Fréttatíminn - 07.04.2017, Blaðsíða 46
46 | FRÉTTATÍMINN | FÖSTUDAGUR 7. APRÍL 2017
Ný Góu páskaegg með
bragðgóðum marsipandýrum
Fjölhæfni hefur löngum þótt
kostur og ekki er óalgengt að
fólk sinni fleira en einu starfi,
mennti sig margvíslega og haldi
mörgum boltum á lofti. En hver
er ástæðan fyrir því að fólk tek-
ur að sér mörg verkefni í einu?
Er það til að ná endum saman
eða til að mæta kröfum atvinnu-
lífsins um skrautlega ferilskrá?
Einar Stefánsson tónlistarmað-
ur er einn þessara „múltítask-
ara“ en hann spilar á trommur í
hljómsveitunum Vök og Hatari,
er menntaður hljóðtæknir og
lauk svo gráðu í viðskiptafræði
í fyrra.
„Ég er búinn með tækninámið og
búinn með viðskiptafræðina og
núna langar mig að rækta mig sem
skapandi einstakling,“ segir Einar
sem er vægast sagt upptekinn þessa
dagana. Í gær spilaði hann nefni-
lega í London með Vök, í kvöld spil-
ar hann með Hatari í Reykjavík og
á morgun spilar hann með báðum
hljómsveitum á Akureyri. „Þetta
var ekki planið, en mér finnst mjög
gaman að vinna í tónlistarbransan-
um. Þetta er ógeðslega mikil vinna
en mér finnst það mjög gefandi. Það
gerist oft að maður er að vinna mik-
ið á næturnar og stundum að byrja í
verkefni snemma næsta dag.“
„Múltítaskerinn“: Trommari með tvær háskólagráður
Einar Stefáns-
son er búinn að
læra ýmislegt.
Í kvöld spilar
hann með
hljómsveitinni
Hatari á Húrra.
Mynd | Hari
Einar lærði hljóðtækni við háskóla
í Amsterdam og útskrifaðist þaðan
árið 2011. Hann var svo í starfsnámi
þar til leið hans lá í viðskiptafræðina
í Háskóla Íslands. Hann notaði þó
menntun sína sem hljóðtæknir til
þess að styðja við námið í háskól-
anum fjárhagslega og allt small því
vel saman á endanum, þó Einar
hafi verið orðinn nokkuð þreyttur
á lokametrunum. „Ég held að það
sterkasta sem ég lærði í viðskipta-
fræðinni hafi verið skipulag,“ seg-
ir Einar íhugull. „Ég á lítinn frítíma
og mér finnst voða gott að geta bara
alltaf verið með allt skrifað niður,
bara ef ég er að fara að hitta ömmu í
kaffi þá fer það inn í dagatalið.“
Hljómsveitin Vök er að fara að
gefa út plötu í lok apríl og hljóm-
sveitin er því á leiðinni á Evróputúr.
„Stundum hittir maður ekki vini
sína í nokkrar vikur í senn og þá líð-
ur manni eins og maður sé að missa
af einhverju,“ segir Einar sem seg-
ist þó einstaka sinnum fá að slaka á.
„Stundum fær maður að sofa út, það
hjálpar alveg helling.“ | bsp
Bryndís Silja Pálmadóttir
bryndis@frettatiminn.is
Ef þú býrð í Tókýó, New York eða eitthvað þá er sveitalífið á Íslandi álíka framandi og Hvergiland,“ segir Pálína Axelsdóttir
Njarðvík sem er fædd og uppalin
á bænum Eystra Geldingaholt í
Gnúpverjahreppi. Hugmyndin
um að kynna kindurnar á sér
instagram aðgangi vaknaði fyrir
tveimur árum þegar Pálínu fannst
hún vera að drekkja vinum sín-
um í myndum af kindum á eigin
aðgangi. Fylgjendurnir hafa svo
bæst við hægt og þétt og nú er hún
með yfir 24 þúsund fylgjendur.
En það eru mun fleiri fylgjend-
ur en margar helstu samfélags-
miðlastjörnur Íslands eru með.
Forvitnir útlendingar í heimsókn
„Ég fæ líka mjög oft skilaboð frá
fólki sem er að spyrja hvort það
megi koma í heimsókn til mín og
ég segi bara, já, ef ég er heima,“
segir Pálína kát. En hún hefur
einmitt tekið á móti nokkrum
slíkum heimsóknum frá forvitn-
um útlendingum sem vilja kíkja í
íslenska sveit. Pálína er hinsvegar
ekki alltaf við þar sem hún lauk
námi í sálfræði við Háskóla Íslands
síðasta vor og starfar nú á leik-
skóla á höfuðborgarsvæðinu. „Ég
flutti með annan fótinn í bæinn
þegar ég var sextán, en sveitin er
samt alltaf heima. Ég hef til dæm-
is aldrei misst af sauðburði og er
alltaf heima í maí,“ segir Pálína
sem er fyrir löngu farin að hlakka
til maímánaðar.
Hver þúfa hefur sína sögu
Bær Pálínu er í Gnúpverjahreppi
og á hann stóran sess í hjarta
hennar, enda hefur fjölskyldan
búið á bænum í margar kynslóðir.
