Víkurfréttir - 11.01.2007, Blaðsíða 31

31ÍÞRÓTTASÍÐUR VÍKURFRÉTTA ERU Í BOÐI LANDSBANKANS VÍKURFRÉTTIR I ÍÞRÓTTASÍÐUR
Páll Axel Íþróttamaður
Grindavíkur 2006
Körfuknattleiksmaðurinn Páll Axel Vilbergsson
var útnefndur Íþróttamaður
Grindavíkur árið 2006 þann
3. janúar síðastliðinn. Knatt-
spyrnumaðurinn Óðinn Árna-
son var annar og körfuknatt-
leikskonan Jovana Stefáns-
dóttir var þriðja í valinu.
Páll Axel var annar í kjörinu
árið 2005 þegar knattspyrnu-
maðurinn Paul McShane var
Íþróttamaður Grindavíkur en
árið 2004 var Páll Axel einnig
út nef ndur Íþrótt amaður
Grindavíkur. Í stuttu spjalli
við Víkurfréttir sagði Páll
Axel, sem nú er kjörinn íþrótta-
maður ársins í þriðja sinn á
sínum ferli, að eftirminnilegast
frá síðasta ári væri að verða
bikarmeistari með félögum
sínum í meistaraflokki. ,,Ég er
ákaflega stoltur yfir þessum
titli núna og hef sjaldan verið
eins stoltur á ævinni. Það sem
stendur upp úr á síðasta
ári er bikarmeistaratiti l l-
inn með meistaraf lokki .
Einnig er tímabilið í sumar með
landsliðinu mjög eftirminni-
legt þó svo að gengi liðsins hafi
ekki verið eftir væntingum. Svo
er náttúrulega ógleymanlegt að
verða Íslands- og Bikarmeist-
arar með 10 flokki stúlkna og
ég er mjög stoltur af stelpunum
að ná þessum frábæra árangri
undir minni stjórn,“ sagði Páll
Axel í sigurvímu eftir að hafa
hreppt þennan eftirsótta titil.
Við útnefninguna á Íþrótta-
manni Grindavíkur voru
Íslands- og Bikarmeistarar fé-
lagsins heiðraðir sem og þeir
sem léku sína fyrstu landsleiki
á árinu.
Suðurnesjaliðin styðja Geir
Á sameiginlegum fundi knattspyrnudeilda á Suð-
urnesjum samþykktu formenn
og framkvæmdastjórar fyrir
hönd stjórna knattspyrnu-
deilda hvers félags samhljóða
eftirfarandi ályktun til stuðn-
ings við Geir Þorsteinsson
framkvæmdastóra KSÍ sem
næsta formanns KSÍ.
Formenn og framkvæmda-
stjórar lýsa yfir fullum stuðn-
ingi við Geir Þorsteinsson
sem næsta formann KSÍ á
þingi KSÍ 10. feb. n.k. og telja
mikilvægt að reynsla og þekk-
ing sem Geir hefur innan KSÍ
og UEFA haldist áfram innan
KSÍ og telja mikilvægt að und-
irstöður KSÍ séu áfram traustar
bæði faglega og fjárhagslega.
Yfirlýsinguna samþykktu allar
stjórnir knattspyrnudeilda á Suð-
urnesjum.
VF-mynd/ Þorsteinn G. Kristjánsson
GRV á jóla-
móti SPK
GRV tók á dögunum þátt í jólamóti SPK sem fram
fór í Digranesi í Kópavogi.
Það var 7. flokkur kvenna hjá
GRV sem keppti á mótinu í
flokkum A, B, C1 og C2 og
tefldi fram 29 þátttakendum.
Flokkurinn hjá GRV er einn sá
stærsti á landinu. Stelpurnar hjá
GRV gerðu sannkallaða frægðar-
för þar sem A-liðið hafnaði í 2.
sæti, B-liðið varð fremst í sínum
flokki í fyrsta sæti, C1 hafnaði
í 3. sæti og C2 vann allar sínar
viðureignir en gerði jafntefli við
lið C1 frá GRV. Þá tók 6. flokkur
kvenna hjá GRV einnig þátt í
mótinu og tefldi fram A- og B-
liðum. A-liðið hafnaði í 4. sæti
en B-liðið hafnaði í 11. sæti.
Júdónámskeið
í Akademíunni
Magnús Hersir Hauksson verður með júdó- og
sjálfsvarnaræfingar í Íþrótta-
akademíunni í Reykjanesbæ
á föstudögum í vetur. Æfing-
arnar verða á léttu nótunum
og eru ætlaðar bæði körlum
og konum, jafnt byrjendum
sem lengra komnum. Skráning
á námskeiðið fer fram í síma
863 0171 hjá Magnúsi.
Magnús kennir júdó við aka-
demíuna sem hefst nú í næstu
viku en framundan eru bjartir
tímar hjá júdódeild Þróttar í
Vogum þar sem til stendur að
vígja nýja álmu við Íþróttamið-
stöðina í Vogum. ,,Þar mun
félagsmiðstöðin Boran hafa að-
setur og í kjallaranum verður að-
staða fyrir gesti á tjaldstæðinu.
Með tilkomu nýju álmunnar
verður mikil bylting á okkar
högum í júdódeildinni,“ sagði
Magnús í samtali við Víkur-
fréttir.
Grindavík Open í Festi
Árlega Grindavíkurmótið í pílukasti fer fram
í Félagsheimilinu Festi
laugardaginn 13. janúar
næstkomandi.
Verðlaunin í mótinu eru
ekki af verri endanum en
fyrir þrjú efstu sætin eru
ferðavinningar þar sem farið
verður á skoska meistaramótið
í pílukasti. Einnig verður bikar
í verðlaun fyrir efstu sætin í
hverjum f lokki en keppt
verður í tveimur flokkum.
Einnig verða verðlaun fyrir
hæsta útskot og fæstar pílur.
Húsið opnar kl. 11:00 í
Grindavík og lýkur skráningu
kl. 12:30.