Víkurfréttir - 02.06.2016, Qupperneq 27

27fimmtudagur 2. júní 2016 VÍKURFRÉTTIR
Óska eftir
Par óskar eftir að taka á leigu stórt
herbergi, stúdíóíbúð eða litla íbúð á
Suðurnesjum. Upplýsingar í símum
783-1249 eða 849-0132 eða eða með
tölvupósti á  anitaosk95@gmail.com
Bílaviðgerðir
Partasala
Kaupum bilaða
og tjónaða bíla
Iðjustíg 1c - 260 Reykjanesbæ
sími 421 7979
www.bilarogpartar.is
Verið velkomin
á samkomu
alla sunnudaga kl. 11.00
Hvítasunnu-
kirkjan í Keflavík,
Hafnargötu 84
SMÁAUGLÝSINGAR
www.vf.is
Sálarrannsóknarfélag
Suðurnesja
SKYGGNILÝSINGAR-
FUNDUR  
Þórhallur Guðmundsson verður
með opinn fund þriðjudaginn
7. júní kl. 20:30 í húsi félagsins
að Víkurbraut 13 í Keflavík.
Aðgangseyrir 2000 kr.
Húsið opnar kl. 20:00.
Allir velkomnir.
Forvarnir með næringu
STAPAFELL
Hafnargötu 50, Keflavík
NÝTT
Opið alla daga
fram á kvöld
„Ég byrjaði með ræktun hérna fyrir
utan því ég ætlaði að bjarga Reykja-
nesskaganum. Svo fór ég að selja eina
og eina plöntu og þetta vatt upp á
sig,“ segir Gunnhildur Ása Sigurðar-
dóttir, garðyrkjufræðingur og eigandi
gróðrarstöðvarinnar Glitbrár í Sand-
gerði. Hún ólst upp í Sandgerði en
flutti í nokkur ár til Noregs á níunda
áratugnum. Þegar hún kom til baka
fannst henni alveg vanta tré og gróður
á Suðurnesjum og byrjaði því, eins og
áður sagði, að fikta við ræktun sjálf.
Ræktunin er á landi Bárugerðis við
Stafnesveg 22 í Sandgerði þar sem
Gunnhildur ólst upp. Ásamt því að
reka gróðrarstöðina reka Gunnhildur
og eiginmaður hennar, Geir Sigurðs-
son, Blómastofuna Glitbrá við Hafn-
argötu 25 í Reykjanesbæ.
Gunnhildi tókst að smita eiginmann-
inn af gróðuráhuganum og tekur
hann til hendinni við ræktunina með-
fram störfum hjá HS Veitum. Núna
er háannatími í gróðrastöðinni enda
sumarið skollið á. Á góðviðrisdögum
þegar mest er að gera hafa komið
hátt í þúsund viðskiptavinir og gestir.
Flestir þeirra eru af Suðurnesjum en
Gunnhildur segir líka marga koma
höfuðborgarsvæðinu. „Fólki finnst al-
veg jafn skemmtilegt að koma hingað
eins og að fara til Hveragerðis,“ segir
hún. Þær plöntur sem eru vinsælastar
eru þær sem eru í blóma á hverjum
tíma. „Núna eru kirsuberjatrén vin-
sælust því þau eru búin að vera að
blómstra. Eftir um það bil hálfan
mánuð verður það geislasópurinn því
að þá verður hann eitt gult blómahaf.
Svo þegar kvistirnir og topparnir byrja
að blómstra verða þeir vinsælastir.“
Stjúpan og hádegisblómið eru svo allt-
af vinsælustu sumarblómin.
Undirbúa sumarið allt árið
Þó svo að mest sé að gera yfir sumar-
tímann stendur undirbúningur yfir
allt árið í gróðrarstöðinni. Gunn-
hildur er með tvo hektara af landi og
um 900 fermetra undir gleri og plasti.