„Við erum þrjú sem eru afkomend-
ur jarðarinnar. Við höfum mjög
sterk tengsl við bæinn, enda er
saga við hverja einustu þúfu. Við
höfum líka rætt það að við ætlum
ekkert að selja bæinn úr ættinni,“
segir Pálína sem getur vel séð fyrir
sér að flytja alfarið aftur í sveitina
einn daginn. „Þetta er náttúru-
lega eitthvað sem ég hef alist upp
í svo ég þekki ekki neitt annað, en
ég held það sé mjög gott fyrir alla
að prófa að vera í sveit. Það er allt
öðruvísi líf en lífið í bænum.“
Kindur kúra og fara í bað
„Við erum líka með kýr, hesta
og nokkrar hænur en kindur eru
uppáhaldið mitt,“ segir Pálína
sem á sér margar uppáhalds
kindur. Á myndunum sem hún
tekur fyrir instagram-síðuna sýnir
Pálína gjarnan hvað kindur eru
vinalegar og að hver og ein sé
með sinn eigin persónuleika. „Ég
held að eitt af því sem fólki finnst
sjarmerandi er að ég er alltaf að
sýna tengingu við dýr sem fólk átt-
ar sig ekkert á að séu með svona
stóran persónuleika.“ Pálína segir
kindurnar líka haga sér eins og
hunda en hún hefur í gegnum tíð-
ina tekið inn í hús heimaalninga
sem búa inni í húsi, fara stundum
í bað og kúra með henni á nótt-
unni. Sláturtíð á haustin er því
Pálinu mjög erfið og er hún lítið
heima við á þeim mánuðum. „Eins
og kindurnar mínar, sem hafa ver-
ið heimaalningar og ég hef verið
að knúsast í, þær eru ekkert send-
ar í burtu. Þær eru bara heima
þar til þær deyja af náttúrulegum
orsökum,“ segir Pálína sem var
til að mynda með kind á stúd-
entsmyndinni sinni. „Það stóð að
maður mætti koma með gæludýr,“
segir hún og skellihlær.
Konan sem kúrir
með kindum
Gæludýr skipa stóran sess í hjörtum margra en
þá er yfirleitt um að ræða snotra ketti eða káta
hvutta. Uppáhaldsdýr Pálínu eru hinsvegar
kindurnar, enda missir hún aldrei af sauðburði.
Pálína heldur líka úti vinsælum instagram-
aðgangi undir heitinu farmlifeiceland þar sem
yfir 24.000 manns fylgjast með ævintýrum
hennar í sveitinni.
Glænýtt,
frábært
hlaðvarp
Aðdáendur hlaðvarpsins Serial
geta nú glaðst því að nýtt
æsispennandi hlaðvarp úr sömu
smiðju er komið á veraldarvef-
inn og þar af leiðandi í snjallsím-
ana. Blaðamaðurinn Brian Reed
fékk fyrir nokkrum árum póst frá
karlmanni nokkrum, búsettum í
litlum bæ í Alabama í Bandaríkj-
unum. Manni þessum, sem nefnist
John, er vægast sagt mjög illa við
bæinn sinn og íbúa hans enda var
titill póstsins „John B McLemore
býr í Skítabæ Alabama.“ En nafn
hlaðvarpsins S-town er einmitt
dregið frá þessum skondna pósti.
John biður Brian um að rannsaka
ungan son moldríkra íbúa bæj-
arins sem John segir hafa verið
að monta sig af því að hafa myrt
annan pilt. Brian fer að þreifa fyrir
sér og kemur þá ýmislegt í ljós.
Æsispennandi hlaðvarp og ekki
skemmir skemmtilegur suður-
ríkjahreimur John fyrir. | bsp
Aðdáendur
sauðkindarinnar
sameinast
Íslenska sauðkindin hefur nú
eignast aðdáendasíðu á facebook
þar sem velgjörðarmenn úr öllum
heimshornum geta komið saman
og dáðst að eiginleikum hennar.
Síðan nefnist The Icelandic Sheep
Fan Club og tilgangur henn-
ar er að heiðra íslensku
sauðkindina sem hefur
haldið lífi í Íslendingum á
dramatískustu stundum sögunnar
sem markast af einangrun, slæmu
veðurfari, hungri og hryllilegum
atburðum, líkt og segir á síðunni,
að sjálfsögðu á ensku.
Þar sem síðan fór frekar nýlega
í loftið er ekki mikið efni kom-
ið inn á hana, en fólk er meðal
annars hvatt til að setja inn mynd-
ir og nöfn á uppáhaldskindunum
sínum. Þá er fjallað um hönnun
tengda sauðkindinni og sagt
frá afrekum íslenskum sauð-
fjárbænda á erlendri grundu.
| slr
Hlaðvarpið S-town er frábært nýtt
hlaðvarp þar sem blaðamaðurinn Brian
og suðurríkjamaðurinn John rannsaka
morðmál.
„Lafa mín var svona aumingi sem bjó
inni í nokkrar vikur og fór í bað á hverj-
um degi. Hún var líka með bleyju og
hoppaði líka upp í til mín á morgnana
og við kúrðum til hádegis.“ Mynd | Rut
Pálína elskar kindur, enda eru
þær uppáhaldsdýrin hennar.
Hún heldur úti instagram-að-
ganginum farmlifeiceland þar
sem yfir 24 þúsund manns
fylgjast með lífinu í sveitinni.
Mynd | Hari