Fréttatíminn - 07.04.2017, Blaðsíða 10

10 | FRÉTTATÍMINN | FÖSTUDAGUR 7. APRÍL 2017
og seinna hætti hún. Tveimur
dögum fyrir bankahrunið gekk hún
inn á bílasölu og keypti sér nýjan bíl
á bílalánum. Hún hafði ekki talið
nauðsynlegt að losa sig við gamla
bílinn. Hann var líka á bílalánum.
Á þessum sama tíma var fjöldi fólks
í örvæntingu að reyna að losna við
þessi lán til þess að forðast gjald-
þrot, þetta var örugglega einsdæmi,
enda réði hún ekki neitt við neitt
og hefði farið í þrot og misst allt sitt
ef tengdafólkið hennar hefði ekki
komið til hjálpar.“
Bankinn vildi ekki hjálpa
„Hún missti smám saman alla
stjórn á fjármálunum,“ segir Sig-
urjón Hermann Friðriksson, eig-
inmaður hennar, en þau kynntust
nokkrum árum áður en veikindin
tóku af henni völdin. „Hún keypti
allt sem henni datt í hug og sló lán
í bönkum til hægri og vinstri, ég
reyndi að láta loka greiðslukort-
unum hennar en hún lét opna þau
strax aftur,“ segir hann. „Einu sinni
þurfti ég að fara vestur á firði í viku,
þegar ég kom heim beið mín risa-
stórt gróðurhús í bílastæðinu okk-
ar sem hún hafði keypt meðan ég
var í burtu.“
„Við grátbáðum bankana um að
lána henni ekki peninga,“ segir
Berglind. „Það var aldrei hlustað
á okkur. Hún fékk að taka út pen-
inga hvenær sem henni datt í hug
og leggja allt að veði. Þeir sögðu að
það væri ekkert hægt að gera nema
svipta hana sjálfræði. Það er hins-
vegar talsvert þung spor að svipta
eiginkonu sína eða móður sjálfræði.
Ekkert okkar langaði til þess.“
„Hún lét sér aldrei segjast, af
neinu okkar,” þegar við reyndum
að koma fyrir hana vitinu. Eina
manneskjan sem réði við hana var
mamma hennar,“ segir Sigurjón
Hermann. „Hún hlýddi henni skil-
yrðislaust,“ segir Bryngeir. „Hún
var hinsvegar sjálf orðin veik á
þessum tíma og hlutverk mömmu
var því að fara með hana í hjóla-
stól þangað sem hún þurfti að fara.
Þetta voru oft mjög skrautlegar
bílferðir undir það síðasta þegar
mamma var orðin veik og hafði
ekið oftar en einu sinni á aðra bíla
og utan í skilti og ljósastaura.“
Sárt að horfa upp á
„Það kom að því að nánustu að-
standendur Dóru Elísabetar gátu
ekki lokað augunum lengur fyrir
ástandinu, hún var farin að detta
út í alls kyns aðstæðum, ef hún var
að drekka úr kaffibolla fraus hún
jafnvel áður en hún var komin með
bollann alla leið að munninum og
sat lengi læst í sömu stellingu. Við
vorum búin að átta okkur á því að
hún hlyti að vera með einhvern
heilasjúkdóm,“ segir Anna Björk.
„Við héldum fjölskyldufundi til að
ræða málin og fórum oft til heim-
ilislæknis en aldrei kom neitt út úr
því,“ segir hún.
„Hún átti barnabörn með stuttu
millibili árið 2012 en sýndi þeim
nánast engan áhuga,“ segir Bryn-
geir. „Hún kom að heimsækja son
okkar, löngu eftir að hann fæddist
bara af því systir hennar dró hana
á staðinn. Hún rétt leit á hann en sá
hann ekki og gerði enga tilraun til
að tengjast honum. Hún hafði alltaf
verið mikil barnagæla svo þetta var
auðvitað mjög sárt að horfa upp á.“
Sjálfsagt verið örvæntingarfull
„Í ársbyrjun 2013 var ég að læra um
framheilabilun og afleiðingar henn-
ar í skólanum. Mér fannst einkenn-
in minna mig afar mikið á Dóru,
mömmu mannsins míns, og sagði
honum frá því,“ segir Margrét sem
er talmeinafræðingur.