Hún segir þetta þó bara sýnishorn af
gróðrarstöð. „Þetta þykir pínulítið
hjá mér en er samt alveg nógu stórt
því þetta er mikil vinna.“ Það þarf að
ganga frá öllu fyrir veturinn og því
lýkur í lok nóvember. Svo hefst undir-
búningurinn fyrir sumarið og sáning í
janúar. Það er því frí í gróðarstöðinni
í desember fyrir utan eftirlit en þá er
mesti annatíminn á blómastofunni
í Reykjanesbæ. Gunnhildur ræktar
hluta blómanna sem þar eru seld,
meðal annars öll sumarblómin og eitt-
hvað af meðlætinu, eins og hún kallar
þetta grænu stráin og fleira sem er
með afskornum blómum í vöndum.
Hún gerir sér þó vonir um að geta
ræktað meira fyrir blómastofuna í
framtíðinni.
Gróðrastöðin Glitbrá er við Staf-
nesveg í Sandgerði, nokkrum tugum
metra frá ströndinni. Aðspurð um það
hvernig sé að vera með gróðrastöð í
rokinu og seltunni segir Gunnhildur
það ganga upp og ofan. „Þetta er nátt-
úrulega bilun. Þetta er ekki burðug
bygging og það getur orðið ansi hvasst
og margar andvökunætur yfir vetrar-
tímann. Þetta hús er þó búið að standa
í 14 ár. Á veturna förum við hjónin
svo bara og skiptum um gler í staðinn
fyrir það sem brotnar.“
Margar sterkar plöntur
Þegar verið er að planta trjám segir
Gunnhildur að mjög mikilvægt sé að
byrja á því að búa til skjól með sterkum
plöntum. „Þá er mjög gott að nota ein-
hverja víðitegund, eins og jörfavíði,
brekkuvíði, grásteinavíði, þorláksvíði
og viðju. Svo hafa fjallarifsið og mi-
spillinn verið að koma vel út því þeir
þola seltuna ágætlega.“ Gunnhildur
segir reyniviðinn og keisaraöspina líka
mjög sterkar trjátegundir, sem og ís-
lenska birkið og þá sérstaklega yrkið
Embla. „Svo þegar skjólið er komið,
þá er hægt að gera allt mögulegt inni í
garðinum.“ Vilji fólk gróðursetja gull-
regn mælir Gunnhildur með fjalla-
gullregni sem blómstrar á sautjánda til
tuttugasta aldursári. Garðagullregnið
blómstrar fyrr en er viðkvæmara en
þrífst, að sögn Gunnhildar, mjög
vel í skjólgóðum görðum. „Svo eru
berjarifsið og hansarósin sterkustu
plöntur sem hægt er að fá. Hansar-
ósin þolið mikið og hana þarf ekki að
hugsa mikið um.“
Gunnhildur segir mjög sniðugt að
blanda saman nokkrum tegundum
af trjám í beð og skjólbelti. „Það geta
alltaf komið upp sjúkdómar í ein-
hverri tegund eins og gerðist með gljá-
víðinn og hreggstaðavíðinn á sínum
tíma þegar upp kom ryðsveppur sem
ekki varð ráðið við. Sumir rifu hann
úr beðunum en aðrir vilja bíða og
sjá til.“ Gunnhildur segir að eftir að
ryðsveppurinn kom upp sé fólk til-
búnara að hafa beðin blönduð. „Það er
svo gott því þá missir maður ekki allt
skjólið ef sjúkdómur kemur upp. Öll
skjólbelti á landinu eru núna þann-
ig að það eru þrjár til fimm tegundir
notaðar til að gera það þétt ef eitthvað
skyldi koma upp á.“
Veðrið leikur stórt hlutverk í gróðrar-
stöðinni og hefur áhrif bæði á afkomu
plantanna og viðskiptin. Aðspurð um
veðrið í sumar kveðst Gunnhildur
fullviss um að það verði gott. „Ég er
alveg viss um að þetta verður glimr-
andi sumar sem við erum að fá. Ég hef
það mjög sterkt á tilfinningunni.“
Vildi græða upp allan
Reykjanesskagann
Gunnhildur Ása Sigurðardóttir rekur gróðrarstöð í Sandgerði. Á góðviðrisdögum þegar mest er að gera hafa komið hátt í
þúsund viðskiptavinir og gestir, bæði af Suðurnesjum og höfuðborgarsvæðinu.
Á veturna förum
við hjónin svo
bara og skiptum um
gler í staðinn fyrir
það sem brotnar