Fréttablaðið - 27.01.2018, Side 25

máli hvað nágrannarnir tóku vel á
móti þeim.
„Mér fannst smæðin á skólanum
líka mjög heillandi,“ segir Drífa sem
var farin að hafa töluverðar áhyggjur
af þessum stöðugu flutningum þeirra
mæðgna. „Þú vilt vera í skólahverf-
inu þínu og eignast vini en hvernig
átt þú að geta gert það ef þú ert alltaf
að flytja?“
Rétt fyrir klukkan tvö fer Unnur
amma út á horn að sækja Svanhildi
litlu sem kemur þá heim með skóla-
bílnum. Inn kemur sú stutta eins og
stormsveipur.
„Ég gleymdi húfunni og vettling-
unum í rútunni,“ tjáir hún móður
sinni áköf.
Svanhildur heldur þó enn sam-
bandi við vinina í Hafnarfirði og fer
þangað aðra hverja helgi til pabba
síns. Hún skrifar líka vinunum í
borginni reglulega sendibréf og
heldur þannig í vinahópinn.
Samfélagsleg ferðaþjónusta
Eftir flutningana fékk Drífa þá flugu
í höfuðið að hún vildi gera meira í
þorpinu varðandi ferðamennsku.
Einn daginn var hún á gangi með
hundinn sinn þegar hún hitti konu
með svipaðar hugmyndir. Drífa og
samstarfskona hennar, Vigdís Sig-
urðardóttir, enduðu á því að sækja
saman um styrk til að þróa svokall-
aða samfélagslega ferðaþjónustu.
Svona gerast hlutirnir nefnilega í
sveitinni.
„Ég vildi finna flöt þar sem væri
hægt að gera meira í þorpinu, skapa
eitthvað meira. Það er alveg hellingur
af ferðamönnum hérna en vantar
svolítið við að vera. Mig langaði að
bjóða fólki í mat eða fara í göngu-
túra og Vigdís var með svipaðar
hugmyndir.“ Þær Drífa og Vigdís fóru
því á stúfana til þess að finna út hvað
þorpsbúar vildu sjá varðandi ferða-
mennina.
„Við viljum finna út hvernig við
getum uppfyllt óskir þorpsbúanna
varðandi ferðamennsku,“ segir Drífa.
Í síðasta mánuði fengu þær úthlutað
styrk frá Samtökum sunnlenskra
sveitarfélaga til þess að þróa hug-
myndina um samfélagslega ferða-
þjónustu á svæðinu. Þegar innt er
eftir því hvernig þær stöllur hyggjast
komast að því hvað þorpsbúar vilja
er svarið einfalt, þær ætla einfaldlega
að ganga í hús.
Vöruskipti með vínarbrauð
Þær mæðgur fengu ágætis garð með
húsinu og hafa nýtt hann vel. Í sumar
ræktaði Drífa þar kartöflur, rabar-
bara, baunir og jarðarber og er búin
að byggja moltugerðartunnu til þess
að endurnýta lífrænan úrgang.
„Garðurinn við húsið var alveg
óskrifað blað. Ég er mikið að reyna
að kaupa ekki of mikið af hlutum
til að hafa í garðinum, frekar nýta
það sem fellur til annars staðar,“
segir Drífa sem útbjó til að mynda
gróðurker úr gömlum fiskikörum
sem þær fengu frá nágrannanum.
Pallurinn við húsið er líka endurunn-
inn en hann er byggður úr gömlum
vörubrettum. „Við viljum ekki henda
neinu og vera eins umhverfisvænar
og við getum.“
Í gömlu fiskikörunum sem Drífa
fékk gefins ræktar hún kartöflur og
jarðarber yfir sumarmánuðina.
„Meira að segja spýturnar eru
endurnýttar,“ segir Drífa og bendir
á spýtur sem notaðar voru til að
smíða utan um körin. „Þetta eru
afgangsspýtur sem ég fékk frá tré-
smið á Stokkseyri. Ég þurfti að borga
fyrir þær tvær vínarbrauðslengjur og
tvo poka af kaffi. Svona er þetta hér
í sveitinni.“
Þrátt fyrir að flest í garðinum
sé endurnýtt má þar finna einn
aðkeyptan hlut, garðbekk sem þær
mæðgur keyptu á Litla-Hrauni.
„Við köllum þetta sakamanna-
bekkinn,“ segir Drífa og hlær. „Því
hann er smíðaður á Litla-Hrauni.
Þar getur maður keypt garðhúsgögn
og fuglahús og okkur fannst alveg
kjörið að styðja við iðnað á svæðinu.
Svo er hann líka brennimerktur Litla-
Hrauni.“
Tvítar um Eyrarbakka
Garður mæðgnanna er þó ekki
ónýttur meðan snjórinn fellur
og á meðan vetrarhörkur ríkja á
landinu sækja þangað smáfuglar í
mat. „Við erum með svona fimmtíu
fugla í mat á hverjum degi,“ útskýrir
Unnur.
„Það er svo mikill vilji hjá fólki til
að sýna hvað þorpið okkar er fallegt,
ég er búin að búa hérna í ár og ég er
strax farin að segja þorpið okkar. Það
er ekkert sjálfgefið.“
Drífa hefur verið dugleg að segja
frá lífinu á Eyrarbakka á samfélags-
miðlinum Twitter þar sem hún er
með töluvert af fylgjendum. Að eigin
sögn langaði hana helst að halda
utan um alla þessa reynslu, sem
flutningarnir eru, en hún vissi sjálf
lítið hvað hún var að fara út í.
„Ég fór ekki einu sinni í sveit og
fólk er mikið búið að hlæja að mér
því ég veit ekkert í sambandi við
sveitina. En mér finnst bara gaman
að leyfa öðrum að vera með í þessu.“
Að gera grín að sjálfum sér
Það má með sanni segja að þær Drífa,
Unnur og Svanhildur litla séu himin-
sælar með nýja lífið á Eyrarbakka.
„Ég fer alltaf minna og minna í
bæinn,“ segir Drífa sem kveðst nýta
sér óspart heimsendingu á hlutum.
Enda er pósturinn á Eyrarbakka
alveg frábær að sögn Drífu. „Ef maður
er ekki heima skilur pósturinn bara
pakkann eftir fyrir utan. Þetta er
alveg svona fílingur hérna og þegar
maður er úti þá veifar maður öllum.“
Unnur er úr Vestmannaeyjum en
Drífa og Svanhildur hafa alla tíð búið
í borginni. Því hljóta það að hafa
verið töluverð viðbrigði fyrir þær að
flytja í svona smábæ. Drífa segir að
slíku verði bara að taka með léttleika.
Þegar talið berst að þorrablótum
Sunnlendinga fer Drífa að hlæja.
„Maður verður að geta gert grín að
sjálfum sér. Ég hef aldrei búið annars
staðar en í borginni þannig að ég veit
ekkert hvað verið er að tala um.“
Móðir hennar bætir við: „Ég þekki
muninn á kótelettum og lærisneið-
um,“ segir hún og þær mæðgur skella
báðar upp úr yfir þekkingarleysinu.
„Ég viðurkenni það alveg fúslega
og geri bara grín að mér fyrir vikið,
maður má ekki taka sjálfan sig of
hátíðlega,“ segir Drífa.
Ég var alveg: hver
býr á eyrarbakka?
Drífa Pálín
Vísindasmiðja HÍ býður gestum að taka þátt í tilraunum, þrautum og
leikjum í vísindahúsi Fjölskyldu- og húsdýragarðsins sem kynna
undraverða eiginleika ljóss, lita, hljóðs og rafmagns. Kannaðar verða
stjörnur, sólir og tungl undir leiðsögn Sævars Helga Bragsonar og
gestum boðið að spreyta sig á að búa til einfalt vasaljós.
Boðið verður upp á heitt kakó og kruðerí. Aðgangur
er ókeypis í garðinn á meðan viðburðurinn fer fram.
Rafmögnuð stemning
í Fjölskyldu- og húsdýragarðinum
Veitur og Orka náttúrunnar bjóða upp á skemmtun
og fræðslu um rafmagn fyrir alla fjölskylduna
laugardaginn 27. janúar kl. 13–16.
h e l g i n ∙ F R É T T A B l A ð i ð 25l A U g A R D A g U R 2 7 . j A n ú A R 2 0 1 8
2
7
-0
1
-2
0
1
8
0
4
:2
0
F
B
1
2
0
s
_
P
0
9
7
K
.p
1
.p
d
f
F
B
1
2
0
s
_
P
0
9
6
K
.p
1
.p
d
f
F
B
1
2
0
s
_
P
0
2
4
K
.p
1
.p
d
f
F
B
1
2
0
s
_
P
0
2
5
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
E
D
8
-8
7
4
0
1
E
D
8
-8
6
0
4
1
E
D
8
-8
4
C
8
1
E
D
8
-8
3
8
C
2
7
5
X
4
0
0
.0
0
1
8
B

F
B
1
2
0
s
_
2
6
_
1
_
2
0
1
8
C
M
Y
K