„Ég var orðin samdauna þessari
hegðun, þar til svona 2013, þá var
þetta orðið of skrítið. Þá var búið að
reyna að fara með hana í ýmis við-
töl til lækna og sérfræðinga, meðal
annars var hún greind með ofvirkni
og látin taka rítalín,“ segir Bryngeir.
„En ábendingar Margrétar leiddu
okkur á Landakotsspítala til Jóns
Snædal og það var tekin sneiðmynd
af heilanum sem leiddi í ljós mikla
rýrnun í framheila, líklega af völd-
um hrörnunarsjúkdóms FTD, sem
er sjaldgæfur og greinist ekki á Ís-
landi nema á svona sjö ára fresti.
Þegar þetta lá fyrir fengum við öll
mjög mikið samviskubit.“
„Hún er enn með viti þegar hún
fær greininguna en engan veginn í
stakk búin til að taka henni,“ segir
Anna Björk. „Hún átti ákaflega erfitt
þótt hún hafi sjálfsagt vitað innst
inni að það var ekki allt með felldu.
Hún var sjálf búin að reyna að tak-
ast á við afleiðingar sjúkdómsins
með því að setja sér reglur og skrifa
allt niður til minnis. Þá kom i ljós
að hún hafði tekið hættulega stóra
skammta af allskyns bætiefnum til
að laga ástandið og sjálfsagt hefur
hún verið mjög örvæntingarfull.“
Fjölskylda Dóru Elísabetar upp-
lifði mikið úrræðaleysi í kerfinu,
þótt greiningin væri komin og það
var litla hjálp að fá.
„Ég sagði upp vinnunni, pakkaði
saman og flutti landshluta á milli
heim til mömmu því ég vissi að
þetta yrði tími sem ég fengi aldrei
aftur,“ segir Eva Bryngeirsdóttir.
„Við þurftum bara að gera það sem
við gátum til að láta hlutina ganga
upp. Mamma var orðin þung á brún
og ráðvillt á svip. Ég upplifði hlut-
verkin okkar snúast við. Mamma
sem hafði alltaf gert allt fyrir mig og
haft vit fyrir mér var komin í mitt
hlutverk og ég farin að sjá um hana
og reyna mitt besta til að hafa vit
fyrir henni.“
Missti alla sjálfsstjórn
„Það tekur mikið á að sjá mömmu
sína í þessu ástandi,“ segir Anna
„Hún keypti allt sem
henni datt í hug og sló
lán í bönkum til hægri og
vinstri, ég reyndi að láta
loka greiðslukortunum
hennar en hún lét opna
þau strax aftur.“
Mynd | Hari
Dóra Elísabet með yngsta soninn, skömmu eftir að þessi mynd er tekin fór hún að
veikjast.
„Við grátbáðum bankana um að lána henni ekki pen-
inga,“ segir Berglind. „Það var aldrei hlustað á okkur.
Hún fékk að taka út peninga hvenær sem henni datt í
hug og leggja allt að veði. Þeir sögðu að það væri ekkert
hægt að gera nema svipta hana sjálfræði.
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
VÍKURVAGNAR EHF. STYRKUR, ÞJÓNUSTA OG ÁREIÐANLEIKI
STÆRÐ FRÁ 360-550 L
FARANGURSBOX
Víkurvagnar ehf. - Hyrjarhöfði 8. - 110 Reykjavík -
Sími 577-1090 - www.vikurvagnar.is - sala@vikurvagnar.is
VÍKURVAGNAR EHF. STYRKUR, ÞJÓNUSTA OG ÁREIÐANLEIKI
HJÓLAFESTINGAR
Víkurvagnar ehf. - Hyrjarhöfði 8. - 110 Reykjavík -
Sími 577-1090 - www.vikurvagnar.is - sala@vikurvagnar.is
1-3 HJÓL Á FESTINGU
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Ifor Williams vélavagn
3500 kg. heildarburður, pallur 3,03 x 1,84 m
Verð 685.484 kr. +/vsk