/2013 sem ríkisstjórn
Sjálfstæðisflokks og Framsóknarflokks
lagði fram um breytingar á lögum um
almannatryggingar og lögum um
málefni aldraðra sem fólu í sér miklar
kjarabætur fyrir aldraða og reyndar
öryrkja sömuleiðis. Frítekjumark
vegna atvinnutekna ellilífeyrisþega
var hækkað úr 480.000 krónum á ári
í 1.315.200 kr. á ári. Þetta samsvaraði
hækkun frítekjumarksins úr 40.000
krónum á mánuði í 110.000 krónur
á mánuði. Er frítekjumarkið nú hið
sama og gildir gagnvart atvinnutekjum
örorkulífeyrisþega. Tilgangurinn er sá
að stuðla að aukinni atvinnuþátttöku
öryrkja og eldri borgara til að auka lífs-
gæði þeirra og virkja krafta þeirra sem
vinnuafls.
Þá var í lögunum kveðið á um að
greiðslur úr skyldubundnum atvinnu-
tengdum lífeyrissjóðum hafi ekki
lengur áhrif á greiðslur elli- og örorku-
lífeyris, þ.e. svokallaðs grunnlífeyris.
En sú breyting var gerð 2009 að líf-
eyrissjóðstekjur töldust til tekna við út-
reikning elli- og örorkulífeyrisins sem
varð þess valdandi að
greiðslur til 5.750 elli-
og örorkulífeyrisþega
lækkuðu eða féllu jafn-
vel alveg niður. Þessu
var því breytt aftur
sumarið 2013 enda talið
mikilvægt að fólk sjái ávinning af því að
greiða í lífeyrissjóði.
Þessar lagabreytingar leiddu til mjög
bættra kjara eldri borgara og ör-
yrkja. Bætur hækkuðu hjá yfir 7.000
manns og þar af öðluðust um 2.500
lífeyrisþegar sem misstu bætur í kjölfar
sparnaðaraðgerða á árinu 2009 rétt til
bóta á ný. Því til viðbótar var áætlað að
enn aðrir, tæplega 5.000 manna hópur
fólks sem vegna tekna sinna hefur ekki
talið sig eiga neinn rétt til bóta frá árinu
2009 vegna þeirra breytinga sem þá
voru gerðar, gætu sótt um greiðslur
að nýju.
Þá var afturkölluð breyting, sem
gerð var 2009 og fól í sér hækkun á
því hlutfalli tekna sem hafa áhrif til
skerðingar tekjutryggingar til elli- og
örorkulífeyrisþega og skerðingarhlut-
fallið aftur komið niður í 38,35%. Er
það afar mikilvægt ekki síst í því ljósi
að yfir 90% lífeyrisþegar fá greidda
tekjutryggingu frá Tryggingastofnun
ríkisins og það er því gríðarlegur fjöldi
fólks sem hefur notið góðs af þeirri
breytingu í formi hærri bóta en áður.
Því til viðbótar lækkaði skerðingar-
hlutfall heimilisuppbótar en það er leitt
af lækkun skerðingarhlutfalls tekju-
tryggingar samkvæmt lögum um fé-
lagslega aðstoð. Það hefur gert það að
verkum að bætur til þeirra lífeyrisþega
sem búa einir hafa hækkað hlutfallslega
meira en annarra.
Þá verður ósanngjarn auðlegðarskattur
sem fyrst og fremst lagðist á eldra
fólk ekki framlengdur. Á árinu 2012
greiddu 5.980 aðilar 5,6 milljarða í auð-
legðarskatt og viðbótarauðlegðarskatt á
hlutabréfaeign var lagður á 4.980 gjald-
endur og nam 3,5 milljörðum sem var
44% hækkun milli ára.
Sjálfstæðisflokkurinn vinnur því
hörðum höndum að bættum kjörum
elli- og örorkulífeyrisþega.
Ásmundur Friðriksson
alþingismaður.
Sjálfstæðismenn stóðu við kjara-
bætur fyrir aldraða og öryrkja
■■ Ásmundur Friðriksson skrifar:
Undanfarna mánuði hef ég ritað greinar
um málefni bæjarins og birt á vefsíðu
minni. Ég hef ritað um það sem mér
finnst miður fara í stjórnsýslu Reykja-
nesbæjar en gætt þess að afla heim-
ilda og halda mig við málefnin og þá
embættismenn sem bera ábyrgðina.
Ávallt í tengslum við gjörðir þeirra en
ekki persónu.
Ég átti auðvitað von á að skrif mín yrðu
gagnrýnd en ekki var ég búinn undir
að verða fyrir jafn grófu persónuníði
og birtist í síðasta tölublaði Víkurfrétta.
Þar var ég nafngreindur sem rætinn
níðpenni, nettröll og sagður beita ógeð-
felldum aðferðum eineltis án þess að
greinarhöfundur nefndi nokkur dæmi
því til stuðnings, og það í sömu grein
og fjallaði um mikilvægi málefnalegrar
umræðu og aðgátar í nærveru sálar.
Greinarhöfundur og ég höfum starfað í
sama skóla um nokkurt skeið og höfum
ávallt umgengist hvort annað af fag-
mennsku og kurteisi. Ég þekki hana
ekki af öðru en góðu og því komu skrif
hennar mér mjög á óvart. En sérstak-
lega, sökum sameiginlegs starfsvett-
vangs okkar, sárnar mér mjög að hún
skuli vega að starfsheiðri mínum með
því að blanda kennslustörfum mínum í
umræðuna og tortryggja starf mitt með
nemendum.
Ég á að baki 10 ára farsælan kennslu-
feril í Reykjanesbæ og er stoltur af
Viku síðar
starfi mínu. Ég kenni
tónmennt og stjórna kór auk þess sem
ég hef verið umsjónarkennari og verð
aftur á næsta skólaári. Ég hef byggt
upp jákvætt foreldrasamstarf og traust
tengsl við nemendur og hef á undan-
förnum árum gefið af starfi mínu til
samfélagsins með því að ferðast til
dæmis með kóra á elliheimili og sjúkra-
hús að gleðja fólk með tónlist.
Ég vinn ekki bara sem kennari. Ég er
kennari, vakinn og sofinn. Ég geng
langtum lengra en skyldan býður fyrir
nemendur mína, hvort sem það er að
gefa þeim frítíma minn í námsaðstoð,
heimsækja heimili þeirra þegar þess er
þörf eða þá að eyða matarhléinu með
þeim sem vantar stundum bara ein-
hvern til að tala við. Ég hef verið til
staðar fyrir nemendur á þungbærum
jafnt sem hamingjuríkum stundum,
svarað í símann á nóttunni, ekið lands-
hluta á milli og mætt á íþróttaleiki og
tónleika. Hagur og vellíðan barnanna
sem ég kenni er mitt leiðarljós.
Bærinn minn skiptir mig líka miklu
máli. Ég trúi á mátt einstaklingsins til
að byggja upp betra samfélag og hef
ávallt reynt að ganga á undan með góðu
fordæmi. Ég skrifa um samfélagsleg
vandamál, til dæmis fátækt, húsnæðis-
vanda eða misbeitingu valds og er með
því ekki að tala bæinn okkar niður.
Þvert á móti er ég að draga upp á yfir-
borðið það sem við verðum að geta
horfst í augu við til að eiga möguleika á
að bæta úr því.
Of lengi hefur gagnrýnin umræða verið
þögguð niður í bænum okkar með út-
hrópunum um neikvæðni og niður-
rifsstarfsemi. Nú eru breytingar í lofti
og með það í huga geng ég glaður til
kosninga á laugardaginn og set X við
nýja tíma.
Styrmir Barkarson
styrmirbar.wordpress.com
Síðustu fjögur ár hafa
verið tímabil tiltektar
í rekstri Sandgerðis-
bæjar. Það var ljóst strax
í upphafi kjörtímabils-
ins að það væri snúið
verkefni framundan
og erfiðar ákvarðanir sem þyrfti að
taka. Við á S-listanum tókumst á við
verkefnið af ábyrgð og raunsæi enda
vopnuð óbilandi trú á samfélagið okkar
í Sandgerði.
Reynt að slá ryki í augu kjósenda
Um daginn birtist grein eftir oddvita
eins framboðsins í Sandgerði þar sem
reynt var að gera lítið úr verkum okkar
sem leitt höfum starf bæjarstjórnar og í
raun allra þeirra sem stýrt hafa málum
hjá Sandgerðisbæ. Slíkri gagnrýni vísa
ég til föðurhúsanna enda farið nokkuð
frjálslega með staðreyndir og þarf ekki
annað en að skoða bókun S-listans í
bæjarstjórn hálfum mánuði fyrir kosn-
ingar 2010 til að sjá að fólk vissi hvaða
verkefni biðu nýrrar bæjarstjórnar á
þeim tímapunkti.
Mikið vatn runnið til sjávar
Það sýndi sig líka fyrir fjórum árum að
fólk hafði trú á S-listanum til að tak-
ast á við erfiða stöðu enda fékk hann
hreinan meirihluta í kosningum þá.
Staða Sandgerðisbæjar í dag sýnir jafn-
framt að S-listinn hefur staðið undir
því trausti sem á hann var lagt vorið
2010. Ég er stoltur af þeirri vinnu sem
hefur farið fram hjá Sandgerðisbæ
undir forystu okkar á S-listanum og
þar er ég ekki bara að tala um fjár-
hagslega endurskipulagningu heldur
get ég líka nefnt atriði eins og endur-
skipulagningu á starfsemi Sandgerðis-
hafnar, breytingar á fyrirkomulagi leik-
skólamála, stofnun Þekkingarseturs
Suðurnesja, nýja skólastefnu, aukið
öryggi í brunavörnum, öflugra upp-
lýsingaflæði, stofnun ungmennaráðs,
uppkaup eigna frá Eignarhaldsfélag-
inu Fasteign, mikilvægan stuðning
við íþrótta- og tómstundastarf ung-
menna og loksins sér fyrir endann á
framkvæmdum vegna frárennslis frá
Sandgerði.
Fylgjum eftir góðum árangri
Það verður hins vegar ekki kosið um
fortíðina heldur framtíðina í kosning-
unum næsta laugardag. Það verður
ekki kosið um það hvað menn gerðu
og sögðu fyrir þremur eða fjórum árum
heldur mun fólk velja þá fulltrúa sem
það hefur trú á að geri Sandgerði að
enn öflugra samfélagi á næstu árum.
Þar tel ég að S-listinn standi vel að vígi
enda skipaður kraftmiklu fólki sem
hefur sett saman raunhæfa stefnuskrá
sem ber þess glöggt merki að tímabil
uppbyggingar er framundan í Sand-
gerði. Við höfum sýnt að við getum
tekist á við erfið verkefni með góðum
árangri og höfum styrkinn sem þarf til
að stýra samfélagi í sókn.
Ólafur Þór Ólafsson
forseti bæjarstjórnar Sandgerðisbæjar
og skipar 1. sæti S-lista Samfylkingar
og óháðra borgara í Sandgerði.
Verkin tala sínu máli
■■ Ólafur Þór Ólafsson skrifar:
■■ Styrmir Barkarson skrifar:
X-VÍKURFRÉTTIR - DAGLEGA Á VF.IS
■■ Pálmi Steinar Guðmundsson skrifar